සර්ප දශ්ඨනයකදී

සර්ප දශ්ඨනයකදී

පොස්ට් එකක් දාල තියෙනො දැක්කා සර්ප දශ්ඨ කිරීමක් ගැන.අපේ අයට දශ්ඨ කිරීමකදි කරන්න ඕන දේවල් ගැන වැඩිය ඒ අවබෝදයක් නැති නිසා ඒ ගැන මම දන්න දේවල් ටික කියල දෙන්න හිතුව.
ඕන කියල හිතනව නම් කියන්න. පුළුවන් විදියට ඉඩ තියෙන වෙලාවට ඒ ගැන දමන්නම්.
මුලින්ම හැදින්වීමක් විදියට විශ සහිත සර්ප දශ්ඨ කිරීම් වල ප්‍රතිඵල කියන්නම්.

අපේ රටේ ගොඩබිම වසන සර්ප විශේෂ 92ක් විතර ඉන්නවා. එයින් විශේෂ 8ක් විතරයි දරුණු විශ සහිත වෙන්නේ. එයිනුත් 6ක් විතරයි මරණ වලට හේතු වෙලා තියෙන්නේ.

බලමු මොන මොන සර්පයන්ද අධික විශ සහිත කියලා.

01 - තිත් පොලඟා/ කන්නාඩි පොලඟා (Daboia russelii)

02 - වැලි පොලඟා(Echis carinatus)

03 - නයා(Naja naja naja)

04 - මුදු කරවලා(Bungarus ceylonicus)

05 - තෙල් කරවලා(Bungarus caeruleus)

06 - පොලොන්තෙලිස්සා/ කුනකටුවා(Hypnale hypnale)

07 - පලා පොලඟා(Trimeresurus trigonocephalus)

08 - දෙපත් කළුවා(Calliophis melanurus)

පලවෙනි 5 දෙනාට විතරයි ප්‍රති විශ තියෙන්නෙ. අනිත් සර්ප දශ්ට කිරීමකදි කරන්නේ රෝග ලක්ශන වලට ප්‍රතිකාර කිරීම විතරයි.

දැන් බලමු මෙයාල දශ්ඨ කරාම වෙන දේවල්.

තිත් පොලඟා
කාපු තැන ඉදිමෙනවා.
ස්නායු පද්ධතිය අඩපන වෙනවා
රුධිර කැටි ගැසෙන එක නවතින නිසා, මුත්‍රා සමග ලේ පිට වීම, ගුදමාර්ගයෙන් රුධිර වහනය වගේ දේවල් වෙලා අවසනයට මරනයට පත් වෙනවා.

වැලි පොලඟා
කාපු තැන ඉදිමෙනවා.
කාපු ස්ථාන වල සෛල මිය යනවා (cell necrosis)
රුධිර කැටි ගැසෙන එක නවතිනවා

නයා
කාපු තැන ඉදිමෙනවා.
කාපු ස්ථාන වල සෛල මිය යනවා
ස්නායු පද්ධතිය අඩපන වෙනවා, අත පය එහෙම වැඩ නොකර යනවා

කරවලා
ස්නායු පද්ධතිය අඩපන වෙනවා, අත පය එහෙම වැඩ නොකර යනවා
වේදනාවක් ඉදිමුමක් නැති තරම්

පොලොන්තෙලිස්සා
කාපු තැන ඉදිමෙනවා.
වකුගඩු අක්‍රිය වෙන්න පුලුවන්

දෙපත් කළුවා
හරිම දුර්ලභ සර්පයෙක්

අදට මේ ඇති. තව දවසක කියන්නම් දශ්ඨ කරාම මොනවද කරන්න ඕන කියල ( කට්ටිය කැමති නම් විතරයි, නැත්නම් ඕන නැහැ නේ )

දෙවන කොටසට