ElaKiri Community
Downloads
Go Back   ElaKiri Community > Entertainment > ElaKiri Lyrics
Reload this Page විශිෂ්ට සිංහල ගීත
Reply
 
Thread Tools
(#61)
Old
Dishta Didin's Avatar
Dishta Didin Dishta Didin is offline
Senior Member
Dishta Didin is a glorious beacon of lightDishta Didin is a glorious beacon of lightDishta Didin is a glorious beacon of lightDishta Didin is a glorious beacon of lightDishta Didin is a glorious beacon of lightDishta Didin is a glorious beacon of lightDishta Didin is a glorious beacon of lightDishta Didin is a glorious beacon of lightDishta Didin is a glorious beacon of lightDishta Didin is a glorious beacon of lightDishta Didin is a glorious beacon of light
 
Posts: 3,714
Join Date: Dec 2015
17. මිනිසා කොහේද මේ... - 12-18-2019, 07:37 PM

Quote:

මෝහෙන් මුලා වෙලා... මානෙන් උදම් වෙලා...
තණ්හාව ක්‍රෝධ ද්වේශ පාරේ...
මිනිහා කොහේද මේ...

රත්තරන් කෙණ්ඩියේ... සිංහ තෙල් වගේ...
මිනිස් ගුණේ සැමදා බැබලේ...
එය රැකීම අප උරුමේ... වේ...

කේළම් කීමෙන් ඕපදූපයෙන්...
රට කොටවන වැඩ අවදානම්...
උඩින් මිතුරු වී යටින් හතුරු වී...
උගුල් අදින්නා යයි දිය වී...
බොරුවෙන් රට පිරිහේවී...

මා හරි උගතා... මා හරි ජගතා...
සිතනා මිනිහා මෝඩයෙකී...
අනුන් හෙළන්නට වලක් කපන්නා...
ඒ තුළ වැටිලා මිය යන්නා...
කළ දේ පල දේ එලෙසේ...

පද රචනය : සිරිල් ඒ. සීලවිමල
ගායනය : වික්ටර් රත්නායක
සංගීතය : ආර්. ඒ. චන්ද්‍රසේන

"මිනිසා කොහේද මේ" ?
"මනසින් උසස්" සත්ත්වයා සිටිය යුතු තැනද මේ?

"රත්තරන් කෙණ්ඩියේ සිංහ තෙල් වගේ" මනුෂ්‍යත්වය මිල කළ නොහැකියි.
ඒ උත්තම මනුෂ්‍යත්වය රැක ගැනීම සෑම මිනිසෙක්ගේම වගකීමක්... යුතුකමක්...

එකිනෙකා බිඳවීමේ අරමුණින්, එමඟින් ඇතිවන "කුරිරු සතුට" බලාපොරොත්තුවෙන් කේලාම් හා ඕපාදූප පතුරවන්නන්...
සාමාන්‍යයෙන් මිනිස් හිත කැමතියි අනෙකා ගැන හොයන්න.
එහෙම හොයන විටදී ඒ තැනැත්තා ගැන නරක දෙයක් දැනගන්න ලැබෙනවා නම් ඒකට තවත් කැමතියි.
ඒ තුළින් තමන් ඒ තැනැත්තාට වඩා ඉහළින් ඉන්නවා කියන මුලාවට ගොදුරු වෙනවා.
ඒවගේම කෙනෙක් ගැන කේලාම්, ඕපාදූප පැතිරවීම තුළින් ඒ කෙනාට වඩා තමන් හොඳයි, උසස් කියලා ලබන සතුට
වෙනුවෙන් තමයි බොහෝ දෙනා කේලාම් පතුරවන්නේ.
සමහරු දැන් කේලාම් කියන්නේ "මං මේ කේලමක් කියන්න හදනවා කියලා හිතන්න එපා" කියලා.
ඕපාදූප වෙබ් අඩවි (gossip site) මේ තරමට ප්‍රසිද්ධ වෙන්නේ, ජනප්‍රිය වෙන්නේ මේ හේතු නිසා තමයි...
සමාජ මාධ්‍ය ජාල (social media) වලට මිනිස්සු මේ තරමට ඇබ්බැහි වෙලා ඉන්නෙත් මේ නිසා තමයි...
තමන්ගේ වැඩ පාඩු කරගෙන අනෙකා ගැන සෙවීම... ඒ මානසිකව ලබන සතුට වෙනුවෙන්...
නමුත් එහි අර්ථයක් නැති බව නොතේරෙන තරමට ඔවුන්ගේ හිත් මුලාවේ ගිලී අවසන්...
බුද්ධිය මළවුන් අතර...

"උඩින් මිතුරු වී යටින් හතුරු වී" ජාතියේ ඇත්තෝ තමා බොහෝවිට අප වටා ඉන්නේ.
"හිනා මූණ" පෙන්වා අපටත් නොදැනීම "කඳුල" අරන් එන...

ලොවට වටිනා යමක් දුන්, මනුෂ්‍යත්වය රැකගැනීමේ වටිනාකම ලෝකයටම පෙන්වා දුන්,
අති ශ්‍රේෂ්ඨ මිනිසුන් විවේචනය කිරීම වීරකමක් සේ සිතා කටයුතු කිරීමත්
"මා හරි උගතා මා හරි ජගතා" ලෙස සිතීමේ ප්‍රතිඵල...
විශේෂයෙන් ආගම් සහ ආගමික නායකයන් අධම ලෙස විචේචනය හා අපහාසය...
වරද එවන් ශ්‍රෙෂ්ඨ ධර්මයන් ලොවට ඉදිරිපත් කළ උත්තමයන්ගේ නොව,
ඒවා වරදවා වටහාගෙන ක්‍රියාවේ යොදන වර්තමාන සමහර මිනිසුන්ගේ බව ඔවුන්ට වටහාගත නොහැකියි.
(මෙහිදී අදහස් කරන්නේ ද්වේෂ සිත් ඇතිව කරන අපහාස කිරීම්, බැණවැදීම් මිස, තමාගේ මතය සංවරව ඉදිරිපත් කිරීම ගැන නොවේ.
ඕනෑම අයෙකුට "මනුෂ්‍යයෙක් ලෙස" තම මතය ඉදිරිපත් කිරීමේ නිදහස තිබිය යුතුයි. )

මෙය එක් අවස්ථාවක් පමණයි,
තමා පමණක් උසස් ලෙස සිතන එවැන්නන් සමාජයේ සෑම තැනකම පාහේ දැකගත හැකියි.
ඒ හේතුවෙන්ම අහක යන කරදර තම හිස මත පටවාගත් ඇත්තන් ගැනද
ඕනෑ තරම් අහන්න දකින්න ලැබෙනවා.

මේ හැමදේකටම ඔබේ ගමෙන්, නගරයෙන්, රටෙන් පමණක් නොව ලෝකයෙන්ම නිදසුන් දැකගන්න පුළුවන්...
දේශපාලනය තුළින්, ඔබේ රැකියා ස්ථානයෙන්, ඔබේ නෑදෑ පරපුර තුළින් ආදී ඕනෑම තැනකින්
මොහොතක් පාසා උදාහරණ දැකගන්න පුළුවන් වේවි විමසිල්ලෙන් බැලුවොත්...

"මිනිසා කොහේද මේ..."

මෙයාකාරයෙන් විවිධාකාර යක්ෂයන්, භූතයන්, ප්‍රේතයන් අප වටා සැරිසරද්දී...
ඒ බොහෝදෙනා යන මාර්ගයේ (නොමග) නොයා...
හැකි පමණින් යහපත්ව, ස්වභාවදහමට අනුව ජීවත් වීමට ඔබ උත්සාහ කරන්නේ නම්,
"මනසින් උසස්" මනුෂ්‍යයෙක් ලෙස හැකි හැම විටම කටයුතු කරන්නේ නම්,
ඔබ "නිදහස්" ජීවිතයක උරුමය ලද්දෙක් වේවි.

Last edited by Dishta Didin; 12-18-2019 at 07:44 PM.
Reply With Quote
(#62)
Old
DCloser_3's Avatar
DCloser_3 DCloser_3 is offline
Senior Member
DCloser_3 has a spectacular aura aboutDCloser_3 has a spectacular aura aboutDCloser_3 has a spectacular aura aboutDCloser_3 has a spectacular aura about
 
Posts: 274
Join Date: Jul 2018
12-19-2019, 05:14 PM

BUMP
Reply With Quote
(#63)
Old
Dishta Didin's Avatar
Dishta Didin Dishta Didin is offline
Senior Member
Dishta Didin is a glorious beacon of lightDishta Didin is a glorious beacon of lightDishta Didin is a glorious beacon of lightDishta Didin is a glorious beacon of lightDishta Didin is a glorious beacon of lightDishta Didin is a glorious beacon of lightDishta Didin is a glorious beacon of lightDishta Didin is a glorious beacon of lightDishta Didin is a glorious beacon of lightDishta Didin is a glorious beacon of lightDishta Didin is a glorious beacon of light
 
Posts: 3,714
Join Date: Dec 2015
18. නොමියෙන මිනිසා - 12-22-2019, 08:13 PM

Quote:
තෙරක් නොදන්නා මේ භව කතරේ...
සැරිසරනා මා මිනිසෙක් දෝ... මිනිසත්කම ලුහුබඳිනෙක් දෝ...

නොමියෙන මිනිසා මැරි මැරි උපදී...
ලෝ දම් දුන් මව් කුසට ගැලී...
නොපෙනෙන ගමනක් යන ඔහු නොදනී...
කප්පරයක් මව්වරුන් වැදූ...
ආත්ම ගමනක කොටුවෙන මගියා...
එන මරු සිප ගනි සැපට වැසී...
කවදද මරු පරදා ජය ගන්නේ...
නොමියෙන මිනිසෙකු විලස භවේ...

ඉපදෙන අත මිට මොලවන් යන්නේ...
භව පින පව ඉර හඳ වාගේ...
අලී ගැලී නිර කරයි කිළුටු කය...
හැමදාටම හැර නොයනා සේ...
එතෙමින් බැඳෙමින් හිර කර ගනිමින්...
සුර ලෝ සැපත සොයයි ලෝකේ...
මිනිස්කමට එන්නේ කවදද හැර...
මේ ලෝ සැප පෙව් මරු කතරේ...

පමා නොවී සොයපල්ලා නුඹ ඇයි...
ලැබුවේ අයිතිය මහා පොළොවේ...
එක වට කැරැකෙන ඉරණම් ගමනේ...
හැඩය වෙනස්කර සදා කලේ...
මරණය මරලා ජය ලබනට...
හැකිකම සෙව්මයි මනු භවේ හරේ...
කවදද මරු පරදා ජය ගන්නේ...
නොමියෙන මිනිසෙකු විලස භවේ....

පද රචනය : සශික විශාන්
ගායනය : රවීන් කණිෂ්ක
සංගීතය : සංඛ දිනෙත්

තෙරක් නොදන්නා මේ භව කතරේ...
සැරිසරනා මා මිනිසෙක් දෝ...
මිනිසත්කම ලුහුබඳිනෙක් දෝ...


කෙළවරක් නොදන්නා, ස්ථිරව කිව නොහැකි, කතරක ජීවිතය බඳු දුෂ්කර වූත්, කටුක වූත්, මේ සංසාර ගමනේ...
සංචාරයේ යෙදෙන්නා වූ "මම" සැබැවින්ම "මනුෂ්‍යයෙක්ද?"
මනුෂ්‍යත්වය රැකෙනා පරිදි කටයුතු කරන්නෙක්ද?
එසේ නොවේ නම් මේ මොහොතේ පටන් එසේ විය යුතු නොවේද...
නැතහොත් සිදුවන්නේ මේ ජීවන මාර්ගය තව තවත් කටුක වීම නොවේද...

එන මරු සිප ගනි සැපට වැසී...
කවදද මරු පරදා ජය ගන්නේ...


ජීවිත ගමනේදී හමුවන්නා වූ මාරයන් බොහෝ සතුටින් පිළිගන්නවා සැප යැයි සිතා...
නමුත් යථාවබෝධය ඇත්තා ඒ මාරයන් තම ජීවිතයෙන් බැහැර කරනවා,
ඒ මරුන්ගේ තරම දන්නා නිසා...

එතෙමින් බැඳෙමින් හිර කර ගනිමින්...
සුර ලෝ සැපත සොයයි ලෝකේ...
මිනිස්කමට එන්නේ කවදද හැර...
මේ ලෝ සැප පෙව් මරු කතරේ...


තණ්හාවෙන් වෙලී සැපත සොයා යන ගමනක යෙදෙන බොහෝ දෙනා
මනුෂ්‍යත්වයේ අගය ගැන සුළුකොට හෝ තැකීමක් නැතිව
ජීවිතය සැපවත් කරගැනීමට යැයි කියමින් ඕනෑම දෙයක් කරාවි...!
සැපය, මායාව පෙන්වා මිනිසා ගොදුරුකරගන්නා මරු කතරක් බඳු වූ මේ ලෝකයේ
සැප යයි බදාගන්නා දේ තුළ ඇත්තේ දුක බව ඔවුන්ට වැටහෙන්නේ නැත...

පමා නොවී සොයපල්ලා නුඹ ඇයි...
ලැබුවේ අයිතිය මහා පොළොවේ...
එක වට කැරැකෙන ඉරණම් ගමනේ...
හැඩය වෙනස්කර සදා කලේ...


කාලය වේගයෙන් ගලා යමින්... ඔබ වේගයෙන් වයසට යමින්...
සත්‍ය දකින්නට උත්සාහයක් හෝ නොගෙන මිය යාම නොවේ විය යුතු...
අප මෙලොව මනුෂ්‍යයෙක් ලෙස උපත ලැබූයේ ඇයි?
බොහෝ දෙනා මෙන් පව පින නොසලකා මුදල් පසුපස ම දිවීමට ද?
විවාහ වීමට, දරුවන් වැදීමට, හිත කියන කියන දේ කිරීමට පමණ ද?
සැප යයි සිතා දුක ම විඳ මිය යාමට පමණ ද?
එකම චක්‍රයක් සේ ගෙවී යන්නා වූ මේ ගමනේ හැඩය වෙනස් කළ යුතු නොවේද...

මරණය මරලා ජය ලබනට...
හැකිකම සෙව්මයි මනු භවේ හරේ...
කවදද මරු පරදා ජය ගන්නේ...
නොමියෙන මිනිසෙකු විලස භවේ....


"මරණය මරලා ජය ලැබීම" මේ මනුෂ්‍ය ජීවිතයේ හරය විය යුතු ය.
මරු පරදා ජය ගත් කළ නොමියන මිනිසෙක් බවට පත්වේවි...!
ඒ නොමියන මිනිසා නම්...???

◘──────────────────────────────────────────◘

"ඒ නොමියන මිනිසා" නම් කවරෙක්දැයි ඔබේ බුද්ධිය අනුව සිතා බලා
"තෙරක් නොදන්නා මේ භව කතරේ" හරි මඟ තෝරාගැනීම ඔබටම බාරයි.
ඔබේ ආගම, ඔබ අනුගමනය කරනා දර්ශනය, ඔබේ විශ්වාසයන් අනුව ඔබ ඒ ගැන දන්නවා ඇති...
මගේ අදහස මෙතැනින් ඉදිරියට ඉදිරිපත් කළ නොහැකියි, ආගමිකව සංවේදී කාරණා නිසාවෙන්...
මේ ගීතයේ ඇතැම් පද අත්හැර මගේ අදහස් ඉදිරිපත් කරන්නට සිදුවුනෙත් ඒ හේතුවෙන්...

පමා නොවී සොයපල්ලා නුඹ ඇයි... ලැබුවේ අයිතිය මහා පොළොවේ...

Last edited by Dishta Didin; 12-22-2019 at 08:17 PM.
Reply With Quote
(#64)
Old
JohnnySS's Avatar
JohnnySS JohnnySS is offline
Senior Member
JohnnySS is a splendid one to beholdJohnnySS is a splendid one to beholdJohnnySS is a splendid one to beholdJohnnySS is a splendid one to beholdJohnnySS is a splendid one to beholdJohnnySS is a splendid one to beholdJohnnySS is a splendid one to beholdJohnnySS is a splendid one to beholdJohnnySS is a splendid one to beholdJohnnySS is a splendid one to beholdJohnnySS is a splendid one to behold
 
Posts: 2,624
Join Date: Apr 2018
Location: සංසාරේ...
12-25-2019, 12:23 PM

Bump
Reply With Quote
(#65)
Old
Dishta Didin's Avatar
Dishta Didin Dishta Didin is offline
Senior Member
Dishta Didin is a glorious beacon of lightDishta Didin is a glorious beacon of lightDishta Didin is a glorious beacon of lightDishta Didin is a glorious beacon of lightDishta Didin is a glorious beacon of lightDishta Didin is a glorious beacon of lightDishta Didin is a glorious beacon of lightDishta Didin is a glorious beacon of lightDishta Didin is a glorious beacon of lightDishta Didin is a glorious beacon of lightDishta Didin is a glorious beacon of light
 
Posts: 3,714
Join Date: Dec 2015
19. මෝහිනී - 01-03-2020, 09:21 PM

Quote:
ගොර සපුන් ඇහැරෙන ඇඳිරියේ...
දොළ හඬන තුන්මං හන්දියේ...
කවුරු එන තුරු මඟ බලනවද...
මෝහිනී මගේ නංගියේ... මෝහිනී... ආදර නංගියේ...

උඹේ දරුවා ගන්න කවුරුත්...
නොඑන මූසල මණ්ඩියේ...
උඹට දරුවෙක් දෙන්න ඕනෑ තරම් අය ඇති නංගියේ...
උඹට දරුවෙක් දෙන්න... ඕනෑ තරම් ඇති හන්දියේ...

සුරඟනට අමතකව දරුවන්... හඬද්දී කුණු බක්කියේ...
උඹ යකින්නක් උනේ කොහොමද... කියා දීපන් නංගියේ...
උඹ යකින්නක් උනේ කොහොමද... කියා දීපන් නංගියේ...

පද රචනය : රජී වසන්ත වෙල්ගම
ගායනය : සමන් ලෙනින්
සංගීතය : දර්ශන රුවන් දිසානායක


"ගොර සපුන් ඇහැරෙන ඇඳිරියේ... දොළ හඬන තුන්මං හන්දියේ...
කවුරු එන තුරු මඟ බලනවද... මෝහිනී මගේ නංගියේ..."


භයානක විෂඝෝර සත්ත්වයන් පිබිදෙනා ඒ ඝන අන්ධකාර රාත්‍රියේ...
දොළ නඟනා විලාපයෙන් ඒ භයංකාර හැඟීම තවත් තීව්‍ර කරන තුන්මං හන්දියක...
ඇය බලා සිටී... මෝහිනී...

"ඒ භයංකාර අන්ධකාර රාත්‍රිය" නම් මේ ලෝකයයි... මායාවෙන් බොරුවෙන් පිරී ඉතිරෙන මේ ලෝකයයි...
"විෂඝෝර සත්ත්වයන්" නම් විවිධාකාර "යක්ෂ, භූත, පිසාච සිත් දරන්නා වූ මිනිසා" ම යි.
එවන් මිනිසෙක් නිසා පිය සෙනෙහස විඳිනට අහිමි වූ දරුවා ද සමඟ තනිවූ "මෝහිනී" නම් ඇය...

"දොළ හඬන" හෙවත් ලෝකයාගේ විවිධාකාර උපදෙස් මැද...
එහෙමත් නැත්නම්, ලෝකයා ඇය ගැන බොරු අනුකම්පාව පෙන්වනවා...
ඒ අනුකම්පාව හරහා අයුතු ප්‍රයෝජන ලබාගැනීමේ අරමුණින්...

විවාහය හා දරුවන් හැදීම බොහෝ අය කරන්නේ රටාවට... සමාජයෙන් එන බලපෑමට...
"මේ, බඳින්න අදහසක් හෙම නැද්ද දැම්ම?"
"දරුවෙක් මල්ලෙක් හදාගත්තොත් නරකද?"
අන් අය නිසා ජීවිතයේ තීරණ අරන් "විඳවන" බහුතරයකගෙන් පිරි සමාජයක
ජීවිතයේ සත්‍යය තේරුම් ගැනීමට කිසිවෙක්ට උවමනාවක් නැත... කාලයක් නැත...
එවන් තීරණ නිසාවෙන් තව තවත් මුලාවට ම යමින් සංකීර්ණ ජීවිතයක හිමිකරුවන් වීම ඔවුනගේ ඉරණම යි.
"මෝහිනී" නම් ඇය දරුවා "වැදුවේ" ද ලෝකයේ රටාවට, මායාවට හසුවීම නිසා...
දැන් ඇයට දරුවා "හැදීමට" ද ලෝකයාගෙන් උපදෙස්...

"දොළ හඬන" යන්න තවත් ආකාරයකට දැකිය හැකියි.
දොළ ගලන විට මතුවන හඬ අප්‍රියජනක වූවක් නෙවෙයි.
නමුත් මෙතනදී "දොළ හඬන"... ඇය දුකින්... ඇයට ඒ සුන්දර හඬත් ඇහෙන්නේ දුක් තැවරුනු හඬක් ලෙස...

"තුන්මං හන්දිය" නම් කොයි මග තෝරා ගන්නේ දැයි තීරණයක් ගත නොහැකි ඒ ගැටලුකාරී අවස්ථාවේ...
එක් අයෙක් කියනවා, තවත් විවාහයක් කරගන්නා ලෙස...
තවකෙක් කියන්නේ තනිවම දරුවා හදා වඩා ගන්නා ලෙස...
තවත් අයෙක් කියනවා දරුවා වෙනත් පවුලකට හදාගැනීමට විකුණා දමන ලෙස...
(මෝහිනී එන්නේ දරුවා දෙන්න කියලත් කතාවක් තියනවානේ...)
ඇගේ දරුවාගේ අනාගතය වෙනුවෙන් කුමක් කළ යුතුදැයි වටහා ගත නොහැකිව...
විසඳුමක් එනතෙක් ඇය බලා ඉන්නවා...

හොල්මනක් එහෙමත් නැත්නම් යක්ෂ ආත්මයක් ලෙස ලෝකයා හඳුන්වන මෝහිනී ගැන
වෙනස් විදියට දකින ඒ මනුෂ්‍යයා... ඇයට අමතන්නේ සහෝදර හැඟීමෙන්...
නුඹත් මුලාවට හසුවී අවසන් නංගියේ... දැන් නුඹ විසඳුමක් එන තුරු මඟ බලනවා...
මේ ලෝකයේ බොහෝ මිනිසුන් ද එසේමයි...!

"උඹේ දරුවා ගන්න කවුරුත්...
නොඑන මූසල මණ්ඩියේ...
උඹට දරුවෙක් දෙන්න ඕනෑ තරම් අය ඇති නංගියේ...
උඹට දරුවෙක් දෙන්න... ඕනෑ තරම් ඇති හන්දියේ..."

උඹේ දරුවා ගන්න කිසිම කෙනෙක් ඉදිරිපත් නොවුනත් උඹට දරුවෙක් දෙන්න නම් ඕනෑ තරම් අය ඇති...
වර්තමාන තරුණ පිරිස අතර තියන ජුගුප්සාජනක පුරුද්දක් තියනවා.
කාන්තා පාර්ශවය හා ඇති කරගත් හා ඇතිකරගැනීමට බලාපොරොත්තු වන සබඳතා ගැන උලුප්පා දක්වලා,
ඒ අංශයෙන් තමා ඉදිරියෙන්ම සිටින වග අන් අයට හැඟවීමට දරන උත්සාහය...
විශේෂයෙන් අයථා සබඳතා පැවතීම වීරත්වයක් ලෙස සිතන්නෝ, ලැජ්ජාව බිල්ලට දී ඒවා රසකරමින් අනෙක් පිරිසට කියන්නෝ බහුලයි.
ඇඳුමෙන් සහ රැකියාවෙන් "මහත්වරුන්" යැයි පෙන්වීමට උත්සාහ කරන්නන් අතර පවා මෙවැනි අමනුස්ස ගති මම අහලා දැකලා තියනවා.
මිනිස්සු ශිෂ්ටාචාරගත වෙලා කිව්වට බොහෝදෙනා එහෙම වෙලාද කියන තැන මහ ලොකු ප්‍රශ්නාර්ථයක්...

මනුස්සකම ගැන තැකීමක් නැති "ඒ හන්දියේ ඕනෑ තරම් අය" අතරින් නුඹේ දරුවා බාරගන්න එකෙක්වත් ඒවිද?
"මූසල මණ්ඩිය" නම් විෂඝෝර සිත් දරන බොහෝ දෙනෙකුගෙන් සමන්විත සමාජයක
නුඹේ දරුවා "ගන්න" කවුරුත් නොඒවි...
නමුත්, නුඹට දරුවෙක් "දෙන්න" මාන බලන අයගෙන් ප්‍රවේශම් වීමට බොහෝ වෙහෙස වෙන්නටත් වේවි...!

"සුරඟනට අමතකව දරුවන්... හඬද්දී කුණු බක්කියේ...
උඹ යකින්නක් උනේ කොහොමද... කියා දීපන් නංගියේ..."


හැඟීම් මත පමණක් ඇතිවන බැඳීම් නිසා දරුවෙක් පිළිසිඳගත් කළ ගබ්සා කරන ලොවක,
වැදූ දරුවා මහමඟ වීසිකර යන යුගයක,
දරුවා දරාගෙන ඉන්න උඹ යකින්නක් වෙන්නේ කොහොමද?
මිනිස්සු ම තමයි යක්ෂ, ප්‍රේත, භූත, පිසාච, කුම්භාණ්ඩ වැඩ කරන්නේ...

දරුවෙක් හදන්න වඩන්න බැරි නම්, දරුවෙක් ඇති නොවන තැනට කටයුතු කරන්නේ නැතිව,
හැඟීමට මුල් තැන දීම නිසා දරුවෙක් ඇති වුනාම මරා දැමීමට පෙළඹෙන සිටු කුමරියන්,
නෝනාවරුන්, මහත්වරුන් ඒ මිනීමැරීම සාධාරණීකරණය කරගන්න කියනවා,
අහවල් කාලය වෙනකම් "ජීවයක්" නෙවෙයිලු...!
අපේ සමහරක් බිත්තර කන එක සාධාරණීකරනය කරගන්න ගේන්නෙත් ඔය තර්කය මයි!

"මම නිර්මාංශයි. බිත්තර නම් කනවා. බිත්තර ජීවයක් නෙවෙයිනේ..."
පව් නෑ... ඔව්! ඒ ගැන අරයත් කිව්වා... මෙයත් කිව්වා... ඉතින් බොරු වෙන්නේ කොහොමද? හ්ම්...!"


උඹ යකින්නක් උනේ කොහොමද... කියා දීපන් නංගියේ...
Reply With Quote
(#66)
Old
Dishta Didin's Avatar
Dishta Didin Dishta Didin is offline
Senior Member
Dishta Didin is a glorious beacon of lightDishta Didin is a glorious beacon of lightDishta Didin is a glorious beacon of lightDishta Didin is a glorious beacon of lightDishta Didin is a glorious beacon of lightDishta Didin is a glorious beacon of lightDishta Didin is a glorious beacon of lightDishta Didin is a glorious beacon of lightDishta Didin is a glorious beacon of lightDishta Didin is a glorious beacon of lightDishta Didin is a glorious beacon of light
 
Posts: 3,714
Join Date: Dec 2015
19. මෝහිනී_2 - 01-03-2020, 09:40 PM

මෝහිනී ගැන අතුරු කතාවක්...

ඉස්සර දවසක මම පුංචි කාලේ අපේ ආච්චි අම්මගේ ගෙදර පවුලේ කට්ටියම එකතු වුනා
මොකක් හෝ විශේෂ අවස්ථාවකට... (මතක නෑ මොකටද කියලා)
අපිත් එහේ නැවතිලා... රෑ පවුලේ පොඩි අය එකතු වෙලා එක එක ඒවා කතාවෙනවා.
ඔතනට ආවා උදව්වට ඇවිත් හිටිය ගමේ අයියා කෙනෙක්...
එයා කිව්වා මෝහිනී ගැන... එයා මුහුණ දුන්න අත්දැකීමක්...

"මං එදා රෑ වෙලා තනියම එනකොට එකපාරටම ඈතින් සුදු දුමක් වගේ දැක්කා.
මං එච්චර ගණන් ගත්තේ නෑ. තව ටිකක් ඉස්සරහට යනකොට සද්දයක් ඇහිලා පිටිපස්ස හැරිලා බැලුවා. මුකුත් නෑ.
ආයේ ඉස්සරහා හැරෙන කොටම මෙන්න ළමයෙක් වඩාගෙන මට ටිකක් ඉස්සරහින් ගෑනු කෙනෙක් ඉන්නවා...
අර සුදු දුම ආව හරියේ... සුදුවට ඇඳගෙන...
එයා දැක්කා විතරයි, මට මුකුත් ම කරන්න බෑ. මාව මට පාලනය කරන්න බෑ.
මම මටත් නොදැනීම අත් දෙක හිමින් ඉස්සරහට දික් කරනවා.
ඔන්න එතකොට අර ගෑනු කෙනා අර ළමයා මගේ අතින් තියනවා.
ඊට පස්සේ මට මුකුත් මතක නෑ. උදේ පාරේ වැටිලා යන කෙනෙක් දැකලා නැගිට්ටෙව්වා.
ඒත් මගේ අත්දෙක මුකුත් කරන්න බෑ. දිගහරින්න අකුලන්න මුකුත් බෑ. අර දරුවා ගන්න දික්වුන විදියටම තියනවා.
පස්සේ ... මාමා (ගුරුන්නාන්සේ කෙනෙක් වෙන්න ඕනේ) තමයි බේරගත්තේ.
මාසයක් විතර අතේ මතුරපු තෙල් ගාන්න වුනා."


එදා රෑ මේ කතාව අහලා,
ඒ වෙනකම් කෑගගහා දඟල දඟලා හිටිය මම ඇතුළුව පොඩි උන් "මීක්" සද්දයක්වත් නෑ.
නින්දට යනකම්ම කට්ටිය බීරාන්ත වෙලා එකටම හිටියේ...
එදා තමයි හොල්මන කතාවක් නිසා වැඩිපුරම බය වුන දවස විදියට මතක...

මෝහිනී ගැන ගොතලා කිව්ව කතාව නිසා පොඩි උන් ටික හොඳටම බයවුනා කියලා
මහ හයියෙන් හිනාවෙවී පහුවදා උදේ ගෙදර ලොකු කෙනෙක්ට කියනවා
අපේ පොඩි උන් කණ්ඩායමේ සාමාජිකයෙක්ට ඇහිලා තිබුනා.

Last edited by Dishta Didin; 01-03-2020 at 09:41 PM.
Reply With Quote
(#67)
Old
Dishta Didin's Avatar
Dishta Didin Dishta Didin is offline
Senior Member
Dishta Didin is a glorious beacon of lightDishta Didin is a glorious beacon of lightDishta Didin is a glorious beacon of lightDishta Didin is a glorious beacon of lightDishta Didin is a glorious beacon of lightDishta Didin is a glorious beacon of lightDishta Didin is a glorious beacon of lightDishta Didin is a glorious beacon of lightDishta Didin is a glorious beacon of lightDishta Didin is a glorious beacon of lightDishta Didin is a glorious beacon of light
 
Posts: 3,714
Join Date: Dec 2015
20. කුරුල්ලෝ නුඹේ තාලෙන්... - 01-10-2020, 07:55 PM

Quote:
කුරුල්ලෝ නුඹේ තාලෙන්... පියාඹන්න ආසයි...
පියාපත් කොහේ කොතැනින්...
කොයින්දෝ ගෙනෙන්නේ...

නෙළුම් මල් නෙළාලා... ගෙලේ මං පළන්දා...
කින්නරාවි රූපෙන්... පියාඹන්න එන්නම්...
හීන් බණ්ඩි ගොයමේ... ගිරා නිල් රටාවේ...
අපිත් යං කුරුල්ලෝ....

ඉහල ගං දිහාවේ... ඇඹුල් පේර මාදං...
පොකුරු බර වෙලා දැන්... බලන් ඉන්නවාලු...
සින්දු ගීත වන්නම්... ඔහේ කිය කියා යං...

ගායනය : මායා දමයන්ති
සංගීතය : අර්නස්ට් සොයිසා
ගී පද : අජන්තා රණසිංහ
චිත්‍රපටය : අරලිය මල්
"අරලිය මල්" චිත්‍රපටය වෙනුවෙන් ගැයෙන මේ ගීතය පහත සබැඳියෙන් රසවිඳින්න පුළුවන්.
Code:
https://www.youtube.com/watch?v=ixrwdExifZg
මායා දමයන්ති මහත්මිය ම මේ ගීතය පද කිහිපයක් වෙනස් විදියටත් පසුව ගායනා කරලා තියනවා.
ඒ ගී පද පහතින්...

Quote:
කුරුල්ලෝ නුඹේ තාලෙන්... පියාඹන්න ආසයි...
පියාපත් කොහේ කොතැනින්...
කොයින්දෝ ගෙනෙන්නේ...
කියාපන් කුරුල්ලෝ...

නෙළුම් මල් නෙළාලා... ගෙලේ මං පළන්දා...
කින්නරාවි රූපෙන්... බලන් ඉන්නවා දැන්...
හීන් බණ්ඩි ගොයමේ... ගිරා නිල් රටාවේ...

ඉහල ගං දිහාවේ... ඇඹුල් පේර මාදං...
පොකුරු බර වෙලා දැන්... බලන් ඉන්නවාලු...
සින්දු ගීත වන්නම්... ඔහේ කිය කියා යං...
මේ ගී පදවල "කියාපන් කුරුල්ලෝ..." යනුවෙන් නව පදයක් එකතු වී ඇති අයුරුත්,
"පියාඹන්න එන්නම්..." පදය ඉවත් වී ඒ වෙනුවට "බලන් ඉන්නවා දැන්..." පදය එකතු වී ඇති අයුරුත්,
"අපිත් යං කුරුල්ලෝ...." පදය අතහැර ඇති අයුරුත් දැකගන්න පුළුවන්...
මේ දෙවනුව ඉදිරිපත් කළ ගී පද මායා දමයන්ති මහත්මියගේ දියණිය කුෂානි සඳරේඛා විසිනුත් ගායනා කරනවා.

මට දැනෙන, වඩාත්ම රසවිඳිය හැකි ගීතය වෙන්නේ මුලින් ම ඉදිරිපත් කළ "අරලියා මල්" චිත්‍රපටය වෙනුවෙන් මායා දමයන්ති මහත්මිය විසින් ගැයෙන ගීතය...
විශේෂයෙන් හිතට පීඩාවක් දැනෙන වෙලාවට මේ ගීතයට සවන් දුන්නම සහනශීලී හැඟීමක් දැනෙනවා...
සියල්ලෙන් මිදුනු නිදහසක්...

ඒ "නිදහස" හැඟීම වෙනුවෙන් සවන්දෙන ගීතයක් නිසා
මේ ගීතය අර්ථය අතින් ගොඩක් ගැඹුරට දකින්න මගේ කැමැත්තක් නෑ.
ඒත් පළමු කොටස මේ විදියටත් හිතන්න පුළුවන්...
"කුරුල්ලා" නම් නිදහස් වූ තැනැත්තා...
"පියාඹන්න ආසයි" හෙවත් මටත් නුඹ විඳින නිදහස විඳින්න අවැසියි...
"පියාපත්" හෙවත් නිදහස ලැබීමේ මග...

කුරුල්ලෝ නුඹේ තාලෙන්... නිදහස...


Last edited by Dishta Didin; 01-10-2020 at 07:56 PM.
Reply With Quote
(#68)
Old
Dishta Didin's Avatar
Dishta Didin Dishta Didin is offline
Senior Member
Dishta Didin is a glorious beacon of lightDishta Didin is a glorious beacon of lightDishta Didin is a glorious beacon of lightDishta Didin is a glorious beacon of lightDishta Didin is a glorious beacon of lightDishta Didin is a glorious beacon of lightDishta Didin is a glorious beacon of lightDishta Didin is a glorious beacon of lightDishta Didin is a glorious beacon of lightDishta Didin is a glorious beacon of lightDishta Didin is a glorious beacon of light
 
Posts: 3,714
Join Date: Dec 2015
21. ලක් හෑල්ල - 01-16-2020, 08:59 PM

Quote:
බරු ගගහා ඇදලා කාපියව්...
කිරි පොවාපු බිබික්කං...
කීතු කීතු කරලා අඹරපියව්...
ගලේ දාල කුරක්කං...
මළමිනියකට දැනෙන් නෑ...
හුස්ම ගියේ හොයලම මිනිස්කම්...

තොපි ගිනි තිබ්බට වැඩක් නෑ...
ඒකි හැඳිගෑවිලා හුඟක් කල්...

දැකලා නැද්ද පාට පාට...
ඇස් තෙමෙන්නෙ එකම පාට... කඳුලින් පිරිලා...
ඇහිලා නැද්ද පාට පාට...
හිත් ගැහෙන්නේ එකම සද්දෙට අඬලා...
දැනිල නැද්ද උඹලා ඔක්කොම...
එකම අම්මාගේ කියලා...

රිදුනේ නැද්ද කෑලි කෑලි... කෑලි වෙද්දි...
ඒකිගේ පපුව පැලිලා...

හිතේ ඉන්න අමනුස්සයා... මරලා...
ප්‍රේමයෙන් සිදුර වහන්න...
මළකුණු විකුණන් කන... මිනී මෝරුන්ට...
එපා හුස්මක ඉඩ තියන්න...

ගැස්මක් නැතුව හුස්මක් ගන්න දඟලන...
දරුවන්ටත් ඇහෙන්න... සීරුවෙන් හිටගෙන...
මහ හයියෙන් ජාතික ගීය කියන්න...
සීරුවෙන් හිටගෙන මහ හයියෙන්...
ජාතික ගීය කියන්න...

පද රචනය : බේබදු කුමාර
ගායනය : දිල්ශාන් උමයංග
සංගීතය : දිල්ශාන් උමයංග
මේ ගීතය අහන්න ලැබුනේ බොහොම මෑතකදී. මේ ත්‍රෙඩ් එක ආරම්භ කළාටත් පසුව.
කිහිපවරක් ඇහුවම තේරුනා ප්‍රියතම ගීත ලැයිස්තුවට එක් විය යුතු ගීතයක් බව...

පහත සබැඳියෙන් රසවිඳින්න පුළුවන්...
Code:
https://www.youtube.com/watch?v=U9xD8JNS0mg
ගීතයේ පද රචක විදියට සඳහන් වෙන්නේ "බේබදු කුමාර"
ඔහුගේ සැබෑ නම නොදන්නා නිසා මෙහි ඒ නමින්ම සඳහන් කළේ.
"බේබදු කුමාර" facebook හි පළකල post සහිත thread කිහිපයක්ම එළකිරියෙත් තිබුනා.
ඔහුගේ අදහස් වල වෙනස්ම ආකාරයේ නිර්මාණාත්මක බවක් දකින්න පුළුවන්...

බරු ගගහා ඇදලා කාපියව්...
කිරි පොවාපු බිබික්කං...
කීතු කීතු කරලා අඹරපියව්...
ගලේ දාල කුරක්කං...


මේ කොටසින් අදහස් කරන්නේ අතීතයේ විශිෂ්ටයන්, බුද්ධිමතුන්, වීරයන් තැනූ හෙළ ආහාර රටාවේ විශිෂ්ටත්වය ද,
නැත්නම් වෙනත් දෙයක් ද කියන එක මට පැහැදිලි නෑ.

මළමිනියකට දැනෙන් නෑ...
හුස්ම ගියේ හොයලම මිනිස්කම්...


මළ මිනියකට මනුෂ්‍යත්වයේ අගය දැනෙන්නේ නෑ...
මිනිස්කම් "මැරුණු" පිරිසක් මැද ජීවත් වෙමින්, මිනිස්කම් හොයලම මට දැන් හොඳ හැටි වෙහෙසයි...

තොපි ගිනි තිබ්බට වැඩක් නෑ...
ඒකි හැඳිගෑවිලා හුඟක් කල්...


මෙතෙක් "උන්" කළ කී දෑ නිසා "ගිනි ගෙන" විනාශයට පත්වී ඇති මේ රට
තවත් ගිනි තිබන්නට "තවත් උන්" උත්සාහ කරමින්...
මේ මොහොතේ පටන්වත් ඒ "ගිනි තැබීම" නවතා දැමිය යුතු නොවේද...

දැකලා නැද්ද පාට පාට...
ඇස් තෙමෙන්නෙ එකම පාට... කඳුලින් පිරිලා...
ඇහිලා නැද්ද පාට පාට...
හිත් ගැහෙන්නේ එකම සද්දෙට අඬලා...
දැනිල නැද්ද උඹලා ඔක්කොම...
එකම අම්මාගේ කියලා...

රිදුනේ නැද්ද කෑලි කෑලි... කෑලි වෙද්දි...
ඒකිගේ පපුව පැලිලා...


ශරීර වර්ණයෙන්, දේශපාලන පක්ෂයේ වර්ණයෙන්, විවිධාකාර අදහස් කරපින්නාගෙන
පාට පාට හිත් දරන... බෙදී වෙන්වී සිටින...
මේ හැමෝගෙම ඇස් තෙමෙන්නේ එකම පාට කඳුලින්...
ඒ පාට පාට හැමෝගෙම හිත් ගැහෙන්නේ එකම සද්දෙන්...
ඉතින් උඹලාට දැනිලා නැද්ද මිනිස්සු හැමෝම එකයි කියලා...
ඒ ආකාරයෙන් මිනිසා බෙදා වෙන්කරන "පාට පාට" හෙවත් සීමාවන්, බෙදීම් සියල්ල නිර්මාණය වුනේ මිනිසාගේම හිතේ...
ඒවා සැබෑවටම පවතින දේවල් නෙවෙයි... මිනිසාගේ අබෞද්ධ හෙවත් බුද්ධිමත් නොවන හිතේ ගොඩනැඟුනා වූ ප්‍රබන්ධයන්...
උඹලා ඔක්කොම "එකම අම්මාගේ" හෙවත් එකම පද්ධතියක්...
උඹලාට බෙදිලා වෙන්වෙන්න බෑ...
එහෙම වෙනවා නම් උඹලා විසින්ම ගොඩනඟාගත් ප්‍රබන්ධයක් තුළ උඹලා පැවතෙන්නේ...
ඒ මායාවක්... බොරුවක්... සත්‍ය නොදැක යන ගමනක්...

මේ ලක් මව්ගේ පපුව පැලිලා කෑලි කෑලි වෙද්දී... බෙදිලා වෙන්වෙද්දී...
රට වනසන උඹලාගේ හිත් වලට යන්තම්වත් දුකක් දැනුනේ නැද්ද...

හිතේ ඉන්න අමනුස්සයා... මරලා...
ප්‍රේමයෙන් සිදුර වහන්න...
මළකුණු විකුණන් කන... මිනී මෝරුන්ට...
එපා හුස්මක ඉඩ තියන්න...


හිතේ ඉන්න අමනුස්සයා මරා දැමීම කළ නොහැක්කක් නොවේ...
තිරිසන් සත්ත්වයෙකුගේ ඇසින් නොව මනුෂ්‍ය ඇසකින් ලෝකය දැකීමට හුරු වූ කළ,
මනුෂ්‍ය මනසකින් ලෝකය ගැන සිතන්නට හුරු වූ කළ, ඒ අමනුස්සයා මරා දැමීම කළ නොහැකි නොවේ...
වෛරය වපුරනා ඒ අමනුස්සයා හුස්ම ගන්නා මාර්ග වසා දැමීමට කළ යුත්තේ මෛත්‍රිය පැතිරවීමයි...

මළකුණු හෙවත් හරයකින් තොර දේ ලොවට බෙදා හරිනා,
ඒ තුළින් බුද්ධියෙන් තොර මිනිසුන් පිරිසක් ගොඩනැංවීමට වෙර දරනා,
ඒ හරහා තම පැවැත්ම තහවුරු කරගන්නා,
ඒ "මිනී මෝරුන්" බඳු දූෂිත සිතිවිලි දරන මිනිසුන්ගේ
ඒ දූෂිත සිතිවිලි වල පැවැත්මට තවදුරටත් හුස්ම ගැනීමට ඉඩ දිය යුතු නොවේ...

ගැස්මක් නැතුව හුස්මක් ගන්න දඟලන...
දරුවන්ටත් ඇහෙන්න... සීරුවෙන් හිටගෙන...
මහ හයියෙන් ජාතික ගීය කියන්න...
සීරුවෙන් හිටගෙන මහ හයියෙන්...
ජාතික ගීය කියන්න...


ජාතික ගීය යනු "රටක නිදහස" ගීයකින් දැක්වීමයි...
ලෝකයටම ඇසෙන්න... සියල්ලන්ටම ඇසෙන්න... මව් කුස තුළ සිටිනා දරුවන්ට පවා ඇසෙන්න...
නිසි ගෞරවය දක්වමින්... සීරුවෙන් හිටගෙන...
ඒ නිදහසේ ගීතය ගායනා කරන්න...!

Last edited by Dishta Didin; 01-16-2020 at 09:04 PM.
Reply With Quote
(#69)
Old
HemJ's Avatar
HemJ HemJ is offline
Senior Member
HemJ is just really niceHemJ is just really niceHemJ is just really niceHemJ is just really niceHemJ is just really niceHemJ is just really niceHemJ is just really niceHemJ is just really niceHemJ is just really niceHemJ is just really nice
 
Posts: 1,705
Join Date: Nov 2017
Location: migomu
Send a message via Skype™ to HemJ
01-16-2020, 09:16 PM

wow patta ban... kunuharpama katha karana thread asse me wage ekak dekima sathutak
Reply With Quote
(#70)
Old
Dishta Didin's Avatar
Dishta Didin Dishta Didin is offline
Senior Member
Dishta Didin is a glorious beacon of lightDishta Didin is a glorious beacon of lightDishta Didin is a glorious beacon of lightDishta Didin is a glorious beacon of lightDishta Didin is a glorious beacon of lightDishta Didin is a glorious beacon of lightDishta Didin is a glorious beacon of lightDishta Didin is a glorious beacon of lightDishta Didin is a glorious beacon of lightDishta Didin is a glorious beacon of lightDishta Didin is a glorious beacon of light
 
Posts: 3,714
Join Date: Dec 2015
01-16-2020, 09:18 PM

Quote:
Originally Posted by HemJ View Post
wow patta ban... kunuharpama katha karana thread asse me wage ekak dekima sathutak
ස්තුතියි...!
Reply With Quote
Reply

Bookmarks

Tags
life, sinhala songs, songs

Thread Tools

Posting Rules
You may not post new threads
You may not post replies
You may not post attachments
You may not edit your posts

BB code is On
Smilies are On
[IMG] code is On
HTML code is Off

Forum Jump



Copyright © 2006 - 2011 ElaKiri™ Beta2.Evo vBulletin, vBa iBproArcade Subdreamer I-Magic MKv

Page generated in 0.10407 seconds with 11 queries