මේ කථාවෙ තවත් පැත්තක් තියෙනව ... කාටත් අමතක වෙලා වගේ;
දැනට පවතින website පවත්වාගෙන යන්නේ බොහොමයක් ගිහියො.. ඔවුන් ඒ සයිට් වල කියන, පල කරන දේ බොරු කියල නෙවෙයි මේ කියන්නෙ..
නමුත් අපිට සසරේ යන මේ ගමනෙදි, නියම මාර්ගය, අරි අශ්ඨ මග කියල දෙන්නෙ අපේ මහා සංඝ රත්නය.
උන්වහන්සේලා අතින් ලියවෙන සයිට් කීයක් අන්තර්ජාලයේ තියෙනවද ? උන්වහන්සේලාගේ දේශනාවල්, ගිහියන් අතින් පාලනය වන සයිට් වල තියෙනව.. නමුත්
දහම් ගැටළුවක් පැන නැගි කළ, අපිට පිහිට පතන්නට, ආර්ය මහා බුද්ධ පුත්රයන් වහන්සේලා අතින් ලියවෙන, උන්වහන්සේලාගේ අදහස් කෙළින්ම කියන්නට පුළුවන් සයිට් තිබේද ?
අපි හැකි පමණ අපේ ස්වාමීන් වහන්සේලා එක්ක, උන්වහන්සේලාගේ අවවාද අනුශාශනා එක්ක මේ ගමන යන්න ඕනි. ඒත් කෝ එහෙම සයිට් ?
wordpress, blogspot වල සයිට් setupකරන එක මහදෙයක් නෙවෙයි, UNICODE ටයිප් කරන එක මහ දෙයක් නෙවෙයි.... නැණසළ බොහොමයක් ගම් වල තියෙනව.. පිරිවෙන් වල අන්තර්ජාල පහසුකම් තියෙනව.. ඇයි අපේ උතුමන් වහන්සේලාට මේ ක්රම හඳුන්වා නොදෙන්නෙ ?..
අපේ ජීවිතවලට අත්වැලක් වෙන අපේ මහා සංඝරත්නය ඉස්සර පුස්කොල පොත් ලිව්වා.. ඊට පස්සෙ පොත් ලිව්වා.. රෙරුකානෙ හාමුදුරුවො මතක් වෙනව.. අපි කීදෙනෙක් ඒ පොත් වලින් ජීවිතය හරි මඟට ගන්න ඇතිද ?
පුස්කොළ පොත, මුද්රිත පොත පසුකරන් ආපු ගමන කොහේ හෝ නතර වෙලා නේද ?? ලෝකය අළුත් ක්රම හොයාගෙන.. නමුත් අපේ ධර්මය අපිට කියාදෙන මහ තෙරුන් වහන්සේලාට ඒ අළුත් ක්රම ලබා නොදෙන්නෙ ඇයි ?..
Ebook readers, Kindle, iPad තියෙන මේ කාලෙ, පිවිතුරු බුදු දහම, මුද්රිත පොතේ හිර කරන ඉඩ දීල, අපෙ සංඝ රත්නයට අන්තර්ජාලයෙ දොර වහන්නට ඉඩ දීල බලන් ඉමුද ?
පන්සල් වලට සම්බඳ වෙලා වැඩ කරන සහෝදරවරු මේ එලකිරියෙ ඕන තරම් ඉන්නව... පියවරක් ගමු නේද ?.. පටන් ගමුද ?
පිරිවෙනින් පිරිවෙනට ගිහින් අපි සිංහලෙන් වෙබ් අවකාශයට වැඩම කරන්න අපේ හාමුදුරුවනේ කියල ආරාධනා කරමුද ?...
