Rail Hike from Ohiya to Idalgashinna

Mr PERERA · 11:50 PM

ලංකාවේ දුම්රිය මාර්ග පද්ධතියේ වැඩිම බිංගෙවල් සංඛ්‍යාවක් පිහිටා තිබෙන දුම්රිය ස්ථාන දෙක තමයි ඔහිය දුම්රිය ස්ථානය හා ඉදල්ගස්හින්න දුම්රිය ස්ථානය. ගොඩාක් කාලෙක ඉඳලා මගේ හිතේ තුබුන ආසාවක් තමයි මේ බිංගෙවල් 14 පිහිටා තියෙන දුම්රිය ස්ථාන දෙක අතර Rail Hike එකක් කරන්න. මේ වටපිටාව ඇත්තටම ඉතාමත් ලස්සනයි. කොහොම හරි Traveler Team එකත් එක්ක පසුගිය දවසේ අපි ගිය ගම්පොල සංචාරයේදී අපිට හැකි උනා මේ ගමන යන්නට. දුෂ්කර වගේම තරමක් බියජනක ගමනක් උනත් ඇත්තටම පොඩ්ඩක්වත් මහන්සි දැනෙන ගමනක් නම් නෙමෙයි. ඒ තරමටම වටපිටාව ලස්සනයි. සෞම්‍ය දේශගුණය නිසා විඩාවක් දැනෙන්නේම නැති තරම්.
එහෙනම් මුල ඉඳලාම පටන් ගමු.

අපි ගමන ආරම්භ කලේ කොටුව දුම්රිය ස්ථානයෙන්. බදුල්ල රාත්‍රී තැපැල් දුම්රියේ තමයි අපි ගමන් කරන්නට තීරනය කරලා තිබුනේ. මමත් චාමිකත් කොටුවෙන් ප්‍රවේශපත්‍ර රැගෙන සිටියා. දිලුමත්, ජේ.කේ. ත් මරදානෙන් කොටුවට පිටත්වෙන දුරියට කලින්ම නැගලා අසුන් වෙන්කරගෙන හිටියා. ඔහියට තුන්වන පන්තියේ ප්‍රවේශපත්‍රයක මිල රුපියල් 144යි.

අපි කොටුව දුරියපොලේ ඉන්න අතරේ 7:30 වවුනියාව බලා පිටත්වෙන Meenagaya (මීනගයා කියන දෙමළ වචනේ සිංහල තේරුම සින්දු කියන මාළුවා කියන එක) ලහි ලහියේ දිගු ගමනකට ලෑස්ති වෙනවා.

මේ M2-629 ඇන්ජින් එක තමයි ඒ ගමන යන්න සූදානම් වෙන්නේ.

මේ තියෙන්නේ මීනගයා දුම්රිය. (ඇතුලෙන් පේන්නේ පළමු පන්තියේ නිදන මැදිරි)

කොහොම හරි අපි රාත්‍රී 8 වෙනකොට කොටුවෙන් පිටත් උනා. දුම්රියේ වෙච්ච රසබර සිදුවීම් ගොඩාක් තියෙනවා. දැනටමත් එකක් ඔයාල දැකලා ඇති.ඒවා ඉදිරි කාලයේ දී දැක බලා ගන්නට පුළුවන්.

තුන්වන පන්තියේ මැදිරිවල විදුලි පහන් හා විදුලි පංකා.

ඔන්න ඉතින් අපි ඔහියෙන් බැස්සා. බහිනකොට වෙලාව පාන්දර 4:30ට විතර ඇති.

අපි ආපු කෝච්චිය බදුල්ලට යනවා.

අපි ලඟ තිබුන කඩෙන් රොටියක් කාලා තේ එකක් එහෙම බීලා ඉස්ටේසමට ආවා. යාන්තම් එලිය වැටීගෙන එනවා. තද සීතලක් තිබුනා. ඉස්ටේසම අවට ගොඩාක් ලස්සනයි. ඉස්ටේසමේ කාර්යමන්ඩලයත් ඉස්ටේසම ගොඩාක් පිරිසිදුවට ලස්සනට තියාගෙන ඉන්නවා.

දුම්රිය කාලසටහන.

ප්‍රවේශපත්‍ර කවුළුව.

දුම්රියපොල අවට වටපිටාව.

ඩක්කුවලට මම හරි ආසයි.

වැලි,ගල් ප්‍රවාහනයට ගන්න කුඩා ප්‍රමානයේ ඩක්කුවක්.

ඔහිය මාර්ග පරීක්ෂක කාර්යාලය.

අපේ චාමික ඉදිරියටම ගමනේ.

පැරණි සිග්නල් කණු. තවමත් තිතට වැඩ.

ඔහිය දුම්රිය පලේ Shunt Limit එක.

දුම්රිය මාර්ගය. දුම්රිය කීයක් නම් ධාවනය වෙලා ඇතිද?

අවට වටපිටාව ගොඩාක් ලස්සනයි.

අපි ලං වෙන්නේ පළවෙනි බිංගෙය වෙතට.

ඔහියත් ඉදල්ගස්හින්නත් අතර දුර කි.මී. 09යි. ඒ දුර අතර බිං ගෙවල් 14ක් පිහිටලා තියෙනවා. ඒ සෑම බිංගෙයකටම අංකයක් තියෙනවා. පටන් ගන්නේ 22න්. මේ අපි ලඟා වෙන්නේ නොම්මර 22 කියන බිංගෙය වෙතටයි. ඔය ගහලා තියෙන පුවරුවෙන් කියවෙන්නේ බිං ගෙයි අංකය. ඊට උඩින් තියෙන අකුරු වලින් M යන්නෙන් සැතපුම් (Miles) හා C යන්නෙන් දම්වැල් (Chains) යන්නත් තමයි දැක්වෙන්නේ. උඩ සංඛ්‍යාවෙන් කියවෙන්නේ බිංගෙය පටන් ගන්න තැනට දුම්රිය මාර්ගයේ කොළඹ සිට දුරයි. (0 පටන් ගැනෙන ස්ථානයේ සිට) යට ඇති සංඛ්‍යාවෙන් බිංගෙය නිමවන ස්ථානයට දුම්රිය මාර්ගයේ කොළඹ සිට දුර පෙන්වා තියෙනවා.

I Love This.

මාත් එක්ක මේ ගමන ආපු අපේ ටීම් එකට ගොඩාක් ස්තුතියි.

බිං ගෙයක් ඇතුලට යනවා කියන්නේ ටිකක් විතර භයානක වැඩක්. දුම්රියක් බිංගෙය හරහා එන්නට පුළුවන්. ඒ නිසා දුම්රිය ගමන් වෙලාවන් පිළිබඳ මනා අවබෝධයකින් කටයුතු කල යුතු වෙනවා. ඒ වගේම බිං ගෙවල් තුල එවැනි හදිසි අවස්ථාවල නැවතී සිටීමට කුඩා කුහර ඉදි කර තිබෙනවා. ඒ නිසා එවැනි අවස්ථාවක් උදා උනොත් කලබල නොවී කටයුතු කිරීම තමයි වැදගත්. අනිවාර්යෙන්ම ටෝච් කීපයක් රැගෙන යා යුතු වෙනවා.

ඊගාව එක ඉදිරියෙන්.

කට්ට කළුවරයි.

වටපිටාව නම් අපූරුයි.

නොම්මර 24 ඉදිරියෙන්.

වටපිටාවේ ලස්සන බලන්න ටිකක් නැවතුනා.

සංචාරකයන් ඉදිරියටම.

අපිට හම්බවෙච්ච පළවෙනි පාලම.

ඒ අසලම කුඩා දිය ඇල්ලක්.

25 ඊගාවට.

ඒ බිංගෙය පහු උනා විතරයි තව පාළමක්.

නොම්මර 26ට ඇතුල් වෙන්නයි හදන්නේ. පොඩි බිං ගෙයක්.

ඒක ඉවර වෙච්ච ගමන්ම 27ත් තියෙනවා.

ඉදිරියෙන් පේන්නේ 28 වෙනි එක.

29 වෙනි එක ඉදිරියෙන්.

30 වෙනි එක.

අපේ සැට් එක.

31 වෙනි බිං ගෙය.

ඇතුලේ වවුල්ලු හා වවුල් වසුරු පිරිලා.

අවට සුන්දරත්වය.

නොම්මර 32.

ඉදිරියටම ඇදෙන අපි.

නොම්මර 33

තවත් පාලමක්.

නොම්මර 34.

Mr PERERA · 05-31-2011, 11:17 AM

34 ඉවර වෙනකොටම 35 ඉදිරියෙන්.

ඒතනින් බිං ගෙවල් 14ම අවසාන වෙනවා. අපේ දැන් උත්සහය 8:10ට ඉදල්ගස්හින්නෙන් පිටත් වෙන දුම්රිය අල්ලාගැනීම. අපි පය ඉක්මන් කරලා දුම්රියපොල වෙත පිය මැන්නා.

වට පිටාව ඉර නැගගෙන එන වෙලාවේ ගොඩාක් ලස්සනයි.

ඈතින් පේන්නේ උඩවේරිය ස්ටේට් එක.

අපේ රටේ ප්‍රධානම අපනයන බෝගය. තේ..
උඩවේරිය තේ වත්ත තමයි මේ.

දුම්රිය පොලවෙත ඉක්මන් ගමනින්.

අපි ඉදල්ගස්හින්නට එනකොට දුම්රිය පිටත් වෙන්න සයිරන් නලාවත් ගහලා ඉවරයි. කොහොම හරි අදින කෝච්චියට ටිකටුත් නොගෙන අපි ගොඩ උනා. අපිට මගදී හම්බ වෙලා අපිත් එක්ක ඉස්ටේසම වෙනකන් ආපු පොඩි මල්ලිව ආදරෙන් අපි හැමෝම මතක් කරන්න ඕන. අපිට ගොඩාක් සහයෝගය දුන්නා ඒ මල්ලියා. දුම්රිය පිටත් වෙච්ච නිසා ඉදල්ගස්හින්න දුම්රියපොල හා ඒ අවට පින්තූර ගැනීමට හැකි උනේ නෑ.

ඔහියට ඇදෙන දුම්රිය.

ඔහිය දුම්රියපොලෙන් අපි ගම්පොලට ටිකට් ගත්තා.

ටිකට් අරගෙන අපි නැවත කෝච්චියට ගොඩ උනා.

ගම්පොල බලා ගමනේ.

තුන්වන පන්තියේ විදුලි පහන්.

පට්ටිපොලට ලඟා වෙනවා.

පට්ටිපොල.

මේ අතරේ චාමික ඉස්සෝ වඩේ කනවා.

පට්ටිපොලින් පිටත් වෙලා...

කෝච්චි පෙරේරා මහතා.

අඹේවෙල.

අඹේවෙලින් පිටත් වෙන්න අවසර.

පාලමක් මතින්.

පසු උන පාලම.

දුම්රියේ පසුපසින් තිරිංග යොදන ආකාරය.

අපේ ටීම් එක.

ජේ.කේ.

දිලුමා

චාමියා.

බන්ඩා

Love You All Guys!

Mr PERERA · 05-31-2011, 11:17 AM

නානුඔයට ලඟාවෙන දුම්රිය.

මේ තියෙන්නේ නානුඔය turn table එක.

උඩරට ට්‍රැක් එකේ වැඩකාරයා. M6 - 788 නානුඔයට ඇවිදිල්ලා.

අපේ දුම්රියේ නැරඹුම් මැදිරිය.

නැවතත් ගමනේ.

ග්‍රේට්වෙස්ටර්න් වෙත.

තලවාකැලේ.

ඉදිරියෙන් W3 එකක්.

දුම්රිය සේවයේ කෞතුක වස්තූන්. ආදරය කරමු. රැකගමු.

එදා සහ අද.

නැවත ගමනේ.

සිග්නල් දෙනකන් පොඩ්ඩක් නැවතුනා.

ඔන්න 794 එක එනෝ.....

අපේ ගමනේ අවසානය ගම්පොල දුම්රිය ස්ථානය.

ඔන්න ඔහොමයි අපේ ගමන අවසාන උනේ. ඇත්තටම ජීවිත කාලයටම අමතක නොවන විදියේ අත්දැකීමක්. ලස්සන සංචාරයක්. මේ ගමනට සහයෝගය දක්වපු හැමෝටම ගොඩාක් ස්තුතිවන්ත වෙනවා. පුළුවන් උපරිමෙන් ඔයාලා වෙත තොරතුරු ගෙන එන්නට මම උත්සහ කලා. එය සාර්ථකයි කියලා හිතෙනවා. කැමතියි අදහස් දැනගන්න.