ElaKiri Community

ElaKiri Community (http://www.elakiri.com/forum/index.php)
-   Nawakatha saha Ketikatha (http://www.elakiri.com/forum/forumdisplay.php?f=35)
-   -   "අත්ලාන්තිසයෙන් නෙරපීම" (http://www.elakiri.com/forum/showthread.php?t=1899998)

Dark_Night_of_the_Soul 05-19-2019 11:48 PM

"අත්ලාන්තිසයෙන් නෙරපීම"
 
රොබට්. ඊ. හවර්ඩ් ගේ "Exile of Atlantis" නැමැති කෙටි කතාවේ පරිවර්තනයකි.


පරිවර්ථක: කසුන් ලියනගේ (Dark_Night_of_the_Soul)


-----------------


http://www.elakiri.com//www.elakiri....ofatlantis.jpg



Book Cover






අත්ලාන්තිසයෙන් නෙරපීම
පලමු කොටස

හිරු බැසයමින් පැවතිනි. එහි කුණු ලේ පැහැති අවසන් දිස්නය භූමිය පුරා පැතිර තිබිනි. හිම විසිරුණු කදු මුදුන් මත, රුධිර ඔටුන්නක් තැබුවාක් මෙන් එහි ආලෝකය විසිරිලාය. දිනයේ අවසානය නරඹමින් සිටි මිනිසුන් තිදෙනා, සන්ධ්‍යාවේ මද සුළගෙහි ගැඹුරු සුගන්ධය ලය පුරා ආශ්වාශ කලෝය. එම සුළග පැන නැගුනේ ඈතින් තිබූ වානාන්තරයන් තුලිනි. මෙසේ උන් එම මිනිසුන් තිදෙනා, මද වේලාවකින් වඩාත් භෞතිකමය කටයුත්තක යෙදීමට සැරසුනෝය. එක් පුද්ගලයෙකු කුඩා ගිනිමැලයක් මත මුව මස් බදින්නට පටන්ගති. ඔහු දුම් දමන මාංශයට ඇගිල්ලක් තැබුයේ, අනතුරුව එය දිව ගා රස බැලූයේ කලාකරුවෙකු චිත්‍රයක රස බලන උරුවෙනි.

"කල්, කෑම ලෑස්තීයි -- ගෝර්-නා -- දැන් ඉතිං බුදිමු."

ඔහු යන්තමින් කොළු වසය පසු කල තරුණ මිනිසෙකු විය. උසැති වූ ඔහු සිහින් බදකින් යුතු වූ අතර, පුළුල් උරසකින් සමන්විත විය. හේ ගමන් කලේ දිවියෙකු චලනය වන්නාක් බදු ලාලිත්‍යයකිනි. ඔහුගේ සහචරයන්ගෙන් එකකු වඩාත් වැඩිමහළු අයෙකු වූයේය. මොහු බල සම්පන්න යෝධ සිරුරකින් යුතු, සිරුර පුරා මවිල් ඉහිරුනු මිනිසෙකු විය. ඔහුගේ මුහුන මත ප්‍රචණ්ඩ පෙනුමකි. අනෙකා මස් පිසූ තරුණයාට සමාන වසයකින් යුතු එකකු වූයේය. එකම වෙනස වූයේ ඔහු මුල් තැනැත්තාට වඩා මදකින් හැඩි දැඩි වීමත්, වඩාත් උසැති වීමත්ය. එමෙන්ම ඔහුගේ උරය වඩාත් ගැඹුරු වූ අතර, උරහිස් වඩාත් පලල් වූයේය. ඔහු අනෙක් තරුණයාට වඩා කඩවසම් සහ බල සම්පන්න සෛය්‍යාවකින් යුතු විය. ඔහුගේ දිගැති සහ සුමුදු මාංශ පේශීන් තුල, හදිසි ක්‍රියාකාරීත්වයකට අවැසි වේගයක් සැගවී ඇත්තක් මෙන් දිස්විනි.

"බොහොම හොදා," හේ කීයේය, "මට බඩගිනියි."

"උඹට බඩගිනි නැති වෙලාවක් තියේද?" අනෙක් තරුණය විසිළු කරමින් සිනාසුනි.

"හටන් කරනකොට මට බඩගිනි නෑ," කල් පිලිතුරු දුන්නේ බරපතල ලීලාවකිනි.

අනෙකා කල් දෙස බැලුවේ ඔහුගේ සිතුවිලි ගැඹුරෙහි සැගවී ඇති යමක් වටහා ගැනීමට මෙනි. ඔහුට තම මිතුරා පිලිබදව ස්ථීර වූ විශ්වාසයක් තිබුනේ නැත.

"එතකොට උඹට තියෙන්නෙ ලේ බඩගින්න වෙන්ඩැ," වැඩිමහළු මිනිසා හරස් කැපීය. "අම්-රා, උඹේ වල් පල් විහිළු නවත්තලා ඔය මස් ටික අපට කපලා දියන්"

රාත්‍රිය නැගී එන්නට විය. එහෙත් තාරකාවන් ඇසි පිය ගසා නොපෙනී යන්නට විය. සන්ධ්‍යා සුළග අන්ධකාර කදු ප්‍රාන්තය පිස දමිමින් හමා ගියේය. හදිසියේම ඉතා ඈතින් ව්‍යාග්‍රයකුගේ ගර්ජනාවක් පැන නැගිනි. ගොර්-නා තමා අසල වැතිර තිබූ ගිනි-ගල් තුඩක් සහිත හෙල්ලය දෙසට චලනය වූයේ සහජාසයානුගතවය. කල් තම හිස හැරවූ අතර, ඔහුගේ අළුවන් ශීතල දෑස් තුල කිසියම් අසාමාන්‍ය වූ අලෝකයක් නිවි නිවී දැල් වුනේය.

"අපේ ඉරි-සහෝදරවරු අද රෑට දඩයමට ලෑස්ති වෙනවා." හේ කීයේය.

"උන් අර පායන හදට වන්දනා කරනවා." අම්-රා පෙරදිග දිශාව පෙන්වූ අතර, එතැන අකාශයෙහි රතුවන් දිස්නයක් මතුවී එන බව සහතිකවම පෙනී ගියේය.

"ඒ මොක?" කල් විමසුවේය.

"හද උන්ට උන්ගේ ගොදුරු සහ උන්ගේ හතුරෝ පෙන්නුම් කරලා දෙනවා."

"එක පාරක්, අවුරුදු සිය ගානකට උඩදී," ගොර්-නා පැවසීය, "දඩයක්කාරයෝ වගයක් රජ කොටියෙකු පිටිපස්සේ එලෙවුවා. කොටියා හදේ ඉන්න ස්ත්‍රී පරානෙට කෑ ගහලා කථා කරා. එතකොට ඒ ගෑණු පරානේ, හදේ ඉදන් පහලට වැලක් වීසි කලා. ඌ ඒ වැල දිගේ කරදරයක් නැතුව හදට නැගලා, අවුරුදු ගානක් හදේ වාසේ කලා. එදා ඉදන් හැම ඉරි-මිනිහෙක්ම හදට වන්දනා කරනවා"

"මල විකාර" කල් එකවරම කියා දැම්මේය. "ඉරි-මිනිස්සු මොකද එච්චර කාලෙකට උඩදී තමන්ගේම එකෙක්ව මරන්ඩ උපකාර කරපු හදව වදින්නේ? හොගක් කොටියෝ මාරක ගල නැගලා දඩයක්කාරයින්ගෙන් බේරිලා ගිහිං තියෙනවා. ඒත් උං ඒ ගලට වදින් නෑ නෙව. උං කොහොමද ඕච්චර කාලෙකට කලිං සිද්ද වුනයි කියන ඔය හදේ හුටපටේ ඇත්තක්ද කියලා දන්නේ?"



------



මතු සම්බන්ධයි...

Dark_Night_of_the_Soul 05-21-2019 01:44 PM

http://www.elakiri.com//www.elakiri....arian_copy.jpg

..ගොර්-නා ගේ නලල අදුරු වී ගියේය. "ඒම කියන්ඩ හොදයැ, කල්. උඹේ ලොක්කන්වයි, උඹව හදාගත්තු මිනිස්සුන්ගේ පුරාවෘත වලටයි විහිළු කරන්ඩ හොදයැයි. ඒ ඉතිහාස කතාව ඇත්තක් වෙන්න ඕන. මොකෝ, මිනිස්සුන්ට අමතක වෙලා ගිය පරන අතීත කාලේ ඉදලා, පරම්පරාවෙන් පරම්පරාවට උරුම වුනු කතාවක් ඕක. එච්චර කාලයක් විස්වාස කරපු දෙයක්, බොරු කෙප්පයක් වෙන්ට බෑ."

"ඒ වුනාට මම ඕක විස්වාස කොරන් නෑ" කල් කියා දැමීය. "මේ කදු මෙතෙක් කල් නොහෙල්වී පැවතිලා තියනවා, ඒත් එක දවසකදී ඒවා දිරාපත් වෙලා කඩා වැටිලා අතුරුදහන් වෙනවා නියතයි. එක දවසකදී මුහුද මේ කදු උඩින් ගලා බහීවි."

"ඔය අපහාස කිරිල්ල නවත්තපන්. ඔය ඇති!" ගොර්-නා කෑගෑවේ ක්‍රෝධයට ආසන්න හඩකිනි. "කල්, උඹයි මමයි හොද යාළුවෝ නෙව. මම උඹට කැමති උඹේ ඇති තරුණ එඩිතර කම හන්දා. ඒත් උඹ එකක් දැනගන්ඩ ඕනැ. උඹ උඹේ මුතුන් මිත්තන්ට ගරු කරන්ඩ ඉගෙන ගනින්. උඹ අපේ මිනිස්සුන්ගේ සිරිත් විරිත් විහිළුවකටයි ගනන් ගන්නේ. යකෝ, ඒ මිනිස්සුනෙ උඹව වනාන්තරයෙන් ගලවගෙන, උඹට ගෙයක් දොරක් දුන්නේ, උඹව උන්ගේ ගෝත්‍රයට අරගත්තේ."

"ඔව්, මම ලොං නැති වානරයෙක් වගේ ඉබාගාතේ කැලේ කරක් ගැහුවා තමා." කල් එය එකවරම පිලිගත්තේ විළියකින් තොරවය. "මට මිනිස්සුන්ගේ බාසාව කතා කරන්ඩවත් බැරුව හිටියා තමා. මගේ එකම යාළුවෝ වුනේ දිවියොයි වෘකයොයි. ඒත් මම දන්නෑ ඇත්තටම මාව වදාපු මිනිස්සු කවුද කියලා, මගේ ඇගේ දුවන්නේ කාගේ ලේද කියලා..."

"ඒවයිං වැඩක් නෑ" ගොර්-නා මැද්දට පැන්නේය. "උඹට තියෙන්නේ, අර කොටි-නිම්නයේ හිටපු නීතියක් රීතියක් නැති මිලේඡ්ච ගෝත්‍රිකයන්ට තියන පුරුදු. උන් සේරම මහා ගංවතුරට යට වෙලා අතුරුදහං වෙලා ගියා. ඉතිං දැන් ඔය කතා වලින් වැඩක් නෑ. උඹ අපේ ගෝත්‍රයේ එඩිතර සටන්කාරයෙකු බව උඹ ඔප්පු කරලා තියනවා. අති දස්ස දඩයක්කාරයෙක් බව උඹ ඔප්පු කරලා තියෙනවා.."

"හෙල්ලේ එල්ලයට විසි කරන්ට හරි, මල්ලෝපොර අල්ලන්ට හරි, මූ තරම් දස්ස ඉලංදාරියෙක් හොයාගන්ඩ උඹට ඇහැකි ද? බෑ නෙවෙද?" එවර හරස් කැපුවේ අම්-රා ය. ඔහුගේ දෑස් බැබලෙමින් තිබිනි.

"සහතිකයි." ගොර්-නා කීයේය. "මුලු මුහුදු-ගිරි ගෝත්‍රයටම, "කල්" කියන්නේ අභිමානයක්. ඒත් මිනිහාට උගේ කට පරෙස්සං කරගන්ට වෙනවා. ඒ වගේම පෞරාණික සහ වර්ථමානයේ තියන ශුද්ධ වූ දේවල් වලට ගරු කරන්ට පුරුදු වෙන්න වෙනවා."

"මම මොකෙකුටවත් කරපු අපහාසයක් නෑ," කල් පැවුසූයේ සන්සුන්වය. "ඒත්, මේ පූජකයෝ දෙසන බොහොමයක් දේවල් පට්ටපල් බොරු බව මම දන්නවා. මොකෝ මම ව්‍යාග්‍රයොත් එක්ක දුවපු මිනිහෙක්. මම කැලෑ සත්තු ගැන මේ පූජකයින්ට වඩා හොදට දන්නවා. සත්තු කියන්නේ දෙවිවරු වත් මිත්‍රයොවත් නෙවෙයි. ඒත් උන්ට මිනිස්සුන්ට වගේ දැඩි කාමාශාවක් වත් තණ්හාවක් වත් නෑ.."

"ඕං! අයෙ පාරක් අපහාස කොරනවා!" එවර ගොර්-නා කෑගෑවේ කෝපයෙනි. "මනුශ්‍යයා කියන්ගේ වල්කා දෙයියංගේ අපූරුම නිර්මානය."

අම්-රා, මෙම කතා මාතෘකාව වෙනතකට හැරවීමට හරස් කැපුවේය. "අද උදේ පාන්දර මට ඇහුනා, වෙරලේ ඇති බෙර ගහන සද්දයක්. මුහුදේ යුද්දයක්. වැලූසියාව, ලෙමූරියානු මූදු කොල්ලකායොත් එක්ක හටං කරනවා."

"උං දෙකම මකබෑ වෙච්චාවේ" ගොර්-නා ගොරවමින් කියා සිටියේය.

කල් ගේ දෑස් වල තිබූ අලෝකය නැවතත් ඇසි පිය ගැසීය. "වැලූසියා! මයාවේ දේශය! කවදා හරි දවසක මම ඒ ආශ්චර්ය්‍යජනක නගරය බලන්ට යනවා."

"ඒ ඉතිං උඹ මකබෑ වෙන දවස තමා." ගොර්-නා කීවේ දත් නියවමිනි. "එහේ ගියාම උං උඹව දංවැල් වලින් බදිනවා නියතයි. ඊට පස්සෙ ඉතිං වද විදිල්ලයි, අවසානයේදි මරණයයි තමා උඹට උරුම වෙන්නේ. අපේ ගෝත්‍රයේ අහවල් මිනිහෙකුට බෑ ඒ නගරෙට යන්ඩ, වහලෙක් වෙලා මිසක්."
-----

මතු සම්බන්ධයි..

Sara531 05-21-2019 01:48 PM

Up

Dhanushka.N 05-21-2019 02:18 PM

Elas

Naughtykolla48 05-21-2019 02:24 PM

up

Dark_Night_of_the_Soul 05-21-2019 05:01 PM

කියවන හැම කෙනෙකුටම ස්තූතියි! :)

Kodiya97 05-21-2019 05:03 PM

Bumpy

Dark_Night_of_the_Soul 05-22-2019 05:22 PM

..."වැලූසියාව අපල නගරයක්" අම්-රා මිමිනුවේය.
"මාරක රතු අපලයක්!" ගොර්-නා කෑ ගසා කීය. ඔහු තම මිට මෙලවූ හස්තය නැගෙනහිර දෙසට ඔසවා සෙලවූයේය. "හොලවපු හැම අත්ලාන්තිස් ලේ බින්දුවක් වෙනුවෙන්ම, උන්ගේ සාපලත් හම්බාන් වල දුක් විදින හැම වහලෙක් වෙනුවෙන්ම, වැලූසියාව උඩින් කාලවර්ණ අංගමාර වසංගතේ පැතිරේවා! අනෙක් රාජධානි හතටත් එසේම වේවා!"

කෝපයෙන් ගිනිගත් අම්රා, සුනම්‍ය ලෙස උඩපැන තම දෙපයින් නැගී සිටියේ, එම සාපයෙන් අඩක් නැවත වරක් කෑගා පිටකලේය. එහෙත් කල්, පිසූ මසින් තවත් මස් තීරුවක් කපා ගත්තා පමනි.

"මම වැලූසියානුවොත් එක්ක හටන් කර තියෙනවා" හේ කියා සිටියේය. "උන් එඩිතරයි, ඒත් උන්ව මරන්න එච්චර අමාරු නෑ. උන්ට ඔය කියන යක්ෂ පෙනුමවල් තිබුනෙත් නෑ."

"උඹ ඒ හටන් කොරලා තියෙන්නේ, ඒකේ උතුරු වෙරලේ ඉන්න අබ ඇටේක හයියක් නැති මුරකාරයොත් එක්කයි" ගොර්-නා ගෙරවූයේය. "ඒම නැත්තං ඔය නිකංම නිකං වෙලද නැවක හිටපු නාවික රංචුවක් එක්ක. උන්ගේ කළු බලකායේ හරි මහා හමුදාවේ හරි බලයට මූන දෙන්ඩ වෙනකං ඉවසලා හිටහං. මං උං එකක් හටං කරා. හා! එතකොට බොන්ඩ පුළුවං තරමට ලේ ගලයි! හෙලිකාර ගන්ඩාරෝ එක්ක මං වැලූසියානු වෙරලට පහරදුන්නා, කල්. ඒ මම උඹේ වයසට එන්ඩත් කලිං. එහෙමයි, අපි රාජධානියේ බොහොම ගැඹුරට යනකම්ම ගිනිතිබ්බා, කඩුගෑවා. අපි මිනිස්සු පන්සීයක්. ඒ කියන්නේ අත්ලාන්තිස වෙරලබඩ සේරම ගෝත්‍රික මිනිස්සු. ආපහු ආවේ අපි හතර දෙනයි! අපි උකුසු-ගම්මානය ගිනිබත් කරලා කොල්ල කාකා ඉදිද්දී, කළු-බලකාය අපට කණ පැලෙන්න පහර දුන්නා! හෙල්ලයන් ලේ බීවා, කඩු වලට ලේ පිපාසාව නිවාගන්ට ඉඩ ඇරියා! අපිත් මැරුවා, උනුත් මැරුවා. ඒත් යුද්දයේ හෙන හඩ නිශ්චල වෙලා ගියායිං පස්සේ, අපි හතර දෙනයි යුද පිටියෙන් පැනලා ගියේ. ඒ ගියෙත් බරපතල තුවාල ඇතුව."

"අස්කලන්තේ මට කියනවා," කල් කීයේ ගොර්-නා කීවක් නෑසුනා මෙන්ය. "පළිගු නගරයේ තාප්ප උස මිනිහෙකු වගේ දහ ගුණයක් උසලු. රත්තරං සහ රිදී වලින් නැගෙන දිස්නය ඇස් නිලංකාර කරනවලු. ඒ වගේම පාරවල් වල රංචු පිටින් ඇවිදින හරි, උන්ගේ ජනේල වලින් එබිලා බලන එහේ ගෑනු, ඇදගෙන ඉන්නේ අසාමාන්‍ය ඇදුම් ලු. ඒ ඇදුම් බොහොම මටසිලිටු නිසා හුළගේ බොහොම පහසුවෙන් දග කරනවලු, දිස්නේ දෙනවලු."

"ඔය අස්කලන්තේ දැනගන්ඩ ඕන එක දෙයක්" ගොර්-නා කීයේ අදුරු ස්වභාවයෙනි. "අස්කලන්තේ උන්ගේ වහලෙක් වෙලා බොහොම කාලයක් හිටි නිසා, මිනිහාට මිනිහාගේ හොද අත්ලාන්තිස නමත් අමතක වෙලා ගිය බව. ඉතිං මිනිහා අර මොකාද වගේ දැං ඉන්නේ, වැලූසියානුවො මිනිහට දීපු නමත් එක්ක."

"මිනිහා පැනලා ගියා" අම්-රා එකතු කලේය.

"එහෙමයි, ඒත් රාජධානි හතේ දඩු අඩුවෙන් පැනලා යන එක වහලෙක් වෙනුවට, ඒ වගේ වහල්ලු හත් දෙනෙක් හිරගෙවල් වල දවස ගානේ දිරාපත් වෙලා මැරිලා යනවා. මොකද, අත්ලාන්තිසයෙකුට වහලෙකු වෙලා ජීවත්වෙන්න තරම් පහත් ඉරණමක් නැති නිසා."

"කාලයේ ආරම්භයේ ඉදලා අපි රාජධානි හතේ හතුරෝ වෙලා ඉදලා තියෙන්නේ." අම්-රා කල්පනාබර ව කීය.

"කාලයේ අවසානය දක්වාම එහෙමම වේවි" ගො-ර් නා කීවේ ම්ලේඡ්ච තෘප්තියකිනි. "වල්කා දෙයියන්ගේ පිහිටෙන්, අත්ලාන්තිසය කියන්නේ අනෙක් සියළුම මිනිස්සුන්ගේ හතුරෝ." අම්-රා නැගී සිටියේය. ඔහු තම හෙල්ලය ගෙන, තම මුර වටයට සූදානම් වූයේය. අනෙක් දෙදෙන තණින් හෙවී ගිය පොලොව මත ඇල වී නින්දට වැටුනෝය. ගොර්-නා සිහිනෙන් කුමක් දුටුවේද? ඇතැම් විට ඔහු යුද්ධය ගැන සිහින දුටුවා විය හැකිය.. නැතිනම් මීහරකුන් හෙන හඩින් කෑගානා ශබ්ධය. එසේත් නැතිනම් ලෙන් තුල වාසය කරන තරුණ කෙල්ලක ගැන. කල්?...
-----


මතුවට..

Sara531 05-22-2019 06:42 PM

:)

DCloser_3 05-22-2019 06:53 PM

:shocked:


All times are GMT +5.5. The time now is 06:06 PM.

Powered by vBulletin® Version 3.8.6
Copyright ©2000 - 2019, Jelsoft Enterprises Ltd.

Page generated in 0.03753 seconds with 9 queries