Compression Ratio කියන එක ටිකක් පැහැදිලි කරලා දීපල්ලකෝ.

shiranyasassi · May 27, 2015

Compression Ratio කියන එක ටිකක් පැහැදිලි කරලා දීපල්ලකෝ.

ඒ වගේම එක එක බයික් වල තියන්නෙ එක එක ගණන් වලින්,
උදා -
Honda AX1 - 11:1
Honda CB250F - 11.5:1
FZ (Indian) - 9.5:1
Compression Ratio එක වෙනස් වෙන එකෙන් බයික් එකක වෙන වෙනස්කම් මොනවද ?
අඩු වැඩි වීමෙන් වෙන වාසි අවාසි මොනවද ? (Speed, Engine life time)
Compression Ratio එක අඩු ඒවාට 95 පෙට්‍රල් ගහලා වැඩක් නෑ කියන එකේ ඇත්තක් තියනවද ?

**..RoCk sTaR..** · May 27, 2015

HypermaD · May 27, 2015

මටත් ඕනේ...

Pink panther · May 27, 2015

මටත් ඕනේ...

shiranyasassi · May 28, 2015

Compression Ratio එක වෙනස් වෙන එකෙන් බයික් එකක වෙන වෙනස්කම් මොනවද ?
අඩු වැඩි වීමෙන් වෙන වාසි අවාසි මොනවද ? (Speed, Engine life time)
Compression Ratio එක අඩු ඒවාට 95 පෙට්‍රල් ගහලා වැඩක් නෑ කියන එකේ ඇත්තක් තියනවද ?[/QUOTE]

ඔන්න උත්තරයක් එලකිරියෙන්ම හම්බවුනා. මේ ටික ගත්තෙ mahesh1297 කියන සහෝදරයගෙ ත්‍රෙඩ් එකකින් මම අවශ්‍ය ටික මෙතන දාන්නම්.

අපි පාවිච්චි කරන එන්ජින් වල තියෙනවා "සම්පීඩන අනුපාතය" (Compression Ratio) කියල එකක්. සරලවම කියනව නම් එන්ජිමේ චූෂන පහරෙදි (Suction Stroke) ලබා ගත්ත වායු පරිමාව සම්පීඩන පහරෙදි (Compression Stroke) කොච්චර ප්‍රමානයකට සම්පීඩනය කරනවද කියන එකයි...
උදා: ලීටර් 10ක් අරන් ලීටර් 1ක් වෙන්න සම්පීඩනය
කරොත් සම්පීඩන අනුපාතය 10:1 කියලා කියනව.
සම්පීඩන අනුපාතය වැඩිවෙනකොට එන්ජිමට පුලුවන් වැඩි බලයක් නිපද වන්න.

සාමාන්‍යයෙන් පෙට්‍රොල් එන්ජිමක චූෂන පහරෙදි ඉන්ධන-වායු මිශ්‍රණයක් තමා සිලින්ඩරය අතුලට ලබා ගන්නේ ( GDI,FSI,SIDI කියන එන්ජින් වර්ග හැර). සම්පීඩන පහරෙදි මේ ගත්ත මිශ්‍රනය තමා Spark plug එකෙන් දහනය කරන්නේ.
අපි අවට තියෙන හැම ද්‍රව්‍යකටම තියෙනව "Flash Point" කියලා අර්ථ දැක්වීමක්. මේකට කියන සිංහල නම නම් දන්නේ නෑ. එක්තරා උෂ්නත්වයකදී සහ පීඩනයකදී අපි අවට ටියෙන ඕනෑම දෙයක් ගිනිතැබීමකින් තොරව ඉබේ ගිනිගන්නවා. මෙන්න මේ උෂ්නත්වයට සහ පීඩනයට තමා Flash Point කියන්නේ.
එන්ජිම ක්‍රියාත්මක වෙනකොට සම්පීඩන පහරෙදි ඉන්ධන -වායු මිශ්‍රණය විශාල උෂ්නත්වයකට සහ පීඩනයකට ලක් වෙනවා..මෙන්න මේ අවස්ථාවෙදි වැරදිලාවත් මිශ්‍ර වෙලා තියෙන පෙට්‍රෝල් එයාගෙ Flash Point කියන තැනට ලං වුනොත් එය ඉබේම ගිනි අරන් දහනය වෙන්න පටන් ගන්නව Spark plug එකෙන් දහනය කරන්න කලින්... සම්පීඩන අනුපාතය වැඩි වෙනකොට ඉන්ධන -වායු මිශ්‍රණය ලක්වෙන උෂ්නත්වයත්,පීඩනයත් වැඩි වෙනවා. ඉතින් එන්ජිමෙන් වැඩි බලයක් ගන්න සම්පීඩන අනුපාතය වැඩි කරොත් මේ ගැටලුවට අපිට මූන දෙන්න වෙනවා.

මෙහෙම Spark plug එකෙන් දහනය කරන්න කලින් දහනය වෙන එකට තමා එන්ජිම නොක් (Knock) වෙනව කියලා කියන්නේ..එහෙම දහනය වෙන වෙලාවෙදි එන්ජිමේ පිස්ටනය ඉහලට ගමන් කරමින් තියෙන්නේ..අනවශ්‍ය තැනකදි දහනය වෙලා පීඩනය වැඩි වෙනවා කියන එක පිස්ටන් එකට දැනෙන්නේ කුළු ගෙඩියකින් ගැහුව වගේ...මේ Knock එක ගොඩක් දරුණු උනොත් එන්ජිමට Sorry.COM තමා..

මේක නවත්වන්න නම් අපිට සම්පීඩන අනුපාතය අඩු කරන්න වෙනවා..ඒත් එහෙම කරොත් එන්ජිමෙ බලය ගොඩක් අඩු වෙනවා...ඉතින් විද්‍යාඥයෝ කරේ පෙට්‍රෝල් වල Knock වෙන්න තියෙන හැකියාව අඩු කරන්න පුලුවන් දෙවල් පෙට්‍රොල් වලට එකතු කරපු එක...එහෙම කරලා Test Engine එකක මේව ටෙස්ට් කරලා RON (Research Octane Number) කියලා අංකයක් ලබා දුන්නා. මේ අංකය දීලා තියෙන්නේ ටෙස්ට් එකට ගත්තු පෙට්‍රෝල් වල Knock නොවීමේ හැකියාව, එහෙමත් නැත්නම් Knock Resistance එකට සමාන හැකියාවක් තියෙන්නේ කොයි වගෙ iso-octane සහ n-heptane මිශ්‍රණයකද කියලා බලලා.

උදා: 90%ක් iso-octane සහ 10% n-heptane මිශ්‍රණයක තියෙන Knock Resistance හැකියාව තියෙන පෙට්‍රෝල් 90 octane වර්ගයට අයත්. 95% සහ 5% මිශ්‍රණයකට සමාන නම් 95 octane පෙට්‍රෝල්.

දැනට 88-100 අතර පරාසයේ තමයි පෙට්‍රොල් වල Knock Resistance එක තියෙන්නේ. ඒත් methane වගේ ඉන්ධනයක් ගත්තාම RON අංකය 120 ක් විතර වෙනවා..

Octane අංකය කියන්නේ මේ අර්ථ දැක්වීම මිසක් නිපදවන්න පුලුවන් බලයේ ප්‍රමානයවත්, පෙට්‍රෝල් වල පිරිසිදුතාවයවත් නෙවෙයි.
මං කිව්ව වගෙ එන්ජිමෙන් වැඩි බලයක් ඕනේ නම් සම්පීඩන අනුපාතය වැඩි කරන්න ඔනේ...සම්පීඩන අනුපාතය වැඩි කරාම Knock වෙන එක නවත්වන්න ඔක්ටේන් අගය වැඩි පෙට්‍රෝල් අවශ්‍ය වෙනවා.. ඉතින් සම්පීඩන අනුපාතය වැඩි නිසා බලය වැඩි වෙනවා මිසක් ඔක්ටේන් අගය වැඩි පෙට්‍රොල් ගැහුවට බලය වැඩි වෙන්නේ නැහැ.

මේ හේතුව හින්දා තමයි Racing කාර්, Racing බයික් වලට octane අගය වැඩි පෙට්‍රෝල් භාවිතා කරන්නේ. මොකද racing වාහන වල සම්පීඩන අනුපාතය ගොඩක් වැඩියි.

තව ඕනිනම් ත්‍රෙඩ් එක කියවලා ඉගෙනගනිල්ලා.
http://www.elakiri.com/forum/showthread.php?t=1545082

seetalahoru · Jun 4, 2015

Fatta... rep+

markhaloce · Jun 4, 2015

ෆයිල් එක කම්ප්‍රෙස් වුනාම සයිස් එක / ෆයිල් එක කම්ප්‍රෙස් කරන්න කලින් සයිස් එක :yes:

Search

Latest ads

Compression Ratio කියන එක ටිකක් පැහැදිලි කරලා දීපල්ලකෝ.

shiranyasassi

Active member

..RoCk sTaR..

Well-known member

HypermaD

Member

Pink panther

Well-known member

shiranyasassi

Active member

seetalahoru

Well-known member

markhaloce

Member

Similar threads