ElaKiri Community

ElaKiri Community (http://www.elakiri.com/forum/index.php)
-   Travel Sri Lanka (http://www.elakiri.com/forum/forumdisplay.php?f=67)
-   -   මාකන්දාව රක්ෂිතයේ ගෙවුණු දවසක්... (http://www.elakiri.com/forum/showthread.php?t=1912363)

Dodo Mahaththaya 09-19-2019 01:52 PM

මාකන්දාව රක්ෂිතයේ ගෙවුණු දවසක්...
 
ආයුබෝවන් අපේ එළකිරි සංචාරකයන්ට...
අදත් පොඩි සංචාරක නූලක විස්තර අරගෙන ආවා.

බෙනට් රත්නායක මහත්මයා අධ්‍යක්ෂණය කල '' අස්වැසුම '' චිත්‍රපටය බලපු කවුරු හරි ඉන්නවද...

තමුන්ගේ එකම පුත්‍රයාගේ මරණයත්, ඒ සමගම තමුන්ට ලැබෙන වටිනා මැණිකක් නිසාත් අනේකවිද දුෂ්කරතා සහ බොහෝ හැලහැප්පීම් මැද තමුන්ගේත් බිරිඳගේත් ජීවිත් වෙනුවෙන් සටන් කරන ගුනේරිස් වටා ගෙතුණු කතාන්තරය.
ඒ චිත්‍රපටියට මම ආස කරන්න එක හේතුවක් තමා ඒ දර්ශනතල.
අන්න ඒ අස්වැසුම රූගත කරලා තියෙන්නේ කිතුල්ගල, කැළණි ගඟ සහ මාකන්දාව රක්ෂිතය ඇතුලේ.

ඉතින් මාකන්දාව රක්ෂිතයේ කරපු කෙටි සංචාරයක් ගැනයි අද කියන්නේ. මේ ගමන අපි ගියේ දැනට අවුරුද්දකට විතර උඩදී, ගිය දෙසැම්බරයේ.
අපි ගියේ ගමේ යාළුවො කට්ටිය.අපි ගියේ මෝටර් සයිකල් වල.

ගමන ගැන කියනවා නම් මාකන්දාවට ඇතුල් වෙන්න පුළුවන් ක්‍රම කිහිපයක්ම තියෙනවා.
ලේසිම ක්‍රමය තමයි කිතුල්ගල රෙස්ට් හවුස් ( තානායම ) එක ලඟින් පාලම් පාරුවෙන් ගඟේ අනිත් පැත්තට මාරු වෙලා එතන ඉඳල පරවලතැන්න කියන ගමේ කෙලවරින් ඇතුල් වෙන එක.
පාරුවෙන් එගොඩ වෙලා කිලෝමීටර් බාගයක් විතර දුරකින් තමා ඇතුල්වීමේ ගේට්ටුව තියෙන්නේ.
එතන වන සංරක්ෂණ එකෙන් පොඩි ඇතුළුවීමේ දොරටුවක් සහ විවේක ස්ථානයක් එහෙම හදල තියෙනවා.
මාකන්දාවට ඇතුළු වෙන්න රු.30 මුදලකට ටිකට් එකක් ගන්නවා.

මාකන්දාව කියන්නේ ලංකාවට ආවේනික පැළැටි, කුරුල්ලෝ එහෙම ගැවසෙන සංවේදී පරිසර කලාපයක්.
ඒ නිසාම වනජීවී එකේ පරික්ෂා කරලා තමා අපිව ඇතුලට ගත්තේ.ගොඩක් විදේශිකයෝ එහෙමත් යන එන තැනක්.
මකුළු ඇල්ල, ලේන්තැරි ඇල්ල, අහස් ලෙන් කන්ද, ඇතා නාපු වල මාකන්දාවේ තියෙන ආකර්ශනීය ස්ථාන.
අපි ගිය දවසේ උදේ වරුවයි, ආපහු හැන්දෑවට කිට්ටුවයි ලොකු වැස්සක් ආපු නිසා සත්තු, කුරුල්ලෝ නම් ලොකුවට දකින්න ලැබුනේ නැහැ.
අපි මකුළු ඇල්ල බලන්න යන්න හම්බුනේ නැහැ. කාලවේලාව මදි උනු නිසා.

මාකන්දාවේ කුරුල්ලන් බලන්න යන කෙනෙකුට ගෙවීමක් කරලා මාර්ගෝපදේශකයෙකුගේ සහය ලබා ගන්නත් පුළුවන්.
හැන්දෑවේ සෑහෙන ලොකු වැස්සකට අහු වුනු නිසා අපි කිතුල්ගල කැළණි ගඟෙන් නානවා වෙනුවට තවත් ටිකක් ටවුන් එකෙන් උඩට ඇවිත්,
කිතුල්ගල අලුත් පාලම ගාවින් කටාරම් ඔයෙන් නාගෙන රෑ වෙද්දී ගෙදර ආවා.

ඉතින් සංචාරයේදී ඇස ගැටුණු ලස්සන පින්තුර ටිකක් මෙතන පහලින් අමුණන්නම්.

https://i.imgur.com/5sWRA2E.jpg
අපේ ගමන සිද්ධ වුනේ බයිසිකල් වල.

https://i.imgur.com/q5IOtmf.jpg
පාලම් පාරුවෙන් එගොඩට. පාරුවේ එක වතාවකට 7,8 දෙනෙකුට වඩා යන්න බැහැ. ඒ නිසා අපි කට්ටිය අවස්ථා 3 දී ගියේ. මොකද ගමේ මිනිස්සුන්ට මුල් තැන දුන්නා.


https://i.imgur.com/t7E3or2.jpg

https://i.imgur.com/jLJdzH1.jpg
කැළණි ගඟ


https://i.imgur.com/mwfq6aL.jpg

https://i.imgur.com/kzYKxwT.jpg

https://i.imgur.com/UE2mOe2.jpg
මාකන්දාවේ ස්ථාන සලකුණු කරපු සිතියම.

https://i.imgur.com/c6NMjZz.jpg

https://i.imgur.com/GIYEow1.jpg
සංචාරක මධ්‍යස්ථානය

https://i.imgur.com/aHDM0X0.jpg

https://i.imgur.com/S4IdpKz.jpg

https://i.imgur.com/8K1Ld0d.jpg

https://i.imgur.com/uJPe9xO.jpg
ඇතුලේ සීතල දිය දහරා, වසා ගත් රූස්ස වනය හරිම ගුප්ත සුන්දරත්වයක් තිබුනේ.


https://i.imgur.com/LqhCGlq.jpg

https://i.imgur.com/UeoYybt.jpg

https://i.imgur.com/D3IOiV2.jpg
සංචාරකයන්ට විවේක ගන්න හදපු පුංචි නැවතුම් පොලක්....

https://i.imgur.com/0gtqEJt.jpg

https://i.imgur.com/Qxv3hgm.jpg
මේ ලේන්තැරි ඇල්ල.මේකේ පහලට බහින්න නම් පොඩ්ඩක් ලෙස්සන ගල් මුල් අල්ලගෙන පොඩි උත්සහයක් දෙන්න ඕනේ.

https://i.imgur.com/XhpFMWV.jpg

https://i.imgur.com/ltt4vsl.jpg
අහස්ලෙන් කන්ද උඩට පේන වටාපිටාව. මේ ඈතින් පේන්නේ, හයිඩ්රො ප්ලාන්ට් එකයි පාලමයි.

https://i.imgur.com/LVVPFwd.jpg
අහස්ලෙන් කන්දෙන් බැහැගෙන එද්දී ලොකු වැස්සකට කොටු වුනා.නවතින්න තැනක් නැති නිසා කුඩල්ලෝ කාගෙන, වැස්සේ තෙමෙමින් ම පහලට බැස්සා.

https://i.imgur.com/GijkDvg.jpg
කවුරු හරි හදපු ග්‍රැවිටි ග්ලූ එකක්.....

https://i.imgur.com/iBLhNUm.jpg

වැස්ස නිසා මාකන්දාවෙන් එලියට ඇවිත් කැළණි ගඟේ නාන එක පොඩි අවදානමක් තියෙන නිසා අපි ආපහු පාරට ඇවිත්, තවත් කිලෝමීටරයක් දෙකක් උඩට ආවා.
අලුත් පාලම සහ හයිඩ්රො ප්ලාන්ට් එක හදන තැනින් උඩට තියෙන කටාරම් ඔයෙන් නාමු කියන යෝජනාව එක්ක අපි බයික් ටික පාලම ගාවින් නවත්තලා කටාරම් ඔයේ හොඳ තැනක් බලල හොඳට නා ගත්තා.
( කිතුල්ගල සංචාරකයෝ Confidant jumping එහෙම කරන්නේ මේ කටාරම් ඔයේ උඩට වෙන්න ). අපි නාලා ඉවර වෙද්දී රෑ 7 විතර ඇති. ඊට පස්සේ රෑට කාල එහෙම අපි කරදරයක් නැතුව ගෙවල් වලට ආවා.


https://i.imgur.com/zQ90N74.jpg

https://i.imgur.com/HRBfPdc.jpg

https://i.imgur.com/TKf4jx7.jpg

https://i.imgur.com/kjyuYQf.jpg
කටාරම් ඔයේ ජල දාරා...

ඉතින් ඔය විදිහට අපේ තවත් කෙටි නමුත් බොහොම සුන්දර චාරිකාවක් ඔය විදිහට අවසන වුනා.
තවත් මේ වගේ සංචාරක නූලක් එක්ක පස්සේ හම්බවෙමු.

Google location.


https://www.google.com/maps/place/Ma...4!4d80.4053682

මාකන්දාව ගැන වැඩි විස්තර අවශ්‍ය නම් මෙතන මම Google location එක දාලා තියෙනවා. එතන තියෙන නොම්බරයෙන් සම්බන්ධ කරගෙන වැඩි යමක් දැනගත්ත හැකි.
එහෙනම් එළකිරි වැසියන්ට ජය වේවා.

hchri 09-19-2019 02:12 PM

Godak lassanai...ube travel thread balannne harima aasawen..issara apeth set Ekak hitiya..apith oya wage godak thanwalata giya...any way....good luck machan..(You must spread some Reputation around before giving it to Dodo Mahaththaya again.)

SBWoof 09-19-2019 02:16 PM

:cool::cool:

hichchiputha 09-19-2019 02:18 PM

math ekka palayan ban :( :(
ubala taniyen yanooo :(

hodakolla 09-19-2019 02:19 PM

Patta mcn

hichchiputha 09-19-2019 02:20 PM

photo penne nq

HKavinda 09-19-2019 02:21 PM

T F S
You have given out too much Reputation in the last 24 hours, try again later.

ferdelance 09-19-2019 02:28 PM

Thank you for sharing

dinchad 09-19-2019 02:29 PM

TFS machan ....:cool::cool::cool::cool:

comx 09-19-2019 02:30 PM

godak lassnaiii.


All times are GMT +5.5. The time now is 06:08 PM.

Powered by vBulletin® Version 3.8.6
Copyright ©2000 - 2019, Jelsoft Enterprises Ltd.

Page generated in 0.01766 seconds with 9 queries