Cyber තාප්පෙට එහා කොනින් හට ගත් අන්ධ ප්‍රේමය

- Mysterious -

Member

May 18, 2010

6,978

210

0

Los Angeles

• Jul 28, 2010

• #21

- හතරවන කොටස -

Code:

4.1

ගහක මල් පිපිලා පිපෙන්නේ..
ඇයිද නොදන්නෙමී..
හිතක මල් පිපිලා පිපෙන්නේ..
ඇයිද නොදන්නෙමී..
නුඹට සිත බැඳුනේ කිමැයි මා තවම නොදන්නෙමී..
නුඹට සිත බැඳි කාරණේ මම තවම සොයන්නෙමි..

ඇත්තමයි.. මම තාමත් දන්නේ නෑ අයි මම ඔයාට මෙච්චර ආදරේ කරන්නෙ කියලා.. ඒකට හේතුවක් හොයා ගන්නත් බෑ.. මොන දේ කළත් ඔයාව මට අමතක කරන්නත් බෑ.. ඒ තරමටම ඔයා මගෙ හිතට කාවැදිලා ඉවරයි.. ඔයාට මොහොතකට අසරණ කම නිසා කිව්ව බොරුවකට ඔයා ඔයාගෙ විශ්වාසය මගෙන් හැමදාටම උදුර ගත්තා නේද .. ?? මට ආදරේ නම් ඇයි මා එක්ක ඉන්නත්තෙ.. ඔයාට මන් නැතුව පාලුයි නම්, ඇයි මට කතා කරන්නෙ නැත්තෙ.. මේ හැමදේටම එක හේතුවක් තියෙනවා කියල මන් දන්නවා.. ඇයි ඔයා ඒකත් මගෙන් හන්ගන්නෙ.. ?? ඔච්චරටම අපි දෙන්නට එකතු වෙන්න බැරි කාරණේ ඔයා විතරක් හිතේ තියන් ඉන්නේ ඇයි ?? මටත් කියන්නකො..

ඔයාට කරපු අහින්සක ආදරේද මගේ වැරැද්ද ?? කියන්න මට.. ඔයාට මුලු හිතින්ම ආදරේ කරපු එකද මගේ වැරැද්ද ? ඔයා හැමදාමත් මට ඒ උත්තරේ නොදී පනලා යන්නෙ ඔයාට මට දෙන්න උත්තරයක් නැති බව මන් දන්නවා.. ඒ කොහොම උනත් මන් ඔයාට හරි ආදරෙයි.. ඒ මතකයන් අවදි වෙද්දි මට හිතෙන්නෙ මන් අතීතයේ නැවතුනා නම්.. කියලයි.. ඒත් ඒ සියල්ල කල නොහැකියි.. ඔයා එක්ක හුරතල් වෙච්ච හැටි මතක් වෙද්දිත් හරි ආසයි.. බලෙන් හරි ඔලුව අතගාව ගන්නයි මට ඕනි උනේ.. මම හොන්දටම දන්නවා.. ඔයත් ඒකට හිත ඇතුලෙන් ගොඩක් ආස කලා කියලා.. ඔයා හිතුවට මට ඔයාව තෙරුම් ගන්න බැරි උනා කියලා.. හරි.. මන් ඔයාව තෙරුම් ගත්තෙ නෑ.. එත් මන් ඔයාගෙ අතුලත ඉන්න පුද්ගලයව හොන්දටම තේරුම් අරන් ඉන්නෙ.. එයා හරි අහින්සක කෙනෙක්.. ඒත් ඔයා එයාට එලියට එන්න ඉඩ දෙන්නෙ නෑ..

කමක් නෑ.. ඔයාගෙ කැමැත්තනේ.. ඔයාගෙ සතුට ඉදිරිපිට මගේ හැමදේම යටයි.. මගෙ හිත හයියයි.. ඔයාගෙ සතුට වෙනුවෙන් මට ඕන දුකක් දරාගන්න පුලුවන් බව ඔයා දැනටමත් දන්නවා ඇති.. එහෙමත් නැත්නම් තාමත් නොදන්නවාත් ඇති..

​

 

- Mysterious -

Member

May 18, 2010

6,978

210

0

Los Angeles

• Jul 28, 2010

• #22

Code:

4.2

'Love u too' ???

දෙයියෝ සාක්කි.. මගෙ හිත 'ඩොකොස්' ගාල හිට්ටා.. අර හිර වෙච්ච සීඩී එකක් වගේ එක තැන හිර වෙච්ච සින්දුවක් වගේ.. නිකන් භූ කම්පනයක් ඇවිත් මගෙ හිත හොල්ලලා හොල්ලලා 'ඩෝන් පටෝන්' ගාල පොලේ ගැහුවා වගේ.. ඒක දැකපු මන් නිකන් බ්ලොක් ගලක් වගේ හයි වුනා වගේ දැනුනා..

මෙන්න බොලේ මෙයා මට ආදරෙයි ලු.. 'ඩිගිරි ඩිගාරේ ආලේ පොල් කටු මාලේ.. අන්න බලන් ජේසනයා ලව් යූ කිව්වේ.. ඩිගිරි ඩිගාරේ.. ටින් ටින් ඩිගිරි ඩිගාරේ.. ටන් ටන් ඩිගිරි ඩිගාරේ..'' මගේ හිත නිකන් ඩිස්කො ගිහින් වගේ..
හෆ්ෆච්චියේ.. මාව නිකන් ආයෙත් පාරක් පාවී යාවී වගේ.. පාවෙලා පාවෙලා නිකන් සරුන්ගලයක් වගේ පාවෙලා යනවා වගේ.. වැරදීමකින් හරි එයාගෙ හිතේ හැන්ගිලා තිබ්බ රහස ගෙම්බා පැන්න වගේ පැන්නෙ..

​

 

- Mysterious -

Member

May 18, 2010

6,978

210

0

Los Angeles

• Jul 28, 2010

• #23

Code:

4.3

​

හ්ම්ම්.. මන් මේ බර කල්පනාවක.. ඇත්තටම මම බයවෙලා හිටියේ.. එයා ''ලව් යූ ටූ'' කිව්වට 'අයි ලව් යූ ටූ' කිව්වෙ නෑ නෙ.. 'අයි' නැතුව නිකන් 'ලව් යූ' කිවුවෙ බ්යිට් එකටද දන්නෙ නෑ.. මම තනියෙම හිතුවා.. මට එදා ඉදන් අද වෙනකම් තියෙන ලොකුම ලෙඩේ තමයි ඕනවට වඩා හිතන එක.. අනේ මන්දා.. මගේ මෝඩ කමට බෙහෙත් නෑ.. ඔය වෙලේට තමයි මටත් හිතෙන්නේ මගේ මොලෙත් නිකන් පොල් කටු හැන්දෙ මිට වගේ කියලා..

අනේ මන්දා.. මන් බයිට් වෙයි කියලා බයට මන් එයාට ඇත්තම කිව්වා , අක්කිට යවපු එකයි වැරදිලා එයාට එව්වෙ.. වෙරි සොරි කියලා.. එතකොට නිකන් එයාගෙ රිප්ලයි එකෙන් මට දැනුනෙ.. එයාටත් නිකන් වඩේ අප්සට් වගේ.. ඇත්තමට වැඩේ චොර නේන්නම්.. මට පස්සෙ හිතුනා මන් එහෙම නොකියා ඉන්නයි තිබ්බෙ කියලා.. දෙන දෙයියො ගෙට ගෙනැවිත් දුන්නම ඒක ගන්න මට පින නැති හැටියක්.. චික් විතරක් මම නම්..
මොනා නැති උනත් අපි දෙන්නටම අලි ඔලුව නේ.. එකිනෙකාට සෙකන්ඩ් වෙන්න කැමති නෑ.. ඒකෙ ප්‍රතිපලේ හරිම නරකයි..
කොහොමෙන් හරි.. මිනිත්තු පහක්වත් යන්න කලින් එයා ආයි යාහූ එකෙන් නොපෙනී යන්න ගියා.. ෂුවර් එකට හැන්ගෙන්න ඇති..
වෙච්ච දේ ගැන මට මාර දුකයි.. ඊටත් වඩා හරිම බය හිතුනා.. අනේ.. මට බෑ.. අයි එහෙම වුනේ.. දැන් මට අඩන්නමයි හිත..

​

 

- Mysterious -

Member

May 18, 2010

6,978

210

0

Los Angeles

• Jul 28, 2010

• #24

Code:

4.4

ඕන් ඉතින් එදා දවසත් ඉවරයි.. හිතේ සතුටයි දුකයි දෙකම තිබ්බා.. සතුටු වෙන්න හේතුව එයා මට ආදරේ නිසයි.. දුක් වෙන්න හේතුව.. ඒ ආදරේට නව පණක් දෙන්න තරම් මම පින් කරලා නැති එකට..

ඕන් ඉතින් එදා දවසත් ඉවරයි.. හිතේ සතුටයි දුකයි දෙකම තිබ්බා.. සතුටු වෙන්න හේතුව එයා මට ආදරේ නිසයි.. දුක් වෙන්න හේතුව.. ඒ ආදරේට නව පණක් දෙන්න තරම් මම පින් කරලා නැති එකට.. මට හරිම දුකයි.. ඒ කොච්චෙරද කිව්වොත් මගේ හිත නිකන් වස බීලා පණ අදිනවා වගේ.. ඒ අස්සෙන් එයාගෙ හිතේ මම හිටපු බව දැන ගත්තු සතුටට පණ අදින මගේ හදවතට නිකන් කෘතිම ස්වශනය ලැබෙනවා වගේ..

​

 

- Mysterious -

Member

May 18, 2010

6,978

210

0

Los Angeles

• Jul 28, 2010

• #25

Code:

4.5

කොහොමෙන් හරි ඔහොම ඔහොම සුපුරුදු පරිද්දෙන් අපි දිගටම හැන්දෑවට මල් කඩ කඩ හිටියා.. ඔය අතරේ ඉතින් දවස් දෙකක් තුනක් එහෙම ගිහින් එයා මට කීවා '' අයි නෝ දැට් යෝ ආන්ස්සර් ඉස් ෂුවර්ලි අ 'බිග් නෝ' .. ඒත් ඔයා කැමති නම් මට ඔයාගෙ ෆොටෝ එකක් බලන්න පුලුවන්ද? ''

ඇත්තටම මගේ පීසී එකේ මගේ ෆොටෝ එකක් තිබ්බෙ නෑ.. ඇරත් ඉස්සර මම අව්වෙ සෙල්ලම් කරන නිසා මම කලුයි දැන් පාට වැටිලා තිබ්බට.. ඒ නිසා මන් කවදාවත් මගේ ෆොටෝ එකක්වත් පීසී එකේ දාලා තිබ්බෙ නෑ.. ඇරත් ඉතින් එයා මාව දැකලා මට අකමැති උනොත්.. මන් දන්නවා.. මම ඒ වෙලේ හරිම අසාදාරණයි කියලා.. ඒත් ඉතින් ගෙදරින් මට තහන්චි දාල තිබ්බෙ මගේ ඩීටේල්ස් කාටත් දෙන්න එපා කියලා..

ඒ කොහොම උනත් මන් එයාව දැකලත් නෑ එයා මාව දැකලත් නෑ මේ ඊයෙ පෙරේදා වෙනකම්.. මාරයි නේද ??

මම කීවම මගේ පීසී එකේ ෆොටෝ එකක් නෑ කියලා.. එයා අනිවාර්යෙන්ම හිතන්න ඇති මන් බොරු කියන්නෙ කියලා.. එයා හිතන්න ඇති මන් බොරු කියන්නෙ මම එයා එක්ක සෙල්ලමක් කරන හින්දා කියලා..
අනේ නෑ.. මන් කවදාවත් එහෙම කලේ නෑ ඔයාට.. ඔයාගෙ ආදරේ ඉදිරි පිට මම අසරණ උනා.. ගොඩාරියක්..

හිතා ගන්නත් බැරි තරමටම.. ඔයාට ඒක තේරුනේ නෑ නේද ?? ඔයා මාව තේරුම් ගත්තෙ නෑ නේද ?? ඔයාගෙ වැරැද්දක් නෙවෙයි.. මමයි ඔයාට මාව තේරුම් ගන්න අවස්තාවක් නොදුන්නෙ.. ඔයා ඉස්සරහා මම අවුරුදු තුනක්ම බොරු කාරියෙක් උනා.. බොරු කාරියෙක්ට කොහොමද නේද ඔයාගෙ ආදරේ දෙන්නෙ ?? මම අසරණ උන තරම් මම විතරයි දන්නෙ.. මම දුක් විදපු තරම් මම විතරයි දන්නෙ.. මම හිතින් මැරි මැරි ඉපදිච්ච තරම් මම විතරයි දන්නෙ.. කොච්චර උනත් මට මමිගෙ විශ්වාසෙ කඩන්න බෑ.. ඔයා තුල මා ගැන විශ්වාසයක් ඇති කරන්නත් බෑ.. එහෙම ඇති කරන්න ගියොත් වෙන්නෙ තවත් විශ්වාසය පළුදු වෙන එක විතරයි..

 

- Mysterious -

Member

May 18, 2010

6,978

210

0

Los Angeles

• Jul 28, 2010

• #26

Code:

4.6

ඔහොම ඉතින් ටික දවසක් යද්දි අපි කතා කර කර ඉදිද්දි ඔය එහෙන් මෙහෙන් මෙන්න මේ එමෝ එක දැම්මා '' :* '' එයත් ඉතින් එහෙම්මම ඒ ජාතියෙ එමෝ එකකින්ම රිප්ලයි කලා.. ඔහොම ටිකක් කතා කර කර ඉදිද්දි එයා මට කීවා.. ඔයාට මට කියන්න දෙයක් තියෙනවා නම් හිතේ හිර කරන් ඉන්නැතුව කියන්න කියලා.. ''

ඕක අහපු මම නිකන් පුම්බලා අත ඇරපු බැලුමක් වගේ උඩ ගියා අයියෝ.. මාර සීන් එක.. මෙයා මට කියනවා හිතේ හිර වෙලා තියෙන එව්වා එයාට කියන්නලු.. මැට්ටා !! නිකන් දන්නෑ වගේ නෙ කතාව.. බලන්නකො අයියෝ.. මගෙ කටින් ගන්න හදන්නෙ.. එයාට ආදරේ බව ඇත්ත ඒත් ඉතින් එයාට මම ඇත්ත කිව්වොත් මේ දැන් තියෙන ආදරෙත් මට නැති වෙයිද කියලා මට බය හිතුනා..

මෙම කතාවේ ඉතිරි කොටස තව සුළු මොහොතකින් ඔබ හමුවේ තබන්නට බලාපොරොත්තු වෙමි..

-මතු සම්බන්ධයි
​

 

- Mysterious -

Member

May 18, 2010

6,978

210

0

Los Angeles

• Jul 28, 2010

• #27

- පස්වන කොටස -

Code:

5.1

'' හද සැලෙනා නා දල්ලයි..
ඔබ සීතල සුළගයි..
හද ගලනා දිය ඇල්ලයි..
ඔබ සාගර යහනයි..
ඔබමය සතුටද.. ඔබමය කඳුලද..
ඔබමද ලොවම මගේ.. ''

හිතේ හිර වෙච්ච දේවල් එයා නොදන්නවාම නෙවෙයි.. ඔය එයාගෙ බොරු මායම්.. දැන දැනත් අහනවනේ.. මගෙ හිත තව ටිකක් අසරණ කරන්න.. පිස්සු කොල්ලෙක්.. ඇත්තමයි.. මට එයා නැතුව ඉන්න බෑ.. මන් එයාට හුඟක් ආදරෙයි.. ඒත් මන් මොනා කියන්නද.. බොරු කියලා ආදරේ කරන්නෙ කොහොමද.. මන් එයාව රවට්ටන්නෙ නෑ කවදාවත්ම.. මන් එයාට ඇත්ත කීවොත් එයා මාව දාලා යයි ද? එහෙම ගියොත් මගෙ ආදරේට මොකද වෙන්නෙ.. මම ඒ වෙලාවෙ මොහොතකට ආත්මාර්තකාමී උන බව ඇත්ත.. මට එයාව නැති කර ගන්න බෑ.. එයා මගෙ ඇස් මානයේම මට තියා ගන්න ඕනි.. මගෙ හිත් මානයේ එයා දැවටෙන්න ඕනෑ.. එහෙම නැති උනොත් මට එයා නැතුව සාන්කාව හදෙයි.. එයා එච්චරටම මගෙ හිතේ ඇලවිලා.. හරියට නිකන් ගලවන්න බැරි ස්ටිකර් එකක් වගේ..

​

​

 

- Mysterious -

Member

May 18, 2010

6,978

210

0

Los Angeles

• Jul 28, 2010

• #28

Code:

5.2

මන් ඉතින් දැන් එයාට මොකද කියන්නෙ.. හිතේ තියන දේ කියනවද නැද්ද.. මගේ හිතට කවදාවත් එයාව රවට්ටන්න බෑ.. ඒ එයාට මම හදවතින්ම ගොඩාක් ආදරේ නිසාම විතරයි.. මට ඕනි වෙලා තිබ්බෙ එයාගෙ ආදරේ විදින්න විතරයි.. කවදාහරි එයා තුරුලට වෙලා ඇස් දෙක පියාන සැනසීමෙන් ඉන්න විතරයි.. මන් හොයපු සැනසීම තියෙන්නෙ එයා තුරුලෙ විතරයි.. මොකද ඒ වෙනකොට මන් මේ ලොකෙන්ම වැඩියෙන්ම ආදරේ කරපු කෙනා එයා වුන නිසයි.. එයා ඉස්සරහා මට කරන්න බැරි දෙයක් නෑ.. මම මේ කියන වචන නිකන්ම නිකන් වචන නෙවෙයි.. මේ හැම වචනෙකම ලොකු අර්ථයක් ඇතුවයි කියන්නෙ.. එයාට ලෝකෙ බලන්න මගෙ ඇස් දෙක ඉල්ලුවත් මන් එයාට මගෙ ඇස් දෙක දීල එයාගෙ උණුසුමෙන් මන් ලෝකෙ බලන්ව..

එයා මගෙ හදවත ඉල්ලුවත් මන් ඒක එයාට දීලා හෙමදාමත් එයාගෙ හදවතේ ජීවත් වෙනවා.. එයා මගෙන් මොනා ඉල්ලුවත් මන් දෙන්න ලෑස්තියි.. එක දෙයක් ඇරෙන්න.. ඒ දේ මට එදා වගේම අඩත් ඒ වගේම මම පති කුලයට යන දා වෙනකන්ම මට වටිනවා.. එයාව බැන්ද දාක මට ඒක එයාට දෙන්න පුලුවනි.. ඒත් ඊට කලින් කොහෙත්ම බෑ.. ඒක නිසා ඒ ඇරෙන්න අනික් ඕන දෙයක් එයා මගෙන් ඉල්ලුවනම් මම දෙන්න ලෑස්තියෙනුයි හිටියෙ..

​

​

 

- Mysterious -

Member

May 18, 2010

6,978

210

0

Los Angeles

• Jul 28, 2010

• #29

Code:

5.3

ඒ කොච්චර එයාට මගෙ හිත ලෝබ කම් කලත් මන් එයාව මොන හිතකින්ද රවට්ටන්නෙ.. එහෙම රවට්ටලා එයාට දුකක් දීල මන් කොහොමද දෙයියනේ සතුටු වෙන්නෙ.. එහෙම කරපු ආදරේක වටිනාකම මොකද්ද.. මට හැමදාමත් ඕනි උනේ අපේ ආදරේට වටිනාකමක් දෙන්න මිසක් ඒ ආදරේ තුට්ටුවට දාන්න නෙවෙයි.. මම අදටත් එයාට හුඟාක් ගරු කරනවා.. එදත් එහෙමයි.. අදත් එහෙමයි.. ඒකෙ වෙනසක් නෑ.. එයාගෙ සතුට රකින එක ම්ගේ වගකීමක්.. ඒ නිසා මම එයාට මෙහෙම කිවුවා..

''මට එහෙම ඔයාට කියන්න දෙයක් නෑ.. ඔයා මොනා ගැනද අහන්නෙ ?? මගේ හිතේ හිර වෙලා නෑ මොකුත් ''

​

​

​

 

- Mysterious -

Member

May 18, 2010

6,978

210

0

Los Angeles

• Jul 28, 2010

• #30

Code:

5.4

මම හොඳටම දන්නවා .. මේක ඇහුවම එයා තවත් පාරක් අපහසු තාවයකට ලක් වෙනවා කියලා.. ඒ ගැන එයාගෙ හිතේ ඇති උන දුකට වඩා දහස් වාරයක් මගේ හිත දුක් වෙනවා.. එයා සතුටින් ඉන්න ඕනෑ.. මාත් සතුටි ඉන්න ඕනෑ.. ඒත් ඒ එයාගෙ සතුට නැති කරලා නෙවෙයි.. දවසක මන් එයාට ඇත්ත කියනවාමයි.. අද මට එහෙම කියන්න බැරි මම මගේ අම්මට දීපු පොරොන්දුවක් නිසයි.. මට හරිම දුකයි..

ඒක අහපු එයා හිනාවෙලා මට කිව්වා එහෙම මුකුත් හිතේ නැත්තම් ඒක හොදයි කියලා..

අනේ.. මොන හොදක්ද.. මම දන්නවා එයා හිතින් චුට්ටක් චුට්ටක් හරි දුක් උන බව.. එයා හැමදාමත් එයාගෙ හිතේ තියෙන හැඟීම් මිනිස්සුන්ට හන්ගන්න උත්සහ කරනවා.. කවදාවත් එයා එව්ව පෙන්නන්නෙ නෑ.. එත් පෙලක් වෙලාවට එයාට තවත් කෙනෙකුගෙ සහය ඕනි.. ඒ සහය එයා මගෙන් නැති දාක වෙන කෙනෙකුගෙන් හරි පතයි.. අනේ මට දුකයි.. මම එයාව සදහටම නැති කර ගත්තවත්ද ??
​

​

 

- Mysterious -

Member

May 18, 2010

6,978

210

0

Los Angeles

• Jul 28, 2010

• #31

Code:

5.5

එදා දවසත් එහෙම්මම ගෙවිලා ගියේ දාහකුත් දුක් කන්දක් හිතේ ඉතිරි කරගෙනයි.. එයා වෙනුවෙන් මගෙ හිතේ තිවිච්ච ආදරය හරියට පොලව යටින් මතු වෙන උල්පතක් වගෙයි.. හද පතුලෙන්මයි ඒ ආදරේ උල්පත ගලන්නෙ..

කොහොමෙන් හරි.. ඔහොම ටික දවසක් ගෙවිලා ගියා.. ආයෙත් දවසක අපි හමුවුනේ සුපුරුදු පරිදි ලස්සන හැන්දෑවක ඉර බහින වෙලාවක පැතුම් කන්දක් දෝතේ තුරුල් කරගෙනයි.. එයාගේ පැතුම මොකක් වුනත් මගේ පැතුම වුනේ එයාගෙ පැතුම ඉශ්ට විය යුතු බවත් එයාගෙ සතුට හමදාමත් රැකෙන්නට අවැසි බවත් ය.. කොහොම වෙතත් වෙනදා වගේම අපි ආදරෙන් කතා කර කර උන්නා..

එයාගෙ ආදරේ දැන් මට දනෙන නොදැනෙන ගානයි.. හරියට නිකන් ගඟකුයි සයුරයි එකතු වෙන තැනක මන් හිටගෙන ඉන්නවා වගේ..

එයාගෙ ලග ඉදිද්දි හරියට මම රාජ කුමාරිකාවක් වගේ.. සියලු සැප සම්පත් මා වට කොට තිබෙනු බවක් දැනුනා.. ඒ කිම්ද කියලා ඔයා හිතනවා ඇති.. ඒකට එකම හේතුව මට මගෙ ලොකුම වස්තුව එයා නිසයි.. ඉතින් මන් රාජ කුමාරිකාවක් නෙවෙයිද.. ? හා.. බොරු නම් ඔයාම කියන්න.. ඇතෙක් බරට වස්තුවක් මන් ගාව තියෙද්දි මන් රාජ කුමාරිකාවක් නෙවෙයිද ?? දැන් ඔයා මගෙන් අහයි.. ඔයා හරියට කතා කරන්නෙ වස්තුව ඔයාට අයිතියි වගේ නෙ කියල.. අනේ ඉතින්.. ඔන්න ඔතන තමයි මාව හිර වෙන්නෙ.. අනේ ඉතින් ඔහොම අහන්නෙපා.. මට හුඟක් දුක හිතෙනවා.. ඔයත් හදන්නෙ මාව අඬවන්නද ??

​

​

 

Last edited: Jul 28, 2010

- Mysterious -

Member

May 18, 2010

6,978

210

0

Los Angeles

• Jul 28, 2010

• #32

Code:

5.6

ඉතින් ඔහොම කතා කර කර ඉද්දි අපි දෙන්නා.. මම ඇහුවා..

'' අපි කවදා හරි හම්බෙයි නේද.. මම ආසයි කවද හරි ඔයාව ඇත්තටම දකින්න.. ''

මම එහෙම කිව්වම එයා මට කීවා
'' වෙන්න පුලුවන්.. ඒත් තනූ.. මම මේ ආත්මෙදි ඔයාව ලබන්න තරම් මම පින් කරලා නෑ .. මම හුඟාක් නරකයි.. ඔයා වගේ කෙනෙක්ට හුඟක් හොඳ කෙනෙක් ලැබෙන්න ඕනි.. ඒත් අනිවාර්යෙන්ම අපි ඊලග ආත්මෙදි හමුවෙමු.. ''

''ඊලග ආත්මෙදි මම ඔයාගෙ අල්ලපු ගෙදර ඉපදිලා ඔයාට අනිවා ලයින් දානවා.. ''

ඒක අහපු මට දාහක් දුක් කන්දක් අයිස් වෙලා තිවිලා එක පාරට ට්යිටැනික් නව හපුනා වගේ මගේ හිතත් මහා අයිස් වෙච්ච දුක් කන්දෙ හැපිලා ගහගෙන යනවා වගේ දැනුනා.. මගේ හිත මර හඬ තිබ්බා.. ''ඇනේ.... මාව බේරගන්නකෝ....... අනේ මාව ගහගෙන යනෝ... අනේ මන් මැරෙයි.. ''

මේ දේවල් එයාට ඇහුනෙ නෑ මයෙ හිතේ.. මගෙ හිත එහෙම ගහගෙන යද්දි .. කවුරුත් ආවෙ නෑ මට උදවු කරන්න.. දැන් මන් හරියට ගහගෙන ගිහින් ගිහින්.. ගස් අත්තක රැදිලයි ඉන්නෙ..

ඒකත් කොරොස් කොරොස් ගානව.. කොයි වෙලේ කඩන් යයි ද දන්නෙ නෑ.. දිය ඇල්ලක අවසාන ස්ථානය වගේ.. අර උඩ ඉදන් කඩා වැටෙන තැන තියෙන්නෙ.. අන්න එතන වගේ.. බිම බලන්න බෑ බයයි.. බැලුවොත් මාව තව බයේ ගැහෙයි.. වැඩිය ගැහුනොත් අත්ත කඩන් මන් පල්ලට වැටෙයි.. පල්ලට වැටුනොත් මාව නාස්ති වෙයි..

ඊට පස්සෙ මොකද උනේ කියලා හෙට අනිවාර්යෙන්ම මම කියන්නම්කො.. එතකන් රැදී සිටින්න මා සමඟ..

-මතු සම්බන්ධයි
​

 

- Mysterious -

Member

May 18, 2010

6,978

210

0

Los Angeles

• Jul 29, 2010

• #33

- හයවන කොටස -

Code:

6.1

'' ආදරය සුන්දර වරදකි..
කිසිදා සමාවක් නම් නැති..
මට පෙන්නලා ආලේ හැටි..
නුඹ දුන්න දුක හොදටම ඇති.. ''

මට පෙන්නලා ආලේ හැටි.. නුඹ දුන්න දුක හොදටම ඇති..

දුකක් දෙන්න නම් ඇයි මට ආලේ උණුහුම පෙන්නුවේ ඔයා .. ??
ඔයාට දුක නැද්ද මට මෙහෙම කරන්න ??
මොන හිතකින්ද ඔයා මට මෙහෙම කලේ.. ඔයාට පොඩ්ඩක්වත් හිතුනෙ නැද්ද මෙහෙම මට පෙන්නපු ආදරේ නැවතත් මගෙන් උදුර ගනිද්දි මගෙ හදවත පැලිලා ලේ පිටාර ගලයි කියලා..
මගෙ පුන්චි හිත රිදවන්න ඔයා කාගෙන්ද සුදූ ටිකට් ගත්තෙ ??
අද මාව දුක් කන්දරාවක තනි කරලා මන් මේ ආත්මෙ ඔයාව ලබන්න හීන මවද්දි ඔයා ඒක තවත් ආත්මෙකට කල් දැම්මෙ මට ඔයාගෙ ආදරේ වෙනුවෙන් එතුවක් කාලයක්වත් බලන් ඉන්න පුලුවන්ද කියලා බලන්නද ??
එහෙම නැත්තම් .. මට ඔයාව අමතක වෙනවද කියලා චෙක් කරලා බලන්නද ??

ඔයත් අර ටීවී එකේ වගේ , මූනුපොතේ වගේ ලව් ප්‍රතිශතය 100% වෙනකන් මගෙ හිත තනි පන්ගලමෙ අතරමo කරනවද ??

​

 

Last edited: Jul 29, 2010

- Mysterious -

Member

May 18, 2010

6,978

210

0

Los Angeles

• Jul 29, 2010

• #34

Code:

6.2

මේ හැමදේම කරන්නෙ මගේ ආදරේ පරීක්ශා කරන්නද ?? එහෙනම් ඔයාට ඒ ආදරේ දැනෙනකම් පරීක්ශා කරන්න .. ඔයාට 100% එනකන් මන්ග් ඕන කාලයක් ඔයා වෙනුවෙන් බලන් ඉන්න ලෑස්තියි.. හැබැයි මතක ඇතුව ඊගාව ආත්මෙ ඔයා සුදු අම්මෙක්ගෙ බන්ඩියක ඉපදෙන්න හොඳේ ?? මොකද ඔයා දන්නවනේ මන් සුදු කොල්ලන්ට ආසයි කියලා.. ඔය දන්නවා නේද ?? ඒකට හේතුවත් දන්නවා නේ?? අයි මන් ඔයාට එදා කීවෙ ?? හෙහෙ.. ලැජ්ජයි ලැජ්ජයි වගේ.. කොහොමෙන් හරි ඔයා මා ගාවට එනකන් මන් මඟ බලාගෙන ඉන්න බව අමතක කරන්න එපා.. ඔයා සුදු නොවුනත් , මගෙ ආදරේ වෙනසක් වෙන්නෙ නෑ.. ඔයා එක්ක ජීවත් වෙන්න ඔයාගෙ ඔය ලස්සන හදවත මට ප්‍රමාණවත්..

මන් කවදාවත් හිතුවෙ නෑ.. අපේ බස් එක මෙහෙම තැනක නවතීවි කියල කවදාවත්.. කවදාවත්ම හිතුවෙ නෑ.. මාව ජීවිතේ පෙන්නන්න එක්කන් යනවා කියලා ආදරේ තනිකරලා ආපු ඔයාට පවු නෑ.. ආදරේ මුලින්ම මට පෙන්නුවෙ ඔයා.. ආදරේ මුලින්ම දැක්කෙ මම ඔයාගෙන්.. ආදරෙයි කියලා මම මුලින්ම ඇහුවෙත් ඔයාගෙන්ම විතරයි.. එහෙම වෙච්ච ඔයාට මම මොන හිතකින් අහිතක් හිතන්නද.. ?? දැන් නම් බස් එක අදින්නෙ බර කන්දක්.. බෑ බෑ කිය කිය ඇවිදින වේගෙටත් වඩා හිමින් බස් එක අදින්නෙ .. හරියට නිකන් ඔයා මට බෑ බෑ කියද්දි මගෙ හිත ඔයාට බෑ බෑ කියනව වගේ.. මගෙ හිත බෑ බෑ කීවට ඔයාගෙ තීරණේ ඔයා වෙනස් කරන්න ඕනි නෑ..

​

 

Last edited: Jul 29, 2010

- Mysterious -

Member

May 18, 2010

6,978

210

0

Los Angeles

• Jul 29, 2010

• #35

Code:

6.3

''ඊලග ආත්මෙදි මම ඔයාගෙ අල්ලපු ගෙදර ඉපදිලා ඔයාට අනිවා ලයින් දානවා.. ''

මෙහෙම කියපු එයාට මම මෙසේ පිළිතුරු දුන්නෙමි..

''හෙ හෙ.. එහෙනම් ඊලඟ ආත්මෙ ඔයා අපේ අල්ලපු ගෙදර ඉපදුනාට වෙඩක් නෑ.. ඔයා ලයින් දැම්මට මන් එව්වට අහු වෙන්නෙ නෑලූ ''

මඳ සිනහක් පෑ ඔහු යලිත් වතාවක් චූටි බබෙකු මෙන් මා සමඟ එල්ලෙන්නට වුනේ හිතේ දුක තප්පරේකටත් වඩා ඩීන්ගක් විතර වැඩියෙන් ( එනම් මගේ මිණුම් දණ්ඩට අනුව කල්ප ලක්ෂ බරා ගානකට විතර වගේ ) කාලයකට අමතක කීරීමෙනි..

'' එව්ව කොහෙද.. මන් ඔයා ක්ලාස් යද්දි හොරෙන් ඇවිත් ලියුමක් දීලා හේම ඔයාව දාගන්නම්කෝ.. ''

මෙය ඇසූ මට කදුලින් තෙමුනු මුව අගට යන්තම්වත් පමණ සිනහවක් පහළ වුනේ පපුවේ හිරවෙලා තිබ්බ ඉකි ගැසූ ආදරේ ඉක්කාව උගුරෙන් එලියට පිට වෙන්නාත් සමගය..

අනේ අම්මපා.. මේ කොල්ලට මේ ආත්මෙත් විසේ.. ඒ ආත්මෙත් ඒ විදියටම වෙන්නයි කල්පනාව.. එයාගෙ ඒවගෙ අහින්සක නොහොත් කෙලිලොල් කතා මගේ හිත පුබුදු කරන්නාක් මෙන් විය..

'' පිස්සු හැදෙයි.. මම ගයි මෙයාගෙ ලියුම්.. මම ඊගාව ආත්මෙදි සිස්ටර් කෙනෙක් වෙන්න ඉන්නෙ.. ''

ඉහත 'සිස්ටර්' නමින් ඇමතුවේ කන්‍යා සොහොයුරිය නම් අදසටයි..

එහෙනම් මම බ්‍රදර් කෙනෙක් වෙලා ඔයාට ලව් කරන්නම්කො..

බ්‍රදර් යනුවෙන් සඳහන් කලේ පූජක තුමෙකුටයි..

ආගමට නිග්‍රහ කරලා හරි මට එන ආත්මෙ ලව් කරන්න තමයි මෙයාගෙ ෆුල් ට්‍රයි එක..

පස්සෙ මම කීවා..

අනේ අප්පේ.. අපිට යන්න අපායක් නැති වෙයි මෙහෙම ගියොත්.. කොහොමත් ඉතින් මන් අපායට ඇප්ලයි කරල තමයි තියෙන්නෙ දැන්ම ඉදන්..

අප්පේ.. අපායට ගියොත් යමා ඔයාව දාගනියි ද දන්නෙ නෑ.. අපායට යන්න කලින් ඊගාව ආත්මෙ මාව බැදලා ඊට පස්සෙ බැරි යැයි අපායට යන්න..

එසේ පිලිතුරු දුන්නේ ඔහු නෙවෙයි.. ඔහුගේ හදවතයි..
ඔහුගේ වක්කඩයක් වැනි කට ඉස්සරහ මගෙ කට එක් ඇබීති ගල් ඇටයක් පමනි..

එයා එක්ක කියෝනවට වඩා හොදයි කට වහාගෙන පැත්තකට වෙලා ඉන්න එක.. නැත්තම් තව මොන මොනා කියයිද දන්නෙ නෑ.. ඔහොම කියෝලා අන්තිමෙට අපායකුත් නැති වෙනවා යන්න.. ලොල්..

එයාට මාව එච්චරටම ඕනි නම් ඇයි එයාට මම මේ ආත්මෙදි මෙච්චර මැරීගෙන ආදරේ කරත් ඒක මට එයාට දෙන්න ඉඩ නොදෙන්නෙ.. මේකට හේතුව මම තවමත් දන්නෙ නෑ..

​

 

- Mysterious -

Member

May 18, 2010

6,978

210

0

Los Angeles

• Jul 29, 2010

• #36

Code:

6.5

ඉස්සෙර එයා එනකන් මම යාහූ එකේ මඟ බලන් උන්නේ පැයකින් දෙකකින් එයාව බලාපොරොත්තුවෙනි.. අද මම එයා එනකන් බලන් ඉන්නේ තවත් ආත්මෙකින් එයාව හමු වෙන්න බලාපොරොත්තුවෙනි..
මෙවර එයා මට දීපු කාලය ඉතා දිගුයි.. එයාගෙ අභියෝගය ඉතා දරුනුයි.. හේතුව එයාව ලබන්න මම කවද හරි මරණයත් අභිබවා යා යුතු නිසයි.. මගේ මරණය එයාගෙ අභියෝගය නම්.. මරණයෙන් පසු ජීවිතය එයා එක්ක ජීවත් වෙන්න මේ ආත්මෙදි මරණය එක්ක සටන් කරන එක මට මහ ලොකු කජ්ජක් නෙවෙයි.. මම ඔයාට මුලිනුත් කීවනේ.. ඔයාගෙ ආදරේ මට මරණය එක්ක උනත් සටන් කරන්න ශක්තිමත් කරයි.. ඒ වගේම.. ඔය ආදරේ මාව දවසක මරවන එක මරවනවමයි..

​

 

- Mysterious -

Member

May 18, 2010

6,978

210

0

Los Angeles

• Jul 29, 2010

• #37

Code:

6.6

මෙහෙම කියලා එයා යන්න ගියේ එයා ගාව මට තිබ්බ කාලයෙන් ඩින්ගක් විතර බලෙන්ම ආපහු අරගෙනයි.. ඒ කිව්වෙ.. ඊට පස්සෙ වෙනදා වගේ එයා මහ රෑ නගිටගෙන නිදි මරාගෙන මා එක්ක කතා කරන්න ආවෙ නෑ.. ඒත් සුමානෙකට දවස් තුනක් හතරක් අනිවාර්යෙන් මාව බලන්නට නෑවිත් ඉන්නෙත් නෑ.. ඒ සුන්දර ආදරය මගේ දෑස් ඉදිරිපිටම දැවී යන්වා මට කරකියා ගන්න දෙයක් නැතුව බලන් ඉන්න වුනා.. මගේ ආදරේ මෙහෙම දැවිලා යන එකට තවත් වගකිව යුත්තන් පිරිසක් සිටින බව මම නොදන්නවාම නෙවෙයි.. ඒත් ඉතින් කවුරු මොනා කීවත් මේ කොල්ලා දැන ගන්න එපැයි ආදරේ රැක ගන්න..

ඒ කොහොම උනත්.. මන් අදටත් නොදන්න එකම දේ තමයි.. ඔයා මට මේ ආත්මෙදි මෙච්චර ආදරේ කරලත් මා එක්ක එකට ජීවත් වෙන්න ඊගාව ආත්මෙ වෙනකන් බලන් ඉන්නෙ ඇයි කියන එක.. මේකට මට කවදා පිළිතුරක් ලැබෙයිද කියලා මම දන්නෙ නෑ.. සමහර විට මට කවදාවත්ම පිළිතුරක් නොලැබෙන්නත් පුලුවන්..

දෛවය මට උරුම කලේ ඔයා වෙනුවෙන් තව කල්ප ලක්ෂයක් හරි බලන් ඉන්න නම්.. කල්පයක් නෙවෙයි.. මම මගෙ හැම ආත්මයක් ආත්මයක් පාසාම ඔයාගෙ ආදරේ උනුහුම විදින්න බලන් ඉන්න බව අමතක කරන්න එපා.. මම ඔයාට මගෙ 'පණ' කියල කියන්නෙ නෑ කවදවත්.. මොකද ඔයාව කවදාවත් මගෙ පණට සමාන කරන්න බෑ.. ඔයා වෙනුවෙන් ආත්ම ගානක් පෙරුම් පුරන මට මේ හුස්ම පොදකට වඩා ඔයාට දෙන්න වටිනාකමක් තියෙනවා.. ඒ.. ආදරේ වෙනුවෙන් ඔයාව පතාගෙන එන ආත්මෙත් ඔයාගෙ වෙන්න බලාගෙන ඔයා වෙනුවෙන් ඉපදෙන එකයි..

මම ඔයාට ගොඩාක් ආදරෙයි..
​

අදට නියමිත කතා කොටස අවසානයි.. නැවතත් තවත් කොටසක් ඔබ හමුවේ තබන තෙක් කෙටි විරාමයක්..

-මතු සම්බන්ධයි
​

 

Last edited: Jul 29, 2010

- Mysterious -

Member

May 18, 2010

6,978

210

0

Los Angeles

• Jul 30, 2010

• #38

- හත්වන කොටස -

Code:

7.1

අපි ආයේ දවසක..
හමුවෙමුද මේ අද වාගේ..
දැන් ඉර ගිලේ මුහුදේ..
කළුවර පිපේ දෙපසේ..
වෙන් වෙමු ඉතින් හමු වන සිතින්..
අපි ආයේ දවසක අද වගේ...

අදින් පසු ඔබ ඔබට හිමි මග..
ඉතින් මා හට උරුම තනි මග..
ආයෙමත් හමු වන තුරා
දෙතැන ඉමු අපි මග බලා...

තුඩින් හමු වුන සුහද බව අප
අරන් යමු අපි මතක මැදුරට
ආයෙමත් හමු වන තුරා..
එකම තැනකදී ජීවිතේ ..

මෙහෙම කියද්දි මගේ ඇස් දෙකෙන් කදුලු බින්දු බින්දු රූරාගෙන ඇද හැලෙනවා දුක දරාගන්න බැරුව..
අනේ ඔයාට ඇහෙන්නෙ නැද්ද මම ඉකි ගගහ අන්ඩන සද්දෙ ??
ඇයි දෙයියෝ නෑසුනා වගේ ඉන්නෙ.. ඔයාට දුක නැද්ද මට මෙහෙම දුකක් දීල නිහන්ඩ වෙන්න.. ??

මගේ හිත කොච්චෙර මුරන්ඩුද කියනවා නම් එයාට ඕනි ඔයාව මේ ආත්මෙත් ලබාගෙන ඊගාව ආත්මෙත් අයිති කරගෙන.. ඊට පස්සෙ ඉපදෙන හැම ආත්මෙකදිම අයිති කරගන්න..

ඒත් මන් මගේ හිතට කිව්වා ප්ලීස්.. අපේ ආදරේ වෙනුවෙන් ඔයා එයා වෙනුවෙන් ආත්මයක් නෙවෙයි ආත්ම ගානක් උනත් බලන් ඉන්නව කියලා පෙන්නන්න.. ප්ලීස් මගෙ හිත.. ඔයා මට උදව් කරනවා නේද ආයෙත් දවසක එයාව මට හමුවෙන්න.. කියන්න මට මගෙ පුන්චි හදවත.. කියන්න ඔව් කියලා..

​

 

- Mysterious -

Member

May 18, 2010

6,978

210

0

Los Angeles

• Jul 30, 2010

• #39

Code:

7.2

ඕන් ඉතින් තවත් දවසක ආයෙත් එයා මාව හොයාගෙන සුපුරුදු විදියට ඩින්ගක් දොඩමළු වෙන්න ආවා..
කොච්චර , මොන දුක තිබ්බත් එයා ඇස් මානයේ ඉද්දි මගේ හැම ප්‍රශ්නයක්ම මට අමතක වෙලා සතුට මාව හොයා ගෙන එනව.. ඒක අරුමයක් තමයි.. ආදරේ කියන්නෙ ඕකට තමයි..
එයා ලග මගේ හිත නැවතුන දවසෙ ඉදන් එයා ලග ඉදිද්දි තමයි මට දැනෙන්නෙ මම ජීවත් වෙනවා කියල..
එයා මයෙ ලඟ නැති උනාම මම පන තියෙන මල කඳක් විතරයි..

එදා නම් මට තේරුනා එයා දුකින් විත්තිය..
අනේ මන්දා.. මගෙන් මුලින්ම කරේ පොරොන්දුවක් ගත්තු එක, කාටත් කියන්නෙපා කියල.. ඊට පස්සෙ එයා හරි පුදුම දෙයක් කීවා..


'' තනූ.. කෙල්ලේ.. මම ආයෙ ඔන්ලයින් එන්නෙ නෑ.. කාටත් මේ බව කියන්නෙපා.. ''

ඔයාට චුට්ටක් හරි හිතන්න පුළුවන්ද මට හිතුන දේ ?? මට එයාව ආයි ජීවිත කාලෙටම නැති වෙන්න යනවා.. මට කවදාවත් එයාව ආයෙත් දකින්න ලැබෙන්නෙ නෑ..
දෙයියනේ ඇයි මට දෙවියො මෙහෙම කරන්නෙ ?? මම චූටි කූඹියෙකුටවත් වරදක් කරල නෑ.. අයි එහෙනම් දෙවියෝ මට මෙහෙම දුක් දෙන්නෙ.. ??
මගේ පලවෙනිම කදුලු බින්දුව පොලව තෙත් කලා..

'' ඇයි ඔයා එකපාරටම එහෙම යන්නෙ ජැසී ?? ඔයාට කවුරු හරි මොනවත් කීවද? බැන්නද ?? අනේ ඔයා යන්නෙපා.. ඔයා ගියාම මන් කා එක්කද කතා කරන්නෙ ?? ''

මෙහෙම කියද්දි ගල් වෙලා තිබ්බ මගෙ කදුළු ගල් කැට කැට හිතේ දැවෙන දුකට උණු වෙලා බින්දු බින්දු වෙලා කදුළු වෙලා බිමට වැටුනා..

​

​

 

Last edited: Jul 30, 2010

- Mysterious -

Member

May 18, 2010

6,978

210

0

Los Angeles

• Jul 30, 2010

• #40

Code:

7.3

මේ සිද්දිය උනේ මැදියම් රෑක.. ඔයාලට කියන්න.. ඒ දවස් වල මගේ කාමරේට දොරක් තිබ්බෙත් නෑ..
රෑට මම හීනෙන් බය වෙන නිසා , බයවෙලා අඩන නිසා මම අම්ම එක්ක දොයියන්න පුදු වෙලා හිටියා..

මමී ගෙ කාමරේ මම දොයියන නිසා ඩැඩී (තාත්තා) දොයියන්නෙ මගේ කාමරේ..

මයෙ මැසිම තියෙන්නෙත් මයෙ කාමරේ ඇඳ ගාවමයි.. එදා රෑ මම දොයිය ගන්නම් කියලා බොරු කියල මුලු රෑම ඇහැරන් හිටියෙ එයා නිසයි..

එයා යනව කිව්වම මම සද්ද නොකර අඩද්දි එලියට පිට වෙන ඉකිය ඇතුලේ තියන් ඉන්න උත්සහ කලේ බොහොම අසීරුවෙන්.. ඩැඩීට ඇහැරුනොත් මම කපෝති.. එහෙනම් ආයෙ ඔන්ලයින් එන්න වෙන්නෙ එයාට නෙවෙයි , මට..

කොහොමෙන් හරි.. ඩැඩී ගෙ ගෙරවිල්ලෙන් මම දන්නව එයා තද නින්දෙන් පසු වෙන බව.. ඒ අස්සෙන් මට ඉකි වැටි වැටි ඇඩෙනවා කොච්චෙර කරත් නවත්ත ගන්න බෑ.. පපුව දන්න ගත්තා.. ඒ අස්සෙන් හෙම්බිරිස්සාව ඇවිත් ඇඬුම් නිසා.. සූස් සූස් ගග ඉකි වැටෙන එකත් කට ඇතුලෙ තියාගෙන තනියම ඇඩුවේ මොර දිදී නිදහසේ වත් අඩන්න වාතාවරනයක් නොතිබූ නිසයි..

​

 

Last edited: Jul 30, 2010