ElaKiri Community
Downloads
Go Back   ElaKiri Community > Entertainment > ElaKiri Lyrics
Reload this Page විශිෂ්ට සිංහල ගීත
Reply
 
Thread Tools
(#51)
Old
Dishta Didin's Avatar
Dishta Didin Dishta Didin is online now
Senior Member
Dishta Didin is a glorious beacon of lightDishta Didin is a glorious beacon of lightDishta Didin is a glorious beacon of lightDishta Didin is a glorious beacon of lightDishta Didin is a glorious beacon of lightDishta Didin is a glorious beacon of lightDishta Didin is a glorious beacon of lightDishta Didin is a glorious beacon of lightDishta Didin is a glorious beacon of lightDishta Didin is a glorious beacon of lightDishta Didin is a glorious beacon of light
 
Posts: 3,623
Join Date: Dec 2015
13. ඔබ නොදනී කැළඹුම මායාවේ... - 12-07-2019, 05:51 PM

Quote:
ඔහු :
කිසිදා නොපැතූ දේ සිදුවේවී...
සිත බිඳුණේ යළි ප්‍රේමේ හින්දා...
දිවි දුන්නේ මමයි... දුක දුන්නේ ඔබයි...
ස්ත්‍රී සිත් පෙන්වූවා... ඔබ ස්ත්‍රී සිත් පෙන්වූවා...

ඇය :
නොසිතනු මා ඔබගේය කියා...
නිදහසේ ඇරයුම් ලබනා...
යනවාමයි මා හිත කියන දිහා...
පුරුෂ සිත් පෙන්නුවා... ඔබ පුරුෂ සිත් පෙන්නුවා...

ඔහු :
ඔබ නොදනී කැළඹුම මායාවේ...
නොහැඟේ ජීවිතයේ ගිම්හානේ...
තරවටු කළ යුතු වේ... හිත දේ දඬුවම් සේ...
ස්ත්‍රී සිත් පෙන්වූවා... ඔබ ස්ත්‍රී සිත් පෙන්වූවා...

ඇය :
දනිමී ලොකු කෙරුමෙක් බව තා...
සිත පෑරේ මේ සැසඳීම නිසා...
ගනුදෙනුවට ආදරයයි පවසා...
පුරුෂ සිත් පෙන්නුවා... ඔබ පුරුෂ සිත් පෙන්නුවා...

පද රචනය : දුමින්ද අලහේන්ද්‍ර
ගායනය : මීනා ප්‍රසාදිනී ගමගේ | රුක්මන් අසිත පෙරේරා
සංගීතය : නිමල් මෙන්ඩිස්
සංගීත සංයෝජනය : සුරේෂ් මාලියද්ද
චිත්‍රපටය : වෛෂ්ණාවී
ආදරයේ සැබෑ ස්වභාවය පැහැදිලි කෙරෙන ඒ "සුන්දර ගැටුම" මෙසේ ඉදිරිපත් වන වගයි...!

කිසිදා නොපැතූ දේ සිදුවේවී...
සිත බිඳුණේ යළි ප්‍රේමේ හින්දා...
දිවි දුන්නේ මමයි... දුක දුන්නේ ඔබයි...
ස්ත්‍රී සිත් පෙන්වූවා... ඔබ ස්ත්‍රී සිත් පෙන්වූවා...

මම කවදාවත් හිතුවේ නෑ මෙහෙම දේවල් වේවි කියා...
"ආදරය සුන්දරයි" කියන මායාවට හසුවෙන නිසා ආදරය තුළ සැඟවිලා තියන දුක පේන්නේ නෑ...
මට නම් දැන් ඒ දුක හොඳහැටි තේරුම් යමින් තියෙන්නේ...
මගේ හිත බිඳිලා තියෙන්නේ මේ මහලොකු ආදරය නිසා...
මම ආදරය වෙනුවෙන් දුක් වින්දා ඇති පදමට... පුදුමාකාර කැපකිරීම් කළා...
නමුත් ඔබ මට දුන්නේ දුක විතරයි...
ඔබ නිසා ස්ත්‍රිය යනු කවරාකාරයේ අයෙක්දැයි මට දැන් තේරුම් යමින් තියෙන්නේ...

◘──────────────────────────────────────────◘

නොසිතනු මා ඔබගේය කියා...
නිදහසේ ඇරයුම් ලබනා...
යනවාමයි මා හිත කියන දිහා...
පුරුෂ සිත් පෙන්නුවා... ඔබ පුරුෂ සිත් පෙන්නුවා...


හිතන්න එපා මම ඔබට රිසි අයුරින් භාවිතා කළ හැකි භාණ්ඩයක් වගේ කියලා...
ඔබට ඕනේ ඕනේ දේවල් කරන්න මා ඔබට යටත් වෙලා නෑ...
මට ඕනේ තැන මම යනවා... මට ඕනේ දේ මම කරනවා...
ඒ ගැන බලපෑම් කරන්න ඔබට අයිතියක් නෑ...
ඇයි දෙයියනේ මටත් කියලා නිදහසක් තියෙන්න ඕනේ නේද...
මටත් දැන් තේරිලා තියෙන්නේ තමුන් නිසා පිරිමි කියන්නේ මොනවගේ ජාතියක්ද කියලා...

◘──────────────────────────────────────────◘

ඔබ නොදනී කැළඹුම මායාවේ...
නොහැඟේ ජීවිතයේ ගිම්හානේ...
තරවටු කළ යුතු වේ... හිත දේ දඬුවම් සේ...
ස්ත්‍රී සිත් පෙන්වූවා... ඔබ ස්ත්‍රී සිත් පෙන්වූවා...


ඔබ දන්නේ නෑ අප වටා විවිධාකාරයේ මායාවන් පිරී ඇති බව...
ඒවා නිසා ජීවිතයේ ඇතිවිය හැකි කැළඹුම...
ජීවිතයේ කටුක බව ඔබ දන්නේ නෑ... බොරු දේවල් වලට ඔබ පොඩ්ඩ ඇත්නම් රැවටෙනවා...
මං මෙච්චර මේ දේවල් කියන්නේ, තරවටු කරන්නේ ඔබේම යහපතට...
ඒත් ඔබ ඒවා තරහට කරන දේවල් කියලා හිතලා මට බැන වදිනවා...
පිරිමි කියන හැමදේටම විරුද්ධ වෙන එක ගෑනුන්ගේ හැටියක්...
ඔබ නිසා මට ඒ ස්ත්‍රී ස්වභාවය හොඳින්ම වටහාගන්න පුළුවන්...

◘──────────────────────────────────────────◘

දනිමී ලොකු කෙරුමෙක් බව තා
සිත පෑරේ මේ සැසඳීම නිසා
ගනුදෙනුවට ආදරයයි පවසා
පුරුෂ සිත් පෙන්නුවා
ඔබ පුරුෂ සිත් පෙන්නුවා

දන්නවා ඔහේ මහලොකු කෙරුමෙක් කියලා... ඒ ලොකුකම් මාත් එක්ක තියාගන්න එපා...
මාව පාලනය කරන්න හදන්න එපා... ඒවා මගෙත් එක්ක හරියන්නේ නෑ...
මගේ හිත පෑරෙනවා මේ විදියට මට සීමා දානකොට, මාව යටත් කරගන්න හදනකොට...
එන්න එපා ඕවට නම්...
ආදරය කියන්නේ ගනුදෙනුවක් මිස වෙන දෙයක් නෙවෙයි...
ඔබට මගේ ආදරය අවැසි නිසා ඔබට මාව ඕනේ...
මට ඔබේ ආදරය අවැසි නිසා මට ඔබව ඕනේ...
ඔබ කරන දේවල් නිසාම මට ඒක හොඳහැටි පැහැදිලි වෙමින් තියෙන්නේ...

Last edited by Dishta Didin; 12-07-2019 at 05:57 PM.
Reply With Quote
(#52)
Old
Dishta Didin's Avatar
Dishta Didin Dishta Didin is online now
Senior Member
Dishta Didin is a glorious beacon of lightDishta Didin is a glorious beacon of lightDishta Didin is a glorious beacon of lightDishta Didin is a glorious beacon of lightDishta Didin is a glorious beacon of lightDishta Didin is a glorious beacon of lightDishta Didin is a glorious beacon of lightDishta Didin is a glorious beacon of lightDishta Didin is a glorious beacon of lightDishta Didin is a glorious beacon of lightDishta Didin is a glorious beacon of light
 
Posts: 3,623
Join Date: Dec 2015
ඔබ නොදනී කැළඹුම මායාවේ... - 12-07-2019, 06:06 PM

ආදරවන්තයන් දෙදෙනෙකුගේ ගැටුමක් සුන්දර ගීතයක් විදියට...
ආදරයේ නිසා ජීවිතයේ ඇතිවන කැළඹුම... නොසන්සුන් බව...

ඔහු තමන්ගේ පාලනයට ඇයව නතුකරගන්න උත්සාහ කරනවා.
ඇගේ හිත පෑරෙනවා මේ නිසා...
දෙදෙනාම නිදහසට කරුණු ඉදිරිපත් කරනවා.
දෙදෙනාම හරි... ඒ වගේම දෙදෙනාම වැරදි...

ආදරය ආත්මාර්ථකාමී දෙයක් බව "සෘණාත්මක" ත්‍රෙඩ් එකේ කියලා ඇති...
මේ ගීතයේ ඒ බව ලස්සනට කියන පදයක් මේ...

"දිවි දුන්නේ මමයි... දුක දුන්නේ ඔබයි..."

බොහෝවිට දෙදෙනාම හිතන්නේ තමන් ආදරය වෙනුවෙන් (ඔහු / ඇය වෙනුවෙන්) මහා ලොකු කැපකිරීම් කළ බව...
නමුත් ඒවා කරන්නේ ඇයි කියලා ගැඹුරට හොයලා බැලුවොත්,
ඒවා කරලා තියෙන්නේ තමා වෙනුවෙන්මයි... තමාගේම හිත සතුටු කරන්න...

ඒවගේම චිත්‍රපටයේදී (වෛෂ්ණාවී) රූකඩ නැටුමක පසුබිම් ගීතය විදියටයි මේ ගීතය ගැයෙන්නේ...
ඉතින් හිතන්න පුළුවන්... ආදරය විසින් මිනිසා නටවනවා රූකඩයක් ලෙස... විවිධාකාරයෙන් උපක්‍රම යොදමින්....
ආදරය විසින් බලාපොරොත්තු වන අවසන් අරමුණු ඉටුකරගන්නා තෙක්...
(ඒ අවසන් අරමුණු ගැන සෘණාත්මක ත්‍රෙඩ් එකේ කියලා ඇති. සටහන දීර්ඝ විය හැකි නිසා නැවත මෙතන පැහැදිලි කරන්නේ නෑ.)

ඇය නිසා මනසට අවශ්‍ය සතුට ලැබෙන නිසා ඔහු ඇයට කැමැත්ත දක්වනවා.
ඔහු නිසා මනසට අවශ්‍ය සතුට ලැබෙන නිසා ඇය ඔහුට කැමැත්ත දක්වනවා.
ඉතින් ආදරය ගනුදෙනුවක් ම මිස අන් කවරක්ද?


ඔබ නොදනී කැළඹුම මායාවේ...

Last edited by Dishta Didin; 12-07-2019 at 06:08 PM.
Reply With Quote
(#53)
Old
Dishta Didin's Avatar
Dishta Didin Dishta Didin is online now
Senior Member
Dishta Didin is a glorious beacon of lightDishta Didin is a glorious beacon of lightDishta Didin is a glorious beacon of lightDishta Didin is a glorious beacon of lightDishta Didin is a glorious beacon of lightDishta Didin is a glorious beacon of lightDishta Didin is a glorious beacon of lightDishta Didin is a glorious beacon of lightDishta Didin is a glorious beacon of lightDishta Didin is a glorious beacon of lightDishta Didin is a glorious beacon of light
 
Posts: 3,623
Join Date: Dec 2015
14. සළුව අරන් ගෙට පලයන් කුමරිය... - 12-10-2019, 08:01 PM

Quote:
ඔහු :
කුවේණියේ මා කුවේණියේ මම...
තම්මැන්නා එනවා...
රූබරියේ මා රූබරියේ මම...
ආලේ සොයා එනවා...

සළුව අරන් ගෙට පලයන් කුමරිය...
නැවක නැගී මරු එනවා කුමරිය...

වියූ සළුව නොම හැරයන් කුවේණියේ...
ලාට රටින් දොස් පැවරෙයි කුවේණියේ...
කිලිටි දෙපා මඩ තවරයි කුවේණියේ...
වැස්ස වැටී තෙත තැවරෙයි කුවේණියේ...

ඇය :
නිරිඳුන් නුඹේ ආලේ නිසා...
බෝ විපතක් වෙනා... නොවඩින් සදා...
මතු භවයේ මා හමුවන තුරා...
ආලේ පසෙකලා හිඳිමි මෙමා...

පද රචනය : චන්ද්‍රසේන තලංගම
ගායනය : රිද්ම වීරවර්ධන | දිනූපා කෝදාගොඩ
සංගීතය : චරිත අත්තලගේ
ඒ සල්ලාල කුමාරයා...

කුවේණියේ මා කුවේණියේ මම...
තම්මැන්නා එනවා...
රූබරියේ මා රූබරියේ මම...
ආලේ සොයා එනවා...


ආදරය කොයි තරම් නම් සුන්දර ද...
රට රාජ්‍යයන් තරණය කරමින්... එවන් වූ සුන්දර ආදරයක් වෙනුවෙන්... ඔබ වෙනුවෙන්...
ඔබ සොයාගෙන මම ඔබේ දේශයට එනවා...
ඔබ කොතරම් රූබර ද... අප දෙදෙනා ලොව ගැළපෙනම යුවළ බවට පත්වේවි...
අපගේ ආදරය ආත්මගත බැඳීමක්... ඔබ තුළින් පමණයි මා ආදරය දුටුවේ...
මට අනුකම්පා කරනු සොඳුරිය... මගේ ජීවිතයට ඔබේ ආදරය අවැසිමයි...

◘──────────────────────────────────────────◘

"අනාගතය දකිනා සෘෂිවරයා" හෙවත් ලෝකයේ යථා ස්වභාවය වටහාගත්තා වූ
එක්තරා මනුෂ්‍යයෙක්...

සළුව අරන් ගෙට පලයන් කුමරිය...
නැවක නැගී මරු එනවා කුමරිය...

වියූ සළුව නොම හැරයන් කුවේණියේ...
ලාට රටින් දොස් පැවරෙයි කුවේණියේ...
කිලිටි දෙපා මඩ තවරයි කුවේණියේ...
වැස්ස වැටී තෙත තැවරෙයි කුවේණියේ...


"සළුව" හෙවත් ඔබේ ගෞරවය, ආත්ම අභිමානය රැකගෙන,
"ගෙට පලයන්" හෙවත් ඔබේ ආරක්ෂාව සලසා ගන්න... සිතේ රැවටීමට හසු නොවන්න...
"නැවක නැගී" හෙවත් මහත් වූ වීරත්වයක් විදහා දක්වමින්, සිත ඇදගන්නා සේ පැමිණෙන්නා අන් කවරෙක්වත් නොවේ...
ඒ වෙස්වලාගත් "මරු" හෙවත් දුක ම ය...

"වියූ සළුව" හෙවත් "ඔබ මෙතෙක් කලක් මහන්සියෙන් ගොඩනඟාගත් සිය ගෞරවය" හැර දා
සිතේ රැවටීමට හසු නොවන් කුමරිය...
වරද "ඒ සල්ලාල කුමරු" අත වුවත්, ඔහුගේ හිතැත්තන් වරද පටවන්නේ ඔබේ පිට...
ඔහුගේ කිලිටි වූ සිත ඔබේ ගෞරවය නම් වූ "සළුවේ" මඩ තවරාවි...
ඒ හේතුවෙන් "වැස්ස වැටෙන්නා සේ" චෝදනා, අපහාස ලෝකයා ඔබට එල්ල කරාවි...
ඒ භයංකාර වූ වැස්සෙන් "ඔබේ සළුව තෙමී යන්නා සේ" ඔබේ ජීවිතය පුරාවට ඒ අපහාස තැවරී තිබේවි...
කඳුල ම පමණක් තැවරී තිබේවි...!

◘──────────────────────────────────────────◘

ඒ "අනාගතය දකිනා මනුෂ්‍යයාගේ" අවවාදය පිළිගත් ඇය...

නිරිඳුන් නුඹේ ආලේ නිසා...
බෝ විපතක් වෙනා... නොවඩින් සදා...
මතු භවයේ මා හමුවන තුරා...
ආලේ පසෙකලා හිඳිමි මෙමා...

මගේ හිතේ උන්නු "රජා" වූයේ ඔබ... මගේ හිතේ හිටි කුමාරයා ඔබ...
ඔබ වන් සිත් ගත් අයෙක් ඇතැම්විට නැවත හමුනොවේවි...
නමුත්, ඔබේ ආලය නිසා බොහෝ විපත් ඇති විය හැකියි...
මට, ඔබට, තවත් බොහෝ දෙනෙකුට විපත් රැගෙන එන්නා වූ ආලයක් මට අවැසි නෑ...
එබැවින් "නිරිඳුනි, ඔබ නොවැඩීමයි යහපත්..."
නිසි කල, සුදුසු ලෙස, ඔබ හෝ වෙනත් අයෙක් ලැබෙන තුරු
හිතේ තෙරපෙන ආදර හැඟුම් අඟුළු ලා සිරකොට තබාගෙන හෝ මට ජීවත් හැකියි...
මගේ ජීවිතයේ අරමුණ ආලය පමණක් නෙවෙයි... ආලය යනු ජීවිතය ම නොවේ...
මේ ජීවිත කාලයටම මට ආදරවන්තයෙක් නොලැබුනත්...
සියල්ලන්ගේම යහපත වෙනුවෙන් ආලය පසෙකලා හිඳීමට මා පසුබට වෙන්නේ නෑ...
Reply With Quote
(#54)
Old
Dishta Didin's Avatar
Dishta Didin Dishta Didin is online now
Senior Member
Dishta Didin is a glorious beacon of lightDishta Didin is a glorious beacon of lightDishta Didin is a glorious beacon of lightDishta Didin is a glorious beacon of lightDishta Didin is a glorious beacon of lightDishta Didin is a glorious beacon of lightDishta Didin is a glorious beacon of lightDishta Didin is a glorious beacon of lightDishta Didin is a glorious beacon of lightDishta Didin is a glorious beacon of lightDishta Didin is a glorious beacon of light
 
Posts: 3,623
Join Date: Dec 2015
සළුව අරන් ගෙට පලයන් කුමරිය... - 2 - 12-10-2019, 08:29 PM

"අනාගතය දකිනා සෘෂිවරයා" හෙවත් ලෝකයේ යථා ස්වභාවය අවබෝධ කරගත්තා වූ "එක්තරා මනුෂ්‍යයෙක්",
තම දේශය කරා එන්නා වූ ඒ "මාරයා" පිළිබඳව "කුවේණියට" කරනා අවවාදයක් සහ
අතීත කතාවට අනුව අතීතයේ සිදු නොවූ ලෙසින්, නමුත් විය යුතුව තිබුනා වූ ලෙසින්,
කුවේණිය ඒ අවවාදය පිළිගෙන, විය හැකි විපත තේරුම් ගෙන,
ඒ විපත රැගෙන එන්නා වූ "ආදරය", ඒ භයංකාර බව ගැබ් වූ ආලය ප්‍රතික්ෂේප කිරීම
මේ ගීතයේ මම දකින කතාව...

මේ අවවාදය ලබාගන්නා "කුවේණිය" නම්, වර්තමාන ලාංකික යුවතිය යි. මේ ගීතය හරහා අමතන්නේ ඇයට...
ඒ "මාරයා" නම්, ඇය ගොදුරු කරගැනීමට සෑම දෙසින් ඉව අල්ලන දූෂිත සිත් දරන සියළුම දෙනා...
ඉතිහාසය තුළින් යුවතියන්ට "ආදර පාඩමක්" ඉගැන්වීමට කළ උත්සාහයක්...

බුද්ධිමතෙකුගේ අවවාදය පිළිගෙන, බොහොම සන්සුන්ව හා නුවණැතිව ආදරය ප්‍රතික්ෂේප කිරීමේ අවස්ථාවක්
ගීතයේ ඉහතින් කළ පැහැදිලි කිරීම අනුව දැකගන්න පුළුවන්.
නමුත් අද බොහෝවිට ආදරය ප්‍රතික්ෂේප කරන්නේ යුධමය තත්ත්වයන් ඇති කරමින්...

ගීතයේ ආකාරයට ආදරය බලාපොරොත්තුවෙන් කෙල්ලෙක්ගේ පස්සෙන් එන කොල්ලෙක් ගැන
"යම් හෙලිදරව්වක්" ඒ කෙල්ලට දැනගන්නා ලැබුනා කියමු...
කෙල්ල තමාගේ සොයාගැනීම නිසා දැනෙන වීරත්වය ආරෝපණය කරගෙන ගිහින් කොල්ලට කියනවා,
"තමුසේ වගේ සල්ලාලයෙක්ට ආදරේ කරන්නද තමුසේ කියන්නේ..."
බොහෝවිට එතැන් පටන් කොල්ලාගේ අරමුණ වෙන්නේ ඒ කෙල්ලගෙන් පළිගැනීම...
කොල්ලගේ වරදක් නැතත්, ආදරය ප්‍රතික්ෂේප කිරීම ලෝකෙටම ඇහෙන්න,
ලෝකෙටම පේන්න කරන එක වීර ක්‍රියාවක් හැටියට සිතා කටයුතු කිරීමත් අද කෙල්ලන් අතින් වෙන දෙයක්...
ඒකේ ප්‍රතිඵලය බොහෝ විට කොල්ලගේ හිතේ වෛරයක් ගොඩනැඟෙන එක...
විවිධ ටෙලිනාට්‍ය, චිත්‍රපට, පොත්, සඟරා ආදියෙන්
ආදරයේදී "වෛරී සහගත අදහස් ප්‍රකාශ කිරීම" හා "පළිගැනීම" සාමාන්‍ය දෙයක් ලෙස දැක්වීමත්
තරුණ පරම්පරාව ඒවා සැබෑ ජීවිතයේ අත්විඳන්නට යාමත් මේ විදියේ බියකරු තත්ත්වයන් ඇතිවීමට හේතුවක්...

කුවේණියගේ ශාපය ගැන අහලා ඇතිනේ...
ඒ තරම් වෛරයක් හිතේ ජනිත කරවන්න හේතුවක් වුනේ ආදරය...
ආදරය විසින් වෛරය උපදවයි කියන එකෙත් වරදක් නෑ.
නැත්නම් කෙල්ල අකමැති වුනාම මරලා දාන්න, පළිගන්න පුළුවන්ද ඒ "ආදරය" බොහෝ දෙනා කියන පරිදි ශ්‍රේෂ්ඨ නම්?

"වෛරයේ මව වනුයේ ආදරය යි" කියන එකෙත් වරදක් නෑ...

Last edited by Dishta Didin; 12-10-2019 at 08:34 PM.
Reply With Quote
(#55)
Old
Dishta Didin's Avatar
Dishta Didin Dishta Didin is online now
Senior Member
Dishta Didin is a glorious beacon of lightDishta Didin is a glorious beacon of lightDishta Didin is a glorious beacon of lightDishta Didin is a glorious beacon of lightDishta Didin is a glorious beacon of lightDishta Didin is a glorious beacon of lightDishta Didin is a glorious beacon of lightDishta Didin is a glorious beacon of lightDishta Didin is a glorious beacon of lightDishta Didin is a glorious beacon of lightDishta Didin is a glorious beacon of light
 
Posts: 3,623
Join Date: Dec 2015
සළුව අරන් ගෙට පලයන් කුමරිය... - 3 - 12-10-2019, 08:47 PM

ආදරයේ අඳුරු පැත්ත පමණක් නෙවෙයි,
යහපත වේශයෙන් විවිධාකාරයට රටට ඇතුළුවන අයහපත ගැන සිහිපත් කරන ගීතයක් විදියටත් හිතන්න පුළුවන්...

"සළුව අරන් ගෙට පලයන් කුමරිය...
නැවක නැගී මරු එනවා කුමරිය...

වියූ සළුව නොම හැරයන් කුවේණියේ...
ලාට රටින් දොස් පැවරෙයි කුවේණියේ...
කිලිටි දෙපා මඩ තවරයි කුවේණියේ...
වැස්ස වැටී තෙත තැවරෙයි කුවේණියේ..."


සළුව හෙවත් ඔබේ අභිමානය රැකගෙන...
"ගෙය" නම් වූ ඔබ රැකෙනා ධර්මය, සදාචාරය, සංස්කෘතිය තුළ පිහිටන්න...
"නැවක නැඟී" හෙවත් විදේශයන්ගෙන් සිත් ඇඳ බැඳ ගන්නා අයුරින් පැමිණෙන්නා වූ
විවිධාකාරයේ මායාවන් තුළ සැඟවුනු අයහපතට ගොදුරක් නොවන්න...

ඔබේ අභිමානය ඒ කිසිවක් නිසා පහත නොහෙලන්න...
ඔබ රැවටුනු පසු, ඔබ ගොදුරක් වූ පසු,
ඒ මායාවන්ට, ඒවා පැමිණි දේශයන්ට දොස් පැවරීමෙන් පලක් නැත. ඔවුන් වරද බාර ගන්නේ ද නැත.
"වරද ඔබේම ය, අනිසි භාවිතය නිසා මෙය සිදුවී ඇත" යැයි කියා ඔවුන් ඇඟ බේරා ගනීවි.
"නැවක නැඟී" එන්නා වූ සියල්ල දෙවරක් නොසිතාම බදාගතහොත්... අනුගමනය, අනුකරණය කරනට පෙළඹුනහොත්...
අවසානයේ ඔබේ ජීවිතයට දුක හැර අන් යමක් නොලැබේවි...


සළුව අරන් ගෙට පලයන් කුමරිය...
Reply With Quote
(#56)
Old
Dishta Didin's Avatar
Dishta Didin Dishta Didin is online now
Senior Member
Dishta Didin is a glorious beacon of lightDishta Didin is a glorious beacon of lightDishta Didin is a glorious beacon of lightDishta Didin is a glorious beacon of lightDishta Didin is a glorious beacon of lightDishta Didin is a glorious beacon of lightDishta Didin is a glorious beacon of lightDishta Didin is a glorious beacon of lightDishta Didin is a glorious beacon of lightDishta Didin is a glorious beacon of lightDishta Didin is a glorious beacon of light
 
Posts: 3,623
Join Date: Dec 2015
12-12-2019, 05:53 PM

ප්‍රේමයේ සැබෑ ස්වරූපය හෙළි කරන ගීත පහක් පමණ ඉහතින් ඉදිරිපත් කළා.
ඒ අතර පැරණි ගීත එකක්වත් අඩංගු නොවීම ගැන කෙනෙක්ට ප්‍රශ්නයක් මතු වෙන්න පුළුවන්.
එවැනි අර්ථ සම්පන්න පැරණි ගීත නැතුව නෙවෙයි.
නමුත් එවැනි ගීත එකදිගට ඇසීමට, දවසේ ඕනෑම මොහොතක ඇසීමට මට ගැළපෙන්නේ නෑ.
අර්ථය, ගායනය, සංගීතය පමණක් නෙවෙයි, තව බොහෝ කරුණු ගීතයක් ප්‍රිය වීමට බලපානවා.
ඒ කුමන හෝ හේතුවක් මත, ස්ථිරව කිව නොහැකි, වචනවලින් පැහැදිලි කළ නොහැකි යම් හේතුවක් මත
එවැනි ප්‍රේමයේ සැබෑ ස්වරූපය හෙළිකරන පැරණි ගීත මගේ "ප්‍රියතම ගීත ලැයිස්තුවට" එකතු වී නෑ.
ප්‍රියතම ලැයිස්තුවේ නැතත්,
ප්‍රියතම ගීත ලැයිස්තුව ඉදිරිපත් කිරීමෙන් අනතුරුව,
එවැනි අර්ථයෙන් පිරිපුන් මා "කියවා පමණක්" රසවිඳින ගීත පිළිබඳවත් ඉදිරිපත් කරන්න බලාපොරොත්තු වෙනවා.
ඒවගේම ඇතැම් ගීතවල පද කිහිපයකට පමණයි මගේ මනස කැමැති වෙන්නේ...
එවැනි ගී පද කොටස් පිළිබඳවත් ප්‍රියතම ලැයිස්තුව අවසානයේ පළ කෙරේවි...!
Reply With Quote
(#57)
Old
Dishta Didin's Avatar
Dishta Didin Dishta Didin is online now
Senior Member
Dishta Didin is a glorious beacon of lightDishta Didin is a glorious beacon of lightDishta Didin is a glorious beacon of lightDishta Didin is a glorious beacon of lightDishta Didin is a glorious beacon of lightDishta Didin is a glorious beacon of lightDishta Didin is a glorious beacon of lightDishta Didin is a glorious beacon of lightDishta Didin is a glorious beacon of lightDishta Didin is a glorious beacon of lightDishta Didin is a glorious beacon of light
 
Posts: 3,623
Join Date: Dec 2015
15. සිරිය කොහිද සැමදා විකසිත මලක... - 12-12-2019, 07:52 PM

Quote:
සිරිය දෙන මලක් මුකුලිත නොවන ලෙස...
සිරිය දෙන ලෙසින් සැමදා යුග නෙතට...
රැකිය යුතු කියා රැකගත හැකි වුවද...
සිරිය කොහිද සැමදා විකසිත මලක...

ලස්සන දෙයක නෙත් අලවන විට සසල...
ගැස්සෙන මනස සිත් කැළඹන බිය ඇතිව...
ලස්සන මැවෙන නෙත් අභියස ඉවත්කොට...
සිස්සන කුමට ලස්සන රස විඳිනු මිස...

විනය පෙනි පෙනී කඩ කරනා අයට...
විනය ගැන කියා දොස් නගනා නුඹ...
විනය රැක ඇතැයි සිතු සත්පුරුෂ තෙම...
විනය කඩ කළේ... ගස් යට... හොර... රහස...

පද රචනය : ඉසුරු අංජුල පෙරේරා
ගායනය : දිනේෂ් ලසන්ත රත්නසේකර
සංගීත නිර්මාණය : ලසිත් දිමිත්‍රි පෙරේරා
තනු නිර්මාණය : අකිල නිශාන්


සිරිය දෙන මලක් මුකුලිත නොවන ලෙස...
සිරිය දෙන ලෙසින් සැමදා යුග නෙතට...
රැකිය යුතු කියා රැකගත හැකි වුවද...
සිරිය කොහිද සැමදා විකසිත මලක...

සුන්දරත්වය විදහා දක්වන "මලක්"... හැමදාමත් නෙත් සිත් පිනවන ලෙසින්... හැකිලී, පරවී, නොයන ලෙසින්...
රැකගත යුතුයි සිතා... කොතරම් මුරකාවල් යොදා ආරක්ෂාවක් ලබාදුන්නත්...
මොන කැපකිරීම කළත්... මොන දෙවියන්ට යැද්දත්...
කාලයත් සමඟ ඒ සුන්දර බව වියැකී යාම අනිවාර්යයෙන්ම සිදුවේවි!

මොන උප්පරවැට්ටි දැම්මත් ඔබට කිසිදා ස්වභාවදහම පැරදවිය නොහැකියි.
වර්තමානයේ බොහෝ දෙනා කරනුයේ එවැනි අරුත් සුන් දේ සඳහා කාලය, ධනය, ශ්‍රමය වැය කිරීම...
මේ යථාර්තය වටහාගත්තා නම්, අනාගතයේ දිනක ස්ථිර ලෙසම ජරාවට පත්ව වැනසී යන තම කය සැරසීම සඳහා,
සැත්කම් කර ගැනීමට ගොස් දිවිපිදීමට කාන්තාවන්ට සිදුනොවේවි.
විවිධාකාර ආලේපන, එන්නත් ආදිය හරහා සුන්දරත්වය ඔප්නංවා ගැනීමට යැයි වෙහෙසෙමින්
"එම්බාම් කළ මළසිරුරු" වැනි තත්ත්වයට පත්වන කාන්තාවන් බිහි නොවේවි.
ස්වභාවික මනුෂ්‍ය පෙනුම පරයා, ඇතැයි සිතනා "වෙනත් ලස්සනක්" සොයා ගොස් භයානක ලෙඩ රෝග වල හිමිකරුවෙක් නොවේවි.

◘──────────────────────────────────────────◘

ලස්සන දෙයක නෙත් අලවන විට සසල...
ගැස්සෙන මනස සිත් කැළඹන බිය ඇතිව...
ලස්සන මැවෙන නෙත් අභියස ඉවත්කොට...
සිස්සන කුමට ලස්සන රස විඳිනු මිස...


ලස්සන දෙයක් දුටු විට, සුන්දර දෙයක නෙත් සිත් බැඳෙන විට...
ඒ ලස්සන තුළ සැඟවුනු බියකරු නපුර පිළිබඳ අවබෝධය ඇතිව...
ලැජ්ජාව හා බිය සහිතව... එම ලස්සනට නොඇලී...
ඒ ලස්සන රසවිඳීම වරදක් නොවේ...

එම සුන්දර මායාවන් පසුපස සැඟවී සිටින බියකරු මාරයන් පිළිබඳව අවබෝධය ලැබීමට නම්,
ඔබේ ආගම, දර්ශනය තුළින් ලෝකය පිළිබඳ යම් තාක් දුරකට හෝ වටහාගෙන තිබීම වැදගත් වනු ඇත.
අන්තගාමී ලෙස සියල්ලෙහිම වරදම දැකීම සුදුසු නොවේ.
උදාහරණයක් ලෙස හාස්‍ය ඉපදවීමේ අරමුණින් ඉදිරිපත් කළ යම් නිර්මාණයක
විද්‍යාත්මක සත්‍යතාව සෙවීමට වෙහෙසීම පලක් ඇති ක්‍රියාවක් නොවේ.
ඒ තුළින් ලැබිය හැකි රසවින්දනය ලබා, ජීවිතයට ගත යුත්තක් වේ නම් ගෙන, බැහැර කිරීමයි කළ යුතු...
විශේෂයෙන් ආගමික සාහිත්‍යය සම්බන්ධ කාරණාවන්හිදී මෙය ඉතා වැදගත් උපදේශයක්, මට හැඟෙනා ලෙස...

◘──────────────────────────────────────────◘

විනය පෙනි පෙනී කඩ කරනා අයට...
විනය ගැන කියා දොස් නගනා නුඹ...
විනය රැක ඇතැයි සිතු සත්පුරුෂ තෙම...
විනය කඩ කළේ... ගස් යට... හොර... රහස...

අනෙකා හදන්නට පෙර තමා හැදී සිටිය යුතුය.
සුදු පිරුවට පොරවාගෙන ලෝකයට එක් මුහුණකුත්,
සැබෑ ජීවිතයේදී තවත් මුහුණකුත් ඇති මිනිසුන් අවැඩක් කරගනුයේ තමාටම ය...
අනුන්ගේ විනය, යහගුණ හදන්නට යන ඒ තැනැත්තා ලොවට ඉදිරිපත් කරනුයේ,
තමාගේ සැබෑ මුහුණ නොවේ... තමා ද ඉහළින් විනය රකින්නෙකු බවයි.
නමුත් ඔහුගේ සැබෑ මුහුණ, සැඟවුනු ජීවිතය පිළිකුල් සහගත එකක් විය හැකියි.

මෙතන "ගස් යට" යන්න මං දකින්නේ "ලෝකයාගෙන් සැඟවී" යන අරුතින්...
දරුවෙක් "හැදෙන තැන" ගෙදර. ඒ දරුවාගේ අම්මා, තාත්තා ළමයාට හැදෙන්න කියන ගමන්
තමන් "හැදිලා නැති වැඩ" කරනවා නම්... ඒ දරුවා හැදෙයිද?
තම මව/ පියා යම් අවවාදයක් දුන් තැන, ඒ දරුවාට පැහැදිලි තර්කයක් නඟන්න පුළුවන්
"ඇයි එහෙනම් අම්මා/ තාත්තා ඒක කරන්නේ?"
ඔබ මතට වහලෙක් නම්, ඔබේ දරුවා ද මතට වහලෙක් වීම බොහෝවිට සිදුවේවි.
එහි වරද පැහැදිලි ලෙසම ඔබේ මිස අන් කිසිවෙකුගේ නොවේ.
ඔබ අනාචාරයේ හැසිරෙන්නෙකු නම්, ඔබේ දරුවාද එවැන්නෙකු වීම ගැන පුදුම නොවන්න.
ලොවට හොරා නටන නැටුම්... හෙළිදරව් වන දිනයක් උදාවෙනවාමයි...!


Last edited by Dishta Didin; 12-12-2019 at 07:54 PM.
Reply With Quote
(#58)
Old
Dishta Didin's Avatar
Dishta Didin Dishta Didin is online now
Senior Member
Dishta Didin is a glorious beacon of lightDishta Didin is a glorious beacon of lightDishta Didin is a glorious beacon of lightDishta Didin is a glorious beacon of lightDishta Didin is a glorious beacon of lightDishta Didin is a glorious beacon of lightDishta Didin is a glorious beacon of lightDishta Didin is a glorious beacon of lightDishta Didin is a glorious beacon of lightDishta Didin is a glorious beacon of lightDishta Didin is a glorious beacon of light
 
Posts: 3,623
Join Date: Dec 2015
සිරිය කොහිද සැමදා විකසිත මලක... - 2 - 12-12-2019, 07:59 PM

මුලින්ම මේ ගීතය අහන්න ලැබුනේ මේ පහත ත්‍රෙඩ් එක නිසා...
http://www.elakiri.com/forum/showthread.php?t=1739058

ඉහත සබැඳිය ඔස්සේ ඇති ත්‍රෙඩ් එකේ ගීතය පළ කර ඇත්තේ
මෙම ගීයේ, ගී පද රචක "ඉසුරු අංජුල පෙරේරා" මහතා නම්,
ඔබ මෙය දුටුවොත්, අර්ථය වෙනත් එකක් නම් පැහැදිලි කරන ලෙසත් ඉල්ලනවා.
මම දකින අයුරු තමයි මේ...

මේ පළ කර ඇති "ගී පද" වචන වැරදි නම් නිවැරදි කරන්න.
අන්තර්ජාලයේ කිසිම තැනක ගී පද (lyric) හොයාගන්න තිබුනේ නෑ. (පළමු පද හතර විතරයි තිබුනේ)
මෙතෙක් ඉදිරිපත් කළ සියළුම ගීතවල, "ගී පද" කිහිප තැනක කියවලා බලලා සහ ගීතයට සවන් දීලා පළ කළත්
මේ ගීතයේදී සවන්දීමෙන් පමණයි ලියා තැබුවේ...

මේ ගීතයේ විශේෂ කරුණක් තමයි පළමු පද හෝ වෙනත් පද නැවත නැවත කියන්නේ නැති එක.
වෙනත් එවැනි එකදු ගීතයක් හෝ අසා ඇති බවට මගේ මතකයේ නෑ. මම කැමති විශේෂත්වයක් ඒ...
Reply With Quote
(#59)
Old
Dishta Didin's Avatar
Dishta Didin Dishta Didin is online now
Senior Member
Dishta Didin is a glorious beacon of lightDishta Didin is a glorious beacon of lightDishta Didin is a glorious beacon of lightDishta Didin is a glorious beacon of lightDishta Didin is a glorious beacon of lightDishta Didin is a glorious beacon of lightDishta Didin is a glorious beacon of lightDishta Didin is a glorious beacon of lightDishta Didin is a glorious beacon of lightDishta Didin is a glorious beacon of lightDishta Didin is a glorious beacon of light
 
Posts: 3,623
Join Date: Dec 2015
16. සිනහා... කඳුළු... එනවා... යනවා... - 12-15-2019, 08:21 PM

Quote:
සිනහා... කඳුළු... එනවා... යනවා...

ඉපදී ලොවේ නවාතැන්පලේ...
මිනිසා රඟයි රංගනේ...
භවයෙන් භවේ විරාමේ අපේ...
කාලේ ටිකයි ජීවිතේ...
සිනහා කඳුළු එනවා... යනවා...

මේ සිහින ගමනේ නැවතී ඉන්නා... අම්බලමයි මාවතේ...
මේ පාළු කතරේ ඔබ මා හමුවී... යා යුතු මග මෙය වේ....
අහගන්න මිතුරේ... ලෝකය කරළිය වෙනවා...
මායාවේ නළුවො අපි...

නොනිවන්න මිතුරේ පහනේ ඡායා... කිසිදා මේ අත්වැලේ...
සුදිලේවී සැමදා නාමේ ඔබගේ... හිරු සේ ආකාසයේ...
ජය ගන්න මතුදා පැරදුම පැරදිය යුතුවේ...
මේ ලෝක රඟ මඬලේ...

පද රචනය : හේමසිරි හල්පිට
ගායනය : ග්‍රේෂන් ආනන්ද සමඟ එච්. ආර්. ජෝතිපාල
සංගීතය : සරත් ද අල්විස්
චිත්‍රපටය : මමයි රජා (1989)

"සිනහව හා කඳුල අතර දෝලනය වන ජීවිතය"
මේ වාක්‍යය කොහේදි හරි මොකේක හරි කියවලා තියනවා මතකයි.

සිනහා... කඳුළු... එනවා... යනවා...

අද, ප්‍රීතියෙන් ඔද වැඩී මහ හඬින් හිනාවෙන කෙනා හෙට, දුකින් තැවෙමින් හඬා වැටෙනවා.
තවකෙක්, පෙර දිනක හිනා වෙවී සතුටින් බදාගත් දෙයක් නිසා අද දුකින් තැවෙනවා.
බොහෝදෙනා සතුට වෙනුවෙන් යැයි සිතාගෙන කරන දේ නිසා කඳුල උරුම කර ගන්නවා...
"දුක" කියලා පැත්තකට දාලා තිබුන දෙයක් තව කෙනෙක්ට සතුට ගේනවා.
ලෝකෙට පේන්න හිනා වෙලා ඉන්න අය ලෝකයෙන් සැඟවිලා කඳුළු හෙලනවා.
"මගේ ජීවිතේ දුකම විතරයි" කියලා කෙනෙක් වැළපෙන අතරේ,
"මම නම් සතුටින් හැමදාමත්" කියලා ලෝකෙට කෑගහලා කියන කෙනෙක් තමාවත් නොදැන හිතින් විඳවනවා.
ජීවිතය කියන්නේ සිනහව හා කඳුල එකිනෙකා පරයා රජකම් කරනා යුද්ධයක් දෝ කියලා වෙලාවකට හිතෙනවා.

දුක, සතුට අතර බොහෝ දෙනා දෝලනය වන අතරතුර,
කලාතුරකින් ඉතා අල්ප පිරිසක් දුකට හා සැපට වහල් නොවූ මැදහත් ජීවිතයක් වෙනුවෙන් වෙහෙසෙනවා.

◘──────────────────────────────────────────◘

ඉපදී ලොවේ නවාතැන්පලේ...
මිනිසා රඟයි රංගනේ...
භවයෙන් භවේ විරාමේ අපේ...
කාලේ ටිකයි ජීවිතේ...
සිනහා කඳුළු එනවා... යනවා...


ඉපදුනු දවසේ ඉඳන්ම දුක උරුම කරගත් මිනිසා තමන්ගේ හිත සතුටු කරගන්න ජීවිතය රංගනයක් කරගන්නවා.
මවාපෑමක්... ලෝකෙට පේන්න... නිර්ව්‍යාජ මිනිසුන් සොයා ගැනීමටවත් නැති තරම්...
කොයි මොහොතේ නැතිවේ දැයි කිව නොහැකි මේ ජීවිත ගමන තුළ,
මනුෂ්‍යත්වය රැකෙනා පරිදි ගත කිරීමයි "විය යුතු" වුවත් බොහෝ දෙනා අතින් සිදු නොවන්නේ ද එයමයි...

◘──────────────────────────────────────────◘

මේ සිහින ගමනේ නැවතී ඉන්නා... අම්බලමයි මාවතේ...
මේ පාළු කතරේ ඔබ මා හමුවී... යා යුතු මග මෙය වේ....
අහගන්න මිතුරේ... ලෝකය කරළිය වෙනවා...
මායාවේ නළුවො අපි...

සිහින ලොවක ජීවත් වෙමින්, බොරුව මත ම යැපෙනා,
සත්‍යය දැකීමට උත්සාහයක් නොගන්නා මිනිසුන් සමඟ යෑමට සිදුව ඇත්තා වූ ගමනකි මේ ජීවිතය...
අප මේ ගතකරනුයේ ඒ ගමනේ දී හමුවනා "අම්බලමක්" බඳු වූ එක්තරා "නැවතීමක"... තවත් මායාවක...
යහපත් මනුෂ්‍යයන්ගෙන් තොරව "පාළු" වූ,
ඒ හේතුවෙන්ම "කතරක" මෙන් දුෂ්කර දිවියක් ගෙවීමට සිදුව ඇති තැනක් බවට මේ ලෝකයේ පත් වී හමාරයි.
මගේ මිතුර, අප දෙදෙනාට ද සිදුව ඇත්තේ බොහෝදෙනා යන ඒ මාර්ගයේ ම ගමන් කිරීමට නොවේද...
ලෝකය නම් කරලියේ රංගනයේ යෙදීමටයි අපටත් සිදුව ඇත්තේ... මායාව තුළ කිමිදෙමින්...

මේ සිත පාලනය කරන්නට හැකිවන දා අපට ඒ මායාවෙන් මිදිය හැකි වේවි...!
රංගනයෙන් මිදුනු අව්‍යාජ මනුෂ්‍යයන් බවට පත්වීමට හැකි වේවි...!

◘──────────────────────────────────────────◘

නොනිවන්න මිතුරේ පහනේ ඡායා... කිසිදා මේ අත්වැලේ...
සුදිලේවී සැමදා නාමේ ඔබගේ... හිරු සේ ආකාසයේ...
ජය ගන්න මතුදා පැරදුම පැරදිය යුතුවේ...
මේ ලෝක රඟ මඬලේ...


"පහනේ ඡායා" හෙවත් මනුෂ්‍යත්වය, උතුම් ගතිගුණ කුමන හේතුවක් නිසාවෙන් හෝ "නොනිවන්න" හෙවත් නැති කර ගනු එපා...!
යහගුණ රැකගත් ඔබ "හිරු සේ" ලොවට වටිනා මනුෂ්‍යයෙක් වේවි...!
රඟමඬලක් වූ මේ ලෝකය මත සිට, මේ ජීවිතය ජය ගත යුතු නම්,
"පැරදුම" හෙවත් අයහපත පැරදිය යුතුම යි.

අද පටන් හෝ අයහපත පැරදවීමට උත්සාහ ගන්නේ නම්, අප "මතු දා" ජය ගනීවි...!

Last edited by Dishta Didin; 12-15-2019 at 08:26 PM.
Reply With Quote
(#60)
Old
aneasarayana's Avatar
aneasarayana aneasarayana is offline
Senior Member
aneasarayana is a splendid one to beholdaneasarayana is a splendid one to beholdaneasarayana is a splendid one to beholdaneasarayana is a splendid one to beholdaneasarayana is a splendid one to beholdaneasarayana is a splendid one to beholdaneasarayana is a splendid one to beholdaneasarayana is a splendid one to beholdaneasarayana is a splendid one to beholdaneasarayana is a splendid one to beholdaneasarayana is a splendid one to behold
 
Posts: 2,990
Join Date: Oct 2013
12-16-2019, 11:08 AM

bump
Reply With Quote
Reply

Bookmarks

Tags
life, sinhala songs, songs

Thread Tools

Posting Rules
You may not post new threads
You may not post replies
You may not post attachments
You may not edit your posts

BB code is On
Smilies are On
[IMG] code is On
HTML code is Off

Forum Jump



Copyright © 2006 - 2011 ElaKiri™ Beta2.Evo vBulletin, vBa iBproArcade Subdreamer I-Magic MKv

Page generated in 0.07491 seconds with 11 queries