අසිරිමත් දම් රස අමාවන්

hdgpure · Feb 15, 2013

අසිරිමත් දම් රස අමාවන්

‘‘ පින්වත් මහණෙනි,මා මේ ලෝකයේ මගේ සිතින් සමහර නපුරු සිත් ඇති පුද්ගලයන්ව හොඳින් අවබෝධ කර ගන්නවා.‘මේ පුද්ගලයා නම් මේ වෙලාවේදි මිය ගියොත්,හරියට ඔසවා ගෙන පැමිණි බරක් බිමින් තබනවා වගේ නිරයේ උපදිනවා.ඒකට හේතුව කුමක්ද?පින්වත් මහණෙනි,ඔහුගේ සිත දුෂිතයි.පින්වත් මහණෙනි,ඔය විදියට සිත දූෂිත වීම හේතුවෙන් මෙහි සමහර සත්වයන් කය බිඳිලා මැරුණට පස්සේ අපාය,දුගතිය නම් වූ නිරයේ උපදිනවා.“

‘‘පින්වත් මහණෙනි,මා මේ ලෝකයේ මගේ සිතින් සමහර පහන් වූ සිත් ඇති පුද්ගලයන්ව හොඳින් අවබෝධ කර ගන්නවා.‘මේ පුද්ගලයා නම් මේ වෙලාවේදී මිය පරලොව ගියොත්,හරියට ඔසවා ගෙන පැමිණි බරක් බිමින් තබනවා වගේ සුගතියේ උපදිනවා.ඒකට හේතුව කුමක්ද?පින්වත් මහණෙනි,ඔහුගේ සිත ප්‍රසන්නයි.පින්වත් මහණෙනි,ඔය විදියට සිතේ පැහැදීම හේතුවෙන් මෙහි සමහර සත්වයන් කය බිඳිලා මැරුණට පස්සේ සුගතිය නම් වූ ස්වර්ග ලෝකයෙහි උපදිනවා.“

අංගුත්තර නිකාය - 1 (ඒකක නිපාතය - 5.සූක වර්ගය)

hdgpure · Feb 15, 2013

එක දවසක් භික්ෂූන් වහන්සේලා සාරිපුත්ත මහරහතන් වහන්සේගෙන් අහනවා,

‘‘පින්වත් සාරිපුත්තයන් වහන්ස,මේ ලෝකයේ ඕනෑම දෙයක් අනිත්‍ය වෙලා ගියාට ඔබවහන්සේට දුකක් හිතෙන්නේ නැද්ද?“
ලෝකය අතහැරපු කෙනාගේ ස්භාවය.......
‘‘ඔව්....ඕනෑම දෙයක් අනිත්‍ය වෙලා ගියාට මට කමක් නෑ.මට ඒ ගැන දුකක් හිතෙන්නේ නෑ.‘‘

එතකොට තව අමාරු ප්‍රශ්නයක් ඇහුවා.‘‘සාරිපුත්තයන් වහන්ස,එතකොට බුදුරජාණන් වහන්සේ පිරිනිවන්පෑවොත්...?එතකොටත් ඔබ වහන්සේට දුක හිතෙන්නේ නැද්ද?‘

‘‘ බුදුරජාණන් වහන්සේ පිරිනිවන්පෑවොත් මට හිතෙන්නේ මෙන්න මෙහෙමයි.‘අහෝ.....!දෙවියන්ට,මිනිසුන්ට හිතසුව පිණිස,යහපත පිණිස,ලෝකානුකම්පාවෙන් උපන් එකම එක උත්තමයන් වහන්සේ,ලෝකයේ එකම ඇස අතුරුදහන් වුණා.ඒ බුදුරජාණන් වහන්සේ තව බොහෝ කලක් වැඩසිටියා නම් දෙව් මිනිස් ලෝකයාට හිතසුව පිණිස පවතිනවා‘ කියලයි.මට එහෙම නම් හිතේවි.‘‘ එයයි ලෝකය අත්හැරපු කෙනාගේ හිතේ තියෙන හැඟීම.

rcccc · Feb 16, 2013

hdgpure · Feb 16, 2013

පහව ගිය වලාකුළු ඇති අහසේ සඳ මඩල ත්, නිර්මල වූ හිරු මඩල ත්, බබලන්නේ යම් සේ ද, මහා මුනි වූ අංගීරස වූ බුදු රජාණන් වහන්ස, ඔබ වහන්සේ ද එසේම යසසින් සියලු ලෝකය අභිබවා බබලන සේක.

( ගග්ගරා සූත්‍රය - සංයුක්ත නිකාය 1 )

hdgpure · Feb 18, 2013

පිංවත් මහණෙනි, මම මවටද පියාටද ප්‍රතිඋපකාර කරලා අවසන් කිරීම ලෙහෙසි යැයි කියන්නේ නෑ. පිංවත් මහණෙනි, අවුරුදු සීයක් ආයුෂ තියෙන කෙනෙක් අවුරුදු සීයක් ජීවත් වෙමින් එක උරයක තමාගේ මව තබාගෙන රකිනවා. අනෙක් උරයේ තමාගේ පියා තබාගෙන රකිනවා. ඉතින් ඔහු තමන්ගේ මවිපියන්ගේ ශරීරයන් සුවද දේ ගැල්වීමෙන්ද, අත්පා පිරිමැදීමෙන්ද, සිහිල් පැන් උණු පැන් ආදියෙන් නැහැවීමෙන්ද උපස්ථාන කරනවා. ඒ මවිපියනුත් ඒ උරයේම ඉදගෙනමයි මලමුත්‍රාම පහ කරන්නේ. පිංවත් මහණෙනි, ඒ විදියට කරලාවත් මවිපියන්ට උපකාර කලා වෙන්නේ නෑ. ප්‍රත්‍යුපකාර කලා වෙන්නේ නෑ. නමුත් පිංවත් මහණෙනි, යමෙක් මවිපියන්ව තෙරුවන් කෙරෙහි ශ්‍රද්ධාවේ සමාදන් කරවනවා නමි, ඇතුලත් කරවනවා නමි, පිහිටුවනවා නමි, සීලයෙහි සමාදන් කරවනවා නමි, පිංවත් මහණෙනි මෙපමණකින්ම මවිපියන්ට සැලකුවා වෙනවා. ප්‍රත්‍යුපකාර කලා වෙනවා.
(ගෞතම බුදුරජාණන් වහන්සේ) ........

පුන්‍යානුමෝදනය- දුමින්ද ජයනන්ද පින්වත් මිතුරාට

hdgpure · Feb 19, 2013

මරණය කෙළවර කර ගත් ජිවන ගඟ.....

පින්වත් මහණෙනි, මේ කලින් සිදු වු දෙයක්.අතීතයේ ‘අරක‘ නමින් ශාස්තෘවරයෙක් හිටියා.ඔහු (කාමේසු වීතරාගෝ) කාමයන් කෙරෙහි නොඇලුණු කෙනෙක්.ඒ ශාස්තෘන් වහන්සේට නොයෙක් සිය ගණන් ශ්‍රාවකයෝ හිටියා.ඉතින් ඒ ශාස්තෘන් වහන්සේ ශ්‍රාවකයින්ට ධර්මය දේශනා කරනවා.

ඒ අරක කියන ශාස්තෘවරයා කියනවා.බ්‍රාහ්මණවරුනි,මේ ජිවිතය කන්දකින් පහළට ගලා බසින වේගවත් සැඩපහරක් වගේ.ඒ සැඩ පහරට හසුවෙන හැමදේම ගහගෙන යනවා.ඒ සැඩපහර එක මොහොතක්වත් නවතින්නේ නෑ.ඒ විදියට අඛණ්ඩව නොනැවතී යන සැඩපහරක් වගෙයි මේ ජිවිතය.නොනැවතී යන මේ ජිවිතය මරණයෙන් අවසන් වෙනවා.බොහෝ දුක් සහිතයි.බොහෝ පීඩා සහිතයි.ප්‍රඥාවෙන් තේරුම් ගත යුතුයි.කුසල් කළ යුතුයි.බඹසර හැසිරිය යුතුයි.උපන් කෙනෙකුට නොමැරී සිටින්න විදියක් නෑ.

ඒ වගේම බ්‍රාහ්මණවරුනි,හිතන්න හරකෙක්ව මරන්න අරගෙන යනවා.ඒ හරකාව මරන්න ගෙනියද්දී ඒ හරකා යම් පියවරක් ඉස්සරහට තබනවාද,ඒ තබන හැම පියවරකින්ම ඌ ළංවෙන්නේ වධකයා සමීපයටයි.මනුස්සයගේ ජිවිතයත් වධකයාගේ සමීපයට යන ගවයෙක් බඳුයි.බොහෝම සුළු කලයි මේ ජිවිතය ගතකරන්න වෙන්නේ.බොහෝ දුක් සහිතයි.බොහෝ පීඩා
සහිතයි.ප්‍රඥාවෙන් තේරුම් ගත යුතුයි.කුසල් කළ යුතුයි.බඹසර හැසිරිය යුතුයි.උපන් කෙනෙකුට නොමැරී සිටින්න විදියක් නෑ.

බුදුරජාණන් වහන්සේ ඒ උපමාව දේශනා කරලා ස්වාමීන් වහන්සේලාට දේශනා කරනවා.

“මහණෙනි බලන්න,ඒ අරක ශාස්තෘවරයා ඒ විදියට සැණෙකින් අවසන් වන ජිවිතයක් කියලා උපමා කරපු කාලයේ මිනිසුන්ගේ ආයුෂ හැට දහසයි.“

බලන්න මේ කාලයේ අපට මේ වගේ දේශනාවල් අහන් ලැබෙන්නේ නෑනේ.අපට හැම දෙයක්ම පිටට පේන්නේ ආරක්ෂා සහිතව.නමුත් මුලාවුණු ලෝකයේ ගොදුරු බවට පත්වුණු අපට ඒ මුලාව බිඳගෙන යන්න ප්‍රඥාව ලබන්න මේක හොඳ දේශනාවක්.

නැසෙන වැනසෙන පිනී බිඳුව....

hdgpure · Feb 19, 2013

පින්වත් මහ‍ණෙනි,මේ පිරිස් දෙකක් ඉන්නවා.ඒ කවර දෙපිරිසක්ද යත්?ආමිසයට ගරු කරන,සද්ධර්මයට ගරු නොකරන පිරිසත්,සද්ධර්මයට ගරු කරන ආමිසයට ගරු නොකරන පිරිසත්ය.

පින්වත් මහණෙනි, ආමිසයට ගරු කරන,සද්ධර්මයට ගරු නොකරන පිරිස කවරහුද?පින්වත් මහණෙනි,මෙහි යම් පිරිසක් ඉදිරියේ මේ අයුරින් එකිනෙකාගේ ගුණ කියා ගන්නවා.“අසවල් භික්ෂූව උභතෝභාගවිමුක්ත නෙව.අසවල් භික්ෂූව ප්‍රඥාවිමුක්ත නෙව.අසවල් භික්ෂූව කායසක්ඛී නෙව.අසවල් භික්ෂූව දිට්ඨප්පත්ත නෙව.අසවල් භික්ෂූව ශ්‍රද්ධාවිමුක්ත නෙව.අසවල් භික්ෂූව ධම්මානුසාරී නෙව.අසවල් භික්ෂූව ශ්‍රද්ධානුසාරී නෙව.අසවල් භීක්ෂූව යහපත් ගුණ ධර්මයන්ගෙන් යුතු සිල්වතෙක් නෙව.අසවල් භික්ෂූව පාපී ගති තියෙන දුස්සීලයෙක් නෙව.‘‘ කියල.එයින් ඔවුන් ලාභ ලබනවා.ඔවුන් ඒ ලාභයන් ලබා,එවායේ ඇලෙනවා.මුසපත් වෙනවා.ආදීනව නොදැක,ඒවායෙහි ඇල්ම දුරු කිරීමේ ප්‍රඥාවෙන් තොරව පාවිචි කරනවා.පින්වත් මහණෙනි, මෙයට තමයි කියන්නේ ආමිසයට ගරු කරන,සද්ධර්මයට ගරු නොකරන පිරිස කියලා.

පින්වත් මහණෙනි,ආමිසයට ගරු නොකරන,සද්ධර්මයට ගරු කරන පිරිස කවරහුද?පින්වත් මහණෙනි,මෙහි යම් පිරිසක් ඉදිරියේ“අසවල් භික්ෂූව උභතෝභාගවිමුක්ත නෙව.අසවල් භික්ෂූව ප්‍රඥාවිමුක්ත නෙව.අසවල් භික්ෂූව කායසක්ඛී නෙව.අසවල් භික්ෂූව දිට්ඨප්පත්ත නෙව.අසවල් භික්ෂූව ශ්‍රද්ධාවිමුක්ත නෙව.අසවල් භික්ෂූව ධම්මානුසාරී නෙව.අසවල් භික්ෂූව ශ්‍රද්ධානුසාරී නෙව.අසවල් භීක්ෂූව යහපත් ගුණ ධර්මයන්ගෙන් යුතු සිල්වතෙක් නෙව.අසවල් භික්ෂූව පාපී ගති තියෙන දුස්සීලයෙක් නෙව.‘‘ කියල එකිනෙකාගේ ගුණ කියා ගන්නෙ නෑ.එයින් ඔවුන් ලාභ ලබනවා.ඔවුන් ඒ ලාභයන් ලබා,ඒවායේ ඇලෙන්නෙත් නෑ.මුසපත් වෙන්නෙ නෑ.ආදීනව දැක,ඒවායේ ඇල්ම දුරු කිරිමේ ප්‍රඥාවෙන් යුතුව පාවිච්චි කරනවා.පින්වත් මහණෙනි,මෙයට තමයි කියන්නේ සද්ධර්මයට ගරු කරන,ආමිසයට ගරු නොකරන පිරිස කියලා.පින්වත් මහණෙනි,මේ පිරිස් දෙක අතරින් මේ සද්ධර්මයට ගරු කරන ,අමිසයට ගරු නොකරන පිරිස ම තමයි අග්‍ර වෙන්නෙ..

අංගුත්තර නිකාය - 1
(දුක නිපාතය - පළමු පණ්ණාසකය 5.පරිස වර්ගය)

hdgpure · Feb 19, 2013

ගුණ නුවණින් අග්‍ර වු උතුමන් කෙරෙහි දන් පැන් පිදුවෝත් අග්‍ර වු පින් වැඩෙනවා.එහි විපාක වශයෙන් අග්‍ර වු ආයු,වර්ණ,යසස,කීර්තිය,කාය බල ඤාණ බල වැඩෙනවා.

භාග්‍යවතුන් වහන්සේ
(උතුම් පැහැදීම ගැන වදාළ දෙසුම)
“අග්ගප්පසාද සුත්‍රය“

hdgpure · Feb 20, 2013

(සේල බ්‍රාහ්මණ)
සම්බුදු රජාණන් බව - අනුත්තර දම් රජාණන් බව
පිළිණ කරනා ඔබ - සදහම තුලින් දම් සක
පවත්වන බව - කියන ගෞතමයාණනි,

ශාස්තෘ වූ ඔබ තුමන් ගේ - කව්ද ඒ දම් සෙනවියාණෝ?
ඔබ පවත්වන දම් සකට නිසි - කව්රු වෙද අනුවර්තයාණෝ?

(භාග්‍යවතුන් වහන්සේ)
පින්වත් සේලයෙනි,
මා විසින් පවත්වන ලද - අනුත්තර සක දම්සක
තථාගත අනුජාත වූ - සැරියුත් ය එය පවත්වන්නේ

බමුණ, ඔබ මා කෙරෙහි පවතින - සැකය දුරු කර ගත මැන
නිතර සම්බුදු කෙනෙක් දක්නට - ලැබෙන්නේ ලොව කලාතුරෙකින්

උපත සම්බුදු කෙනෙකු ගේ - නිතර දැක ගත නොහැකි වූ
කලාතුරෙකින් සිදුවන - දුලබ වූ දෙයකි ලොව
බමුණ, මම අනුත්තර - ශල්‍ය වෙදැදුරු සම්බුදුන් වෙමි

උත්තම බව ට පත් වූ - ඉක්මවා උපමා හැම
මර සෙනඟ ඔද තෙද බිඳ - වසඟ කොට හැම සතුරන්
කිසි ලෙසකිනුත් බිය නැති - පිරුණු සතුටින් කල්ගෙවමි මම

(සේල බ්‍රාහ්මණ)
පින්වත්නි, මෙය අසා ගනු මැන - දහම් ඇස් ඇති මුනිඳුන් ගෙ බස
ශල්‍ය වෙදැදුරු මහවීරයාණෝ - වනෙහි නද දෙන සිහරජෙකු වැනි.....

උත්තම බවට පත් වූ - ඉක්මවා උපමා හැම
මර සෙනඟ මැඩ සිටිනා - සම්බුදු රජුන් දුටු විට
හීණ ගති ඇති අය පවා - කව්රු ද නො පහදින්නේ?

ඉක්මවා කෙලෙස් කර්මයන් - උදුරා දමා කෙලෙස් මුල්
නො බැඳි කිසිම දෙයකට - නැති වී බීත සිතුවිලි
සිංහ රාජයෙක් ම ය - ඔබ වහන්සේ නම්!

෴සේල නිසා වදාළ දෙසුම ෴
(සුත්ත නිපාතය)

hdgpure · Feb 20, 2013

නමුචි ය කෘෂ්ණ ය කියනා - පාපී මාරයා,ඔබගේ
ලොව හැමට ම පහර වදින - සේනාවේ බලනු රඟේ
සූර වීර නැති කෙනෙකුට - දිනා ගන්ට නම් නොහැකිය
එහෙත් දිනා ගත් කෙනාට - හැකිය අමා සැප ලබන්නට.

ලෝකේ දෙවි මිනිසුන් හට - නොහැකිය මැඩලන්නට නම්
ඒ තොප ගේ මාර සෙනඟ
එහෙත් දියුණු කළ නුවණින් - මැඬලමි මම මාරසෙනඟ
කළුගලකින් හොඳින් මඬින - අමු වූ මැටි පිඬක් විලස

(මාරයා)

සත් වසරක් මුළුල්ලේ ම - තබනා හැම පියවරක් ම
සමිඳාණන් ගේ පසු පස - හඹා ගිය නුමුත් කිසිවිට
නොම හැකි විය අල්ල ගන්ට - කිසිම අයුරකින් දොසක්
මැනවින් සිහි නුවණ තිබෙන - ඒ බුදු සමිඳාණන් තුල

ලබා ගන්ට බැරි වූ විට - සිතා ගත්ත කිසි සතුටක්
ඒ ගල්කුල මත ම හැපී - පියඹා ඈතට ඉගිලුන
කපුටු මෝඩයෙක් විලසේ - මමත් ගොසින් හැප්පෙන්නට
ගෞතමයන් සමඟ මෙසේ - පැරද පලායන්නෙමු අපි

සෝක සිතින් මඩනා ලද - ඒ මරු ගේ කිසිල්ලෙන් ද
වීණාව වැටුනා ගිලිහී!
දුෂ්ට වූ සිතින් යුතු වූ - ඒ පව් ඇති යක්ෂ තෙමේ
අතුරුදහන් වුනා එහිම!

෴දිවි පුදා වෙර වැඩු අයුරු ගැන වදාළ දෙසුම෴
(සුත්ත නිපාතය)

paralk · Feb 21, 2013

hdgpure · Feb 21, 2013

"පින්වත් උපාලි, ඔබ යම් ධර්මයක් දන්නේ නම්, සැබැවින්ම මේ ධර්මය සසරේ කළකිරීම පිණිස නො පවතී යයි, නො ඇල්ම පිණිස නො පවතී යයි. දුක් නැති කිරීම පිණිස නො පවතී යයි. එවිට උපාලි ඔබ, ඒකාන්තයෙන්ම නිගමනයකට පැමිණිය යුතුය. මෙය නම් ධර්මය නොවේ, මෙය විනය නොවේ. මෙය ශාස්තෘන් වහන්සේගේ ශාසනය නොවේ" යයි.

"පින්වත් උපාලි, යම් ධර්මයක් ඔබ දන්නේ නම්, සැබැවින්ම මේ ධර්මය සසරේ කළකිරීම පිණිස පවතී යයි. නො ඇල්ම පිණිස පවතී යයි. දුක් නැති කිරීම පිණිස පවතී යයි. එවිට උපාලි ඔබ, ඒකාන්තයෙන්ම නිගමනයකට පැමිණිය යුතුය. මෙය නම් ධර්මය වේ. මෙය විනය වේ. මෙය ශාස්තෘ ශාසනය වේ". යයි.

( සත්ථුසාසන සුත්ත - අං: නි: )

hdgpure · Feb 21, 2013

කෝධෝ, මදෝ, ථම්භෝ, පච්චුට්ඨාපනා ච
මායා, උසුයා භස්සසමුස්සයෝ ච
මානාතිමානෝ ච අසබ්භි සන්ථවෝ
ඒසාමගන්ධෝ න හි මංසභෝජනං

ක්‍රෝධය, මදය, දැඩිබව, එකටෙක කිරීම
මායාව ද, ඉරිසියාව - පුරසාරම් දෙඩවීම ද
මාන්නයෙන් ඉදිමීම ද - දුදනන් සමඟින් ඇසුරද
මේවාය පිළිගඳ - මස් බොජුන නම් නොවේ

ආම ගන්ධ සූත්‍රය - සුත්ත නිපාතය

hdgpure · Feb 21, 2013

"පින්වත් මහණෙනි, හැම ධර්ම කථාවක්ම තිබෙන්නේ මේ සඳහාය. හැම ධර්ම සාකච්චාවක්ම තිබෙන්නේ මේ සඳහාය. ගුරුවරුන් ඇසුරු කළ යුත්තේ මේ සඳහාය. සවන් යොමු කොට දහම් ඇසිය යුත්තේ මේ සඳහාය. එනම් කිසිවකට නොබැඳී සදහටම නිදහස් වීම පිණිසය."

( මහාවග්ග -අංගුත්තර නිකාය )

inoj77 · Feb 21, 2013

thanx.. good work...

V for Vendetta · Feb 21, 2013

Namo Buddhaya

hdgpure · Feb 25, 2013

hdgpure · Feb 25, 2013

Shadow.Walker · Feb 25, 2013

Theruwan saranai...

hdgpure · Feb 26, 2013

මැනැවින් කරන ලද කාය කර්මය ඉතා සුභ දෙයකි. මැනැවින් කරන ලද වචී කර්මය ඉතා සුභ දෙයකි. මැනැවින් කරන ලද මනෝ කර්මය ඉතා සුභ දෙයකි. යහපත් අභිප්‍රාය ඉතා සුභ දෙයකි. මනා වූ දේවල් කොට එහි ඒ මනා වූ දේවල්ම ලබනවා.

යහපත උදාකරගෙන, සැපවත්ව බුදු සසුනෙහි අභිවෘද්ධිය සළසාගත් ඔබ සියලූ ඤාතීන් සමඟ නීරෝග වෙන්න. සුවපත් වෙන්න.

සාදු! සාදු!! සාදු!!!

අංගුත්තර නිකාය - 1 (තික නිපාතය - තුන්වෙනි පණ්ණාසකය)

අසිරිමත් දම් රස අමාවන්

Member

Member

Member

Member

Member

Member

Member

Member

Member

Member

Well-known member

Member

Member

Member

Junior member

Active member

Member

Member

Well-known member

Member

Similar threads