මඩු..... (Train Trip Season II)

හූ...
හූ..........
හූ.................


ජනතාව පොලූ මුගුරු මානාගෙන පෙරාව හොයන බව පෙරා දන්නවා.. ඔක්කොටම කලියෙන් ගැත්තාට සමාව භාජනයකට දමන්න කියලා ට්‍රිප් එක ගිය නොගිය සෑම දෙනාගෙන්ම පෙරා ඉතා කාරුණිකව ඉල්ලා සිටිනවා.

කොහොම හරි Train Trip දෙවෙනි අදියරත් සාර්ථක නෙමෙයි අති සාර්ථක විදියට අවසන් උනා කියලා පෙරා කියන්නේ ගොඩාක් සන්තෝසෙන්. පෙරාට විතරක් නෙමෙයි "Traveler" Team එකේ හැමෝටම එහෙමයි. ත්‍රෙඩ් එක පටන් ගන්න කලියෙන් ට්‍රැවලර් ටීම් එක වෙනුවෙන් අපේ Train Trip දෙවෙනි අදියරට සහභාගී වෙච්ච එලකිරියේ සාමාජිකයන්ට වගේම නන් අයුරින් සහය දක්වපු එකි මෙකී නොකී සෑම කෙනෙක්ටම පෙරා ස්තූතිවන්ත වෙනවා.

ට්‍රිප් කිව්වාම එක එක ආකාරයේ ට්‍රිප් තියෙනවා. Pilgrims, Cruise, Day Outing, Voyage, Hikes නැත්තම් Trekker Trips, Road Trips වගේ ඕන තරම් කියන්න පුළුවන්. Modern Rail Hiking වගේම Train Trip කියන සංකල්පය මුලින්ම අරගෙන ආවේ අපේ ටීම් එක කියලා පෙරා කියන්නේ පොඩ්ඩක් විතර ආඩම්බරයෙන්. බයෙන් බයෙන් තමා මුල්ම පාර Train Trip එක Organize කරේ. කට්ටියකට ඇත්තටමමේක විහිලුවක් උනාට Train Trips වලට ආසා කරන කට්ටියක් ඉන්නවා කියලා Train Trip Season I "යාල් දේවී" අවසානයේ පෙරා ඇතුලු සංචාරකයා කන්ඩායමටම තේරුම් ගියා.

යුද්ධයත් එක්ක වැසී ගිය තලේමන්නාරම් තොට දුම්රිය මාර්ගය බලන්න මීට මාස 10කට විතර කලින් අපේ මන්නාරම සංචාරයේදී අපිට පුළුවන් උනා. එදා අපි හැමෝගෙන හිත් වල තිබුනු අදිටනක් තමා තලේමන්නාරමට අපි කවදා හරි කෝච්චියක යනවා කියන එක.

මඩු පාර දුම්රිය ස්ථානය තලේමන්නාරම් දුම්රිය මාර්ගයේ සංධිස්ථානයක්. තලේමන්නාරම් දුම්රිය මාර්ගය නැවත ඉදිකිරීමේ වැඩපිළිවෙල යටතේ මීට සති කීපයකට කලියෙන් මඩුපාර දුම්රිය ස්ථානයට දුම්රිය මාර්ගය විවෘත්ත කෙරුනා. එදා ඉඳං අපේ කන්ඩායම හිටියේ කොයි වෙලේ කෝච්චියේ මඩු යනවදෝ කියලා හිතමිනුයි.

ඒ අතරේ තමා අපි හැමෝම ඒකමතික තීරණයකට ආවේ Train Trip Season II එක කරමු කියලා. පස්සේ එලකිරියේ Open ත්‍රෙඩ් එකක් දාලා අපි කට්ටිය එකතුකරගත්තා අපේ Train Trip Season II "මඩු" සංචාරය වෙනුවෙන්.

අපේ ගමනට මෙදා පාර එකතුවෙච්ච කට්ටිය මෙහෙමයි.

Traveler Team එක වෙනුවෙන්

Tharinda අයියා - tharinda76
Nadiya - nadeera84
Kadiya - jkadithya
Sathare - stharanga & Dileka
Chamika - chamikawp
Diluma - BC_Dilum

ඒ සමගම අපිත් එක්ක එලකිරියෙන් එකතු උනා
Lasa.lasa @ Sanju
Nu1Dnk
Sanjee
Djram
Minipura අයියා
Saki2
Dezel x2
Prageeth119lk
Randike Mendis
Kandyan
Delmar
Sali07
tharindumj
kmc madushan
load king
nuwanchaminda


මේ ට්‍රිප් එකෙත් කතන්දර මවපු ට්‍රිප් එකක්. කට්ටියත් ගොඩක් ඉන්න නිසා පෙරා පින්තූර ටික දාලා පැත්තකට වෙන්නම්.

ඊට පස්සේ බලාගන්ට බැරියෑ කට්ටියගේ වැඩ...

අපි උදේ 5.45 යාල් දේවි දුම්රියෙන් තමයි අපේ ගමන පටන් ගත්තේ. කිසිම කරදරයක් නෑ කට්ටියම වෙලාවට ඇවිල්ල හිටිය.බැරි වෙලා හරි එක්කෙනෙක්ට හරි එන්න බැරි උනා නං ඒක අපේ හිතටත් හරි නැනේ.කොටුවෙන් දුම්රිය පිටත් වෙන වෙලාවේ අපේ කට්ටිය 14ක් හිටියා.ඒ අතරේ කඩියා ඒ කියන්නේ traveler නිර්මාතෘ ගම්පහට වෙලා බලාගෙන හිටියා අපි එනකන්.


යාල්දේවි ගමන ආරම්භ කරමින්....
​