"ඔබ සියල්ල අතහරින්න. එවිට ඔබට සියල්ලම ලැබේවි. සියල්ලම ඔබට ලැබෙන විට ඒ කිසිවක් ඔබට අවශ්ය නොවේ. මන්ද, ඔබ සියල්ල අනිත්ය වශයෙන් අවබෝධ කර ඇති නිසා."
"මහ රහතුන් වැඩි මග ඔස්සේ" ග්රන්ථ රචනා කල රාජගිරියේ අරියඤාණ ස්වාමීන් වහන්සේ පවසන මේ කාරනය තේරුම් ගත යුත්තේ කෙසේද?
1. මෙහි "ඔබ සියල්ල අතහරින්න." යන්නෙහි "සියල්ල" යනු කුමක්ද? "අතහරින්න" යනු කුමක්ද?
2. එලෙස සියල්ල අතහැරිය විට "සියල්ලම ලැබේවි" යන්නෙහි "සියල්ලම" යනු කුමක්ද? "ලැබේවි" යන්න කුමක්ද?
3. සියල්ල අතහැරිය විට සියල්ල ලැබෙන්නේ කවර ආකාරයකින්ද?
--
"මහ රහතුන් වැඩි මග ඔස්සේ" ග්රන්ථ රචනා කල රාජගිරියේ අරියඤාණ ස්වාමීන් වහන්සේගේ ඉහත ප්රකාශනය අර්ථ රහිත බැවින් හිස් වදන් පෙලක් වීමත්, එහෙයින් එය මිත්යා වාචාවේ යෙදීමක් වීමත්, එහෙයින් එය එසේ පවසන්නාගේ දුසිල්වත් බව පෙන්වීමත්, එම මිත්යා වාචාවට පූර්වාංගම (යොමු කිරීම ඇතිකරවන) මිත්යා දෘෂ්ඨියකින් යුතුව කල ප්රකාශයක් වීමත්, එහෙයින් එය එසේ පවසන්නා දුෂ්ප්රඥාවෙන් යුතු බව පෙන්වීමත්, මිත්යා දෘෂ්ඨි හා මිත්යා වාචා අඩංගු දෙයක් පෙන්වා එය සම්මා දෘෂ්ඨි හා සම්මා වාචා අඩංගු අරි අට මඟ ලෙස පෙන්වීමෙන් අරි අට මඟ වැරදවීමත්, වරදවන ලද බැවින් දුගතිය කරා යොමු කිරීමකට මහ රහතුන් වැඩි මගයැයි කීමත්, එසේ අරුත් රහිත හිස් වදන් පෙලක් සම්මා සම්බුදු රජානන් වහන්සේ දෙසූ සද්ධර්මය ලෙස හෝ එම සද්ධර්මයට අනුකූල යැයි ගෙන හැර දැක්වීමෙන් එම සද්ධර්මය හිස් බවින් යුතු දෙයකට සමාන කිරීමත්, එසේ කිරීම නිසා දෙසූ සෑම භාෂිතයක්ම සුභාෂිත වූ සම්මා සම්බුදු රජානන් වහන්සේ හිස් බසින් යුත් අයෙකු ලෙස දැක්වීමත්, එසේ කිරීම නිසා එම බුදුන් සරණ යන හා එම දහම් සරණ යන භික්ෂූ, භික්ෂුණී, උපසක, උපාසිකාවන්ගෙන් යුත් සිව්වනක් පිරිස හිස් දෙයක්ම සරණ කොට ඇති අන්ධ පිරිසක් ලෙස දැක්වීමත්, වැරදි යොමු කිරීම නිසා හිස් බස බුදුන්ගේ සුභාෂිතයයැයි සම්මත කරගන්නා සිව්වනක් පිරිසට එම හිස් බස හිස් නිසාම අරුත් ගැන්වීමට නොහැකි බැවින් අන් අයට එහි අරුත් දැක්වීමට නොහැකිවීමෙන් සම්මා සම්බුදු රජානන් වහන්සේත්, සිව්වනක් පිරිසත් සද්ධර්මය නම් හිස් ප්රකාශන පිළිගන්නෝ යැයි අන්යාගමිකයින්ගේත් විහිළුවට ලක්වීමට හේතු වීමත්, මෙසේ වීමෙන් දැන් ඉන්නා සහ මතු ඉන්නා සිව්වනක් පිරිස සහ අන්යාගමිකයින් නොදැනම බුදුන්ටත්, සද්ධර්මයටත්, ආර්යය මහා සංඝරතනයටත්, අන් ආර්යයන්ටත්, නිවැරදි ප්රතිපදාවේ යෙදෙන අන් පිරිසටත් අක්රෝෂ හා පරිභව කිරීම හේතුවෙන් ඔවුන් අති මහත් අකුසල් කරගැනීමට හේතු වීමත්, එයින්ම හිස් බස් පවසන්නා සහ අති මහත් අන් සත්ව ප්රජාවකගේ දුගතිය පිණිස එය හේතු වීමත්, අති මහත් සත්ව සංහතියකට සද්ධර්මය මේ යැයි අධර්මයක්ම පෙන්වා මහා අන්ධකාරයකට යොමුකිරීමෙන් සම්බුද්ධ ශාසනය අතුරුදහන් කිරීමට ඉමහත් රුකුල් දීමකුත් නොවන්නේ කෙසේදැයි පෙන්වා දිය හැකිද?
