Latest ads
-
Handmade Character Soft Toy Bluey Bingo- anil1961
- Updated:
-
Colombo Dahua POE Switch 8 Ports (DH-PFS3010-8ET-65)- hashaz2012
- Updated:
-
Singapore V2Ray VPN for Tunneling
- hu KANNA
- Updated:
-
Dating Website & Online Chat Room- hotvideo
- Updated:
-
DJI Mini 4 Pro Drone Combo Plus- Hawaka
- Updated:
ඉතිං ඊට පස්සේ භාතිය.. ජීවිතේ ගොඩදාගත්තද?
- Thread starter Bathiya2005
- Start date
- Status
7 කොටස.
අක්කේ අක්කේ.. ලෙසින් නිවස තුලින් අඩගසනු ඇසේ. ඒ පුන්චිගේ කටහඩය. ඇය ලොකු අම්මට කතා කරනවා විය යුතුය. එය ඇසූ සැනින් ලොකු අම්මා ඉන්න පුතේ මම බලලා එන්නම් යැයි පවසා, ම වෙතින් නික්ම ගියේය. මා විසින් නැවතත් කරමින් සිටි කටයුත්ත වෙත යොමු විය. ටික වේලාවක් යන විට කව්රුන් හෝ මා අසලට අනු දැනුනි. ඒ නම් වෙන කව්රුවත් නොව පූර්ණී ය. ඇය පැමිණි සැනින් අයියේ.. යැයි කියා සුපුරුදු ලෙසින් මගේ දෑස් දෙස එක එල්ලේ බැලුවේය. මා බොහෝ දුර සිට ආවේ මේ අවස්ථාව බලාගෙනය. ඇය දුටු සැනින් මගේ දෑසින් කදුලු එන්නාක් වැනි හැගීමක් ඇති වුනි. නමුත් සත්ය වශයෙන්ම කදුලු පිටවිමක් නම් වූයේ නැත. මේ වෙන විට හිතට ඇතිවෙන හැගීම් මුහුනින් පිට නොකර සිටීමේ කළාව මා හොදින් ප්රගුණ කර සිටි හෙයින් මම ඇය සමග වෙනදා මෙන් සිනාසුනි.
සැබැවින්ම ඇය දැකීමෙන් මගේ සිත ප්රබෝධමත් වූවාය. මාද ඇය දෙස නිමේෂයක් බලා හිද නංගී.. යැයි පැවසුවේ සුපුරුදු ස්වරයෙනි. ඒ මා ඇය වෙත කුඩා කළ සිට ඇමතූ ස්වරයයි. වෙනදා නම් ඇවිත් මා අසලම වාඩිවෙන ඇය අද ඉදගත්තේ තරමක් ඈතින්ය. මා තව දුරටත් ඇගේ මුහුන දෙස බලා හිදී. වසරකට වැඩි කාළයක් ගතවී තිබුනද ඇයගේ ස්වරූපයේ නම් කිසිදු වෙනසක් ඇතිවී තිබුනේ නැත. ඇදුම පැළදුමද පෙර මෙන්මය. කොන්ඩය පමණක් තරමක් වෙනස් ආකාරයට පීරා ඇති බව පෙනේ.
මටම මා ගැන පුදුමය. මගේ සිත දුකින් හඩා වැලපීම වෙනුවට සතුටින් පසුවේ. ඇය මා දැන් දකිමි. මේ දෑසමානයේ සිටින්නේ වෙන කව්රුත් නොව ඇයයි. ඇය මා සමග හොදින් කතා කරයි. මට වෙන අවැසි මොනවාද. කිසිවක් අවැසි නැත. මා වැටී සිටි තත්වයේ හැටියට අද මා බලාපොරොත්තු වෙන එකම දෙය මෙයයි. එය මට පුදුම හිතෙන තරම් අස්වැසිල්ලකි, සැනසීමකි. ඇය මා දුටුව පසුව කතා නොකර සිටියේ නම්, හෝ වැඩිය මාව ගනන් ගත්තේ නැත්නම් අද කෙතරම් වේදනාවක් මට දැනෙනු ඇත්දැයි සිත්විය. ඇය කොතරම් ගුන යහපත් කෙල්ලෙකුදැයි මට නැවත නැවත සිතුනි.
මලෙසින් මගේ සිතට එකකට පසුව එකක් සේ ඇදී එන චිත්ත සංකල්පනාවන් නිසා ඇයත් එක්ක කතා කිරීමට තරමක් ප්රමාධ විය. මා ගොලුවී ඇතැයි ඇයට සිතෙන්නටද ඇත. එකවරම හඩ අවදි කළ ඇය අයියේ.. යනුවේන් නැවත ආමන්ත්රණය කලේය. මා ඇයට පැවසුවේ කොච්චර කාලෙකින්ද ඔයාව දැක්කේ කියාය. ඇය 'ම්...' කියා එය අනුමත කර අව්රුද්දකට වැඞී යැයි කියා නිෂ්ශබ්ධ විය. මා ඇගෙන් ඇහුවේ කෝ අයියා කියාය. මා අයියා කිව්වේ ඇගේ ස්වාමිපුරුෂයාටය.
රැකියාවත් සමග අවිවේකීව ඇති ඔහු හට නිවාඩු ගැනීමට අපහසු බවද, එබැවින් පෙරදින රාත්රියේ ඇවිත්, තමන්ව නිවසට ඇරලවූ බවද ඈ කියයි. ඔහු නැවත රාත්රියේම පිටව ගොසිනි. නැවත ඔහුට එන්නට ලැබෙන්නේ පූර්ණී ව එක්කරගෙන යෑමටලු. එබැවින් ඔහුට පාටියට සහබාගී වෙන්නටද බැරිය. කෙසේ වෙතත් ඔහු සිටියද නැතිද මා හට එය ගැටලුවක් නොවේ. නමුදු සිටියා නම් ඔහු සමගද මිත්රවීමට මා සිතා සිටියේය.
පෙර නම් සෑම දිනකම පූර්ණි දුටුවද, ඒ හැම දවසකම කතා කරන්නට අලුත් දෙයක් නම් තිබුනේය. එහෙත් අද නම් කතා කරන්නත් දෙයක් නැති ගානය. එහෙත් ඇය මා අභිමුව සිටීමද සතුටකි. මා දැන් සිතන්නේ කතා කරන්නේ මොනවාද කියාය. මා තව බැලුමක් ගෙන පුම්බන්නට විය. නිහඩතාවය බිදිමින් හඩ අවදි කළ පූර්ණි මගෙන් ඇසුවේ 'රැකියාවේ උසස්වීමක් ලැබුනලු නේද' කියාය. එසේ නම් ඇයද මා ගැන විස්තර දන්නේය. මා ඇයට රැකියාව ගැන විස්තර කියන්නට පටන්ගත්තේය.
එසේ දොඩවන අතරේ මාහට මතක් වූයේ පුවත්පත් ඒජන්සියේ අයියාගේ විවාහ උත්සවයට ගිය දිනය. එසේ ගොස් මා දුර සිටි ඉතා සුලු කාළයට ඇයට කොතරම් වේදනාවක් දැනුනේද කියා මට සිත්විය. අද වෙන විට මා අව්රුද්දකට වඩා වැඩි කාළයක් දුර සිට තිබුනද, ඒ වෙන් වීම ඇයට ගානක් වත් නැති හැඩය. කාළය අපගෙන් මොන තරම් දේ ඈත් කර තබනවාද යන්න මට සිත්විය. විටක කාලය පරම සතුරෙකි, තවත් විටෙක කලන මිතුරෙකි යයි මට හැගේ. එමෙන්ම මිනිස් සිතිවිලි රටා අපට නොසිතන පරාසයකින් කොතරම් වේගයකින් වෙනස් වේද යන්න මට සිහි ගැන්වේ. නමුදු එම කරුණ ගැන දිගින් දිගට සිතා මම දුක් වූයේ නැත. ඇය මට මේ කතා කරන ටිකද සැනසෙන්නට හොදටම ඇතිය.
තවත් වේලාවක් කතා කරමින් සිටි ඇය එක්වරම සිට ගත්තේ 'ඉන්න මම අයියට තේ එකක් හදාගන එන්නම්' යැයි පවසමිනි. ඔක්කොමලා වැඩවල ඇති බැවින් තේ එකක් වත් හදන්න කාටවත් මතක නැතිවී ඇතැයි ඇය දෝශාරෝපනය කරන්නාක්මෙන් පැවසීය. මම ඇයට කියා සිටියේ තේ අවශ්ය නැති බවත් සවස් වී ආහාරය ගත් බවත්ය. මන්ද යත් තේ හදන්නට ගොස් ඇය වෙන වැඩකට පැටලුනේ නම් මට නැති වෙන්නේ ඇය සමග කතා කරන්නට ඇති වේලාවය.
ඇය නැවතත් හිදගත්තේය.
දැන් මා තවත් බැලුමක් අතට ගෙන පුම්බයි. කතාවෙන් කතාවෙන් මේ වැඩේද කරන්නට උවමනාය. ඇයද බැලුමක් අතට ගත්තේ පිම්බීමටය. එම බැලුන් සාමාන්ය බැලුන් වලට වඩා තරමක් තද ගතියක් ඇති ඒවාය. එය පිම්බීමට උත්සාහ ගත් ඇය මදක් පුම්බා අම්මෝ මේක පුම්බනකොට කට මොනවදේ වෙනවනේ කියා සිනාසී නැවතු හුලන් ඇරියේය. ඇගේ අතින් එය උදුරාගත් මා අයියෝ මේක පුම්බන්න බැරිදැයි කියා පුම්බා පෙන්නුවේය. මා මෙලෙසින් ඇය සමග සිනහ සෙන්නේ කොතරම් කළකට පසුවද.
සුලු මොහොතකට පසුව එතැනින් යන්නේ පුංචි අම්මාය. ඇය සිනහ සෙමින් 'ආ කාලෙකින් පරණ යාලුවෝ දෙන්නා මුනගැහිලා තියෙන්නේ' යැයි පවසා මගේ හිස අතින් තද කර ගියේය. ආදරයට එසේ කිරීම, ඔලුවෙන් අල්ලා සෙලවීම ඇගේ ස්වභාවයයි. බෙහෝ කළකින් පූර්ණි හමුවූ ඒ මොහොතේ කාලය ගෙවී ගියේ අසුරු සැනින්ය. කෙසේ හෝ ඇයද සම්බන්ධ කරගෙන මා සැරසිලි කටයුතු අවසන් කලේය.
දැන් මා ඇය සමග කතා කරන විට දැනෙන්නේ ඇය සොයුරියක විලසින්ය. සොයුරියක විලසින් වුවද හිතේ යම් කිසි විශේෂ ස්තානයක් සදාකාලිකවම ඇය වෙනුවෙන් වෙන්වී තිබෙන බව නම් කිව යුතුය. නමුත් අංශු මාත්රයක තරම්වත් පෙර මෙන් ඇය සමග ආදරවන්තයන් සේ හැසිරීමට මගේ තුන් හිතකවත් බලාපොරොත්තුවක් නැත. දැන් මට අවැසි ඇය හමුවුන වේලාවකදී, මෙලෙස මාසමග සාමාන්ය අයුරින් කතා කර සිටීමම පමණි. හරියට මම පුවත්පත් ඒජන්සියේ නොසිටියානම්, ඉන් පෙර අප දෙදනා ආශ්රය කළාක් මෙන් සහෝදරයින්සේ, අනාගතයේ දවසකද අපට කතා කර සිටින්නට හැකි නම්, මගෙ හිතට දිය හැකි හොදම සහනය එයයි. දැනට ඒ සහනය මට ලැබී තිබේ.
මෙය කියවන ඔබට මගේ සිත තේරුම් ගැනීමට නම් නොහැකි වෙන බව විස්වාසය. ඔබ යම් කිසිවෙක් ආදරයේ විරහව අත් දැක ඇත්නම් පසුකලෙක ඒ ආදරවන්තිය දුටුවහොත් කතා නොකර යන්නට තරම් කුරිරු වන්නේද? එසේ නැත්නම් ඇයව මතකයෙන් අමතක කර දමන්නට හැකි බව පවසන්නේ නම්, එය ඇත්තක්ද? නැහැ නේද? මිනිසුන් එසේ පවසන්නේ නම් ඔව්න් කියන්නේ බොරුවක්ද යන්න මට ඇති ප්රශ්නයයි. ආදරය නම් ලබා ගැනීමම නොවේ. නොලැබුනද ආදරය යනු බලෙන් මරා දැමිය හැකි චිත්ත රූපයක් නොවන බව මගේ නම් මතයයි. සිතේ ඉපදී වැඩුනු ආදරයක් සැබැවින්ම මැරිමට නම් අප මිය යා යුතුය. එතෙක් එම ආදරය සිතේ යම් තැනක හෝ තිබී විටින් විට අවදි වෙනු ඇත. නමුත් ඉන් කාට හෝ හානියක්, චිත්ත පීඩාවක් වත් නොවේ නම් අප කරන්නේ වැරැද්දක්ද? සැබැවින්ම වැරුද්දක් වුවද සිතේ කොනක ඇති එම හැගීම මකා දමන්නට අපටවත් නොහැකි නම් කුමක් කරම්ද?
මගේ එකම අරමුනද කෙදිනක හෝ මිය යන තෙකේ මේ ආකාරයෙන් ඇය දුටු විට සාමාන්ය අයුරින් කතා බහ කර සිටීම පමණි. ඉක් මට හෝ වෙනත් මගේ ප්රියයන්ට ගැටලුවක් වන්නේද නැත.
රෑබෝවුන හෙයින් සැරසිලි කටයුතු ද නිමා කර මම, පොඩිමල්ලි සහ මෑනියන් කැටුව නිවෙස බලා පිටත් වූයේය. ඒ පසුදා හිමිදිරියේම එන අරමුනෙනි. පූර්ණි හා අනෙක් බොහෝ නෑදෑයින් නම් අද මෙහි නවති.
පාටිය ඇති දිනය තරමක් කාර්යය බහුලව ගෙවී ගියේය. එහි ඡායාරූප ශිල්පියාගේ භූමිකාවද මම නිරූපණය කළ බැවින් දවස යනවා නොදැනුනි. පූර්ණී සමගත විටින් විට තරමක් කතා කරන්නට අවස්ථාව උදා වුනු අතර ඒ සෑම අවස්තාවක්ම ඉතා සුහද ශීලී විය.
මිතුරනි ඔබ මේ 7 කොටස සේ කියවූයේ වචන දහසකි, සෑම වචනයක්ම අකුරින් අකුර මා ටයිප් කරන්නේ ඔබ සියලු දෙනා හට කතාව කියවීමට සිත් ගන්නා සුලු ආකාරයෙන් සැකසීමට වෙර දරමින්ය. එබැවින් කතාව කියවන ඔබ, එක් කොටසකින් පසුව අඩුම තරමේ එකම එක ස්මයිලි එකක් හෝ දමායන්නේ නම් එය ඉදිරියේදී කතාව හොදින් ලියන්නට මට දිරියක් වන්නේමය. කතාව ලියන මාගේ සතුට ඔබගේ කමෙන්ට් එකයි. ත්රෙඩ් එකෙහි මා සමග රැදී සිටින ඔබ සියලු දෙනා හට සැම විට මාගේ හදපිරි ප්රණාමය පුද කරමි.
මතුසම්බන්ධයි...
8 කොටස 38 පිටුවේ.
http://www.elakiri.com/forum/showthread.php?t=1770550&page=38
8 කොටස 38 පිටුවේ.
http://www.elakiri.com/forum/showthread.php?t=1770550&page=38
Last edited:
මම ඩ්රයිවර් කතාව කිව්වේ විහිලුවට බන්. ඒකයි අර
ස්මයිලි එක දැම්මේ. පුලුවන් නම් උඹේ ප්රශ්නේ කියපන්. දෙන්න පුලුවන් සහයක් උපරිමයෙන් දෙන්නම්. බාතියගේ කතාවට මගේ වචන නැ බන් කියන්න ................
බොහෝම ස්තූතී මචන්.බොහෝම ස්තූතී මචන්.
Bump...adarayath ek thara loba kemak kiyela hithenne nadde?...Poorni ahimi weemen athi wuna wirahava lobakemak nisa noweda?
නොලැබුනද ආදරය යනු බලෙන් මරා දැමිය හැකි චිත්ත රූපයක් නොවන බව මගේ නම් මතයයි. සිතේ ඉපදී වැඩුනු ආදරයක් සැබැවින්ම මැරිමට නම් අප මිය යා යුතුය.
Keles nesimen?
නොලැබුනද ආදරය යනු බලෙන් මරා දැමිය හැකි චිත්ත රූපයක් නොවන බව මගේ නම් මතයයි. සිතේ ඉපදී වැඩුනු ආදරයක් සැබැවින්ම මැරිමට නම් අප මිය යා යුතුය.
Keles nesimen?
මටනම් විශ්වාසයි පූර්නිගෙ පැත්තෙනුත් ඔය විදිහටම හිත හිත ඉන්න ඇති. ඇත්ත ආදරෙ කියන්නෙ ගන්න දෙයක් නෙවෙයි දෙන දෙයක් කියනවනෙ.. 
Bhathiya, balapan dan umba 2nd part eka patan gaththe nathnam me story eka api danne nane. Umba episodes 7k damma. Thaama main character eka Purni
- Status
Similar threads
