මෝඩ-දුමිය-මං...ජනහිතගේ-විරිදු-සුරල්...

ආයුබෝවන්ඩ ජනහිතගේ විරිදු සුරල්

සුපින්වතුනි, විලේසුදා තෙල්බාලා, ගුස්තියා, කලුවා, බිල්ලා, ජුම්පිටියේ අමරේ, සාරවා සුනිල්...හෙට අනිද්දට කියයි ඒ ගොල්ලන්ටත් කීසීම දෙයක් මතක නෑ කියලා....



මතක තියනවා කියලා නාගන්නද මං
හිරේ ලැගලා හිරබත් ගිල ගිල ඉන්නද මං
පෝරකයට බලෙන් නැගල එල්ලෙන්ද මං
එහෙම කළොත් රට්ටු කියයි මෝඩ දුමිය මං...//

මුල්ලේරියා ගියා කියලා මතකයිනේ බං
හිඹුටානෙදි ගැංසිය චුට්ටක් මතකයි බං
එතනදී ඒ වෙඩිතියපුව මතක නෑනේ බං
මතක තියෙන්නේ මට වෙඩි වැදිලා කියලා බං...//

අම්මා ඇවිත් කවුරුද වෙඩි තිබ්බ කිව්ව බං
ඒක හින්ද දැන් රෝහලේ ඉන්න වාලු මං
වෙඩි තියාපු සීන් එකම අමතකයිනේ බං
අම්මා ආව තමයි මතක මොකද මන්දා බං....//

රට රටවල මුදලාලිල මුන ගැහුනා මං
ලොකු ලොකු බිස්නස් ගැන චුට්ටක් මතකයි බං
හැබැයි අපේ රටේ ගෙනත් විකුණනවද මං
අනේ අම්මො කුඩු බිස්නස් ගැන දන්නෑ මං...//

කොල්ලො කෙල්ලො එකතු කරල චන්දේ කෙරුව මං
මුඩුක්කු අස්සේ ළමයිව ඉඹගත්තා මං
ආච්චිලා සීයලාව තුරුලු කරන් මං
ළමයිට කුඩු පෙව්ව කියලා මතක නෑනේ බං....//

බත් පැකටුයි සල්ලියි ජන්දෙට දුන්නේ මං
ඇඟේ අමාරුවට අරක්කුත් දුන්නා බං
වැඩිම මානපය ගන්නව මතකයි වගේ බං
කිසිම මැරකමක් කළාද මතක නෑනේ බං...//

රටම දන්න නිළියෝ එක්ක රවුම් ගැහුව මං
අයියත් මට උදව් කළා ක්ලබ් වලදී බං
පුංචි පුංචි කෙල්ලෝ ගොඩක් මතකයි වගේ බං
අනාථ කළ කෙල්ලෝ ගාන මතක නෑනේ බං....//

සිංගප්පූරුවට ගියා මට මතකයි බං
ශ්‍රී ලංකාවත් චුට්ටක් මතකයි වගේ දැං
තාමත් කෙල්ලෝ ඉන්නව ඇඳ වටේට බං
උන් එක්කම ජොලි කරපුවා මතක නෑනේ බං...//

ගම්පොල සීයා ආවා මතකයි වගේ බං
වැලන්ටයින් ඇවිත් ගියා හිමින් සැරේ බං
තවත් ලොක්කෝ ඇවිත් ගියේ හොරෙන්මනේ බං
සමහරු අය එහේ එනකොට ක්ලබ් එකේනේ මං...//

මිනිස්සු ජීවත් වෙන්නට බත් කනවද බං
ඇඳුම් ඇඳලා වහගන්නේ හෙළුවැල්ලද බං
මිනිස්සුනේ එහෙම ඉන්නේ මට මොකටද බං
විලි ලැජ්ජාවක් මට නෑ මං දන්නෑ බං...//

සුපින්වතුනේ..අද මං විරිදු කිව්වද? මට මතක නැහැනේ...
​