යාපනේ විස්තර ඕනේ.

Appuham"e" said:

nawathinna hodaie green grass eka,, town eke mai thiyenne
http://jaffnagreengrass.com/

Click to expand...

Radical78 said:

ඔන්න එහෙනම් දවසෙන් යාපනේ ගිහිල්ලා ආවා..
දවසෙන් කිව්වට පැය 27-28 ක් වගේ ගියා...
යන්න කලින් ගොඩක් දෙනෙක් උදව් කරා.. ඒ අයගේ අත්දැකීම් බෙදාගත්තා..
විශේෂයෙන්ම Mr PERERA සහ chamithcp ගොඩක් උදව් කරා..
වචනෙකින් හරි උදව් කරපු හැමෝටම ගොඩක් පිං..

එහෙනම් වැඩේට බහිමු..
අපි ගියේ ලේක් හවුස් එකේ තිනකරන් පත්තර යාපනේට ගෙනියන බස් එකේ.. ඒක බුක් කරන්නේ මේ නම්බර් එකෙන්.. 0112429673.. මෙන්න සයිට් එක.. http://srilanka.travel-culture.com/tours/colombo-jafna-bus-service.shtml
එක්කෙනෙකුට රු. 1100.00/= බස් එකේ විස්තර කියනව නම් හොඳටම හොඳයි.. ඒසී තියෙනවා නියමෙට.. සීට් හොඳයි.. ඇජස්ට් කරන්න පුළුවන්..

ඔන්න අපි 2016 ජනවාරි 22 රෑ 11.40ට විතර කටුනායකින් බස් එකට නැග්ගා... පාන්දර වෙනකොට එහෙම පට්ට සීතලයි.. මම දැක්කා සමහර අය පොරවන රෙදි පවා අරන් ගිහිල්ලා තිබ්බා...

උදේ 7.40 වගේ එද්දි අපි යාපනේ ටවුන් එකට ආවා.. එතනින් බැහැලා උදේට කෑම කෑවා..

කාලා ඉවර වෙලා බස් ස්ටෑන්ඩ් එකට ඇවිල්ලා අංක 776 යාපනය - කුරිකට්ටුවාන් බස් එකට නැග්ගා.. බස් ස්ටෑන්ඩ් එකේ පැය බාගයක් විතර ඉඳලා තමයි බස් එක ඇද්දේ.. බස් ගාස්තුව රු. 60/=..

පැයක් විතර වගේ ගියා කුරිකට්ටුවාන් වලට යන්න.. බස් එකේ යන එකේ තියෙන වාසිය තමයි ජැටිය ගාවටම බස් එක යනවා.. අනිත් වාහන ඔක්කොම ඊට මෙහායින් තියෙන පාක් එකේ දාලා යන්න වෙනවා..
එතනම කෑම කඩ තියෙනවා.. ඕන නම් දවල් කෑම ඕඩර් කරලම යන්න පුළුවන්..

ජැටියට ගියාම එතන තියෙනවා නේවි එකෙන් දාපු බෝට්ටු.. එතන ඉඳලා නාගදීපෙට රු.50/=ක් ගන්නවා බෝට්ටුවට.. වාඩිවෙලා යන්න තමයි තියෙන්නේ..

ඔන්න ඉතිං අපි නාගදීපේ විහාරෙට ආවා..

පෝය දවසක් නිසා සිල් ගන්න එහෙමත් කට්ටිය ඇවිල්ලා හිටියා...

අපි විහාරෙත් වැඳ පුදාගෙන නාගදීපෙ කෝවිල බලන්නත් ගියා..
නාගදීපෙ යන අය හොඳට මතක තියාගන්න ඕන දෙයක් තමයි කුරිකට්ටුවාන් වල ඉඳලා අපි යන බෝට්ටුව යන්නේ නාගදීප පන්සල ගාව තියෙන ජැටියට.. ආපහු එන බෝට්ටුව තියෙන්නේ නාගදීපෙ කෝවිල ගාව තියෙන ජැටියට..

ඔන්න ඉතිං අපි නාගදීපෙ ගිහිල්ලත් ආවා.. එන කොටම ජැටිය ගාව ලංගම බස් එකක් ගහලා තිබ්බා.. ඒකෙ නැගලා අපි යාපනේට ආවා...

එද්දි යාපනේ ටවුන් එකට ඇතුල් වෙන්න කලින් තියෙන වටරවුම ගාවින් බැස්සා.. බැහැලා යාපනේ කොටුව බලන්න ගියා.. කට්ට අවුව නිසා වැඩිය ඇවිදින්න ගියේ නැහැ..

එහෙමම කොටුව බලලා කෙලින්ම ආවා යාපනේ පුස්තකාලෙ බලන්න..

පුස්තකාලේ බලලා ඉස්සරහට ඇවිදගෙන යද්දි ත්‍රීවීල් එකක් තිබ්බා.. නිකමට පොරගෙන් ඇහුවා අපි යන තැන් වල විස්තර කියලා ගාණ කොහොමද කියලා.. හොඳ වෙලාවට ඌට සිංහල ටිකක් පුළුවන්.. යුද්ධේ කාලෙ වැල්ලවත්තේ හිටපු පොරක්..
රු.2500/=ක් කිව්වා.. කතාකරලා රු.1500/=ට අඩු කරගත්තා..
මෙයාගේ නම කරන්.. 0779944224 මේක තමයි නොම්මරේ.. ඕන උනොත් කතාකරලා සෙට් කරගන්න..

එතනින් කෙලින්ම ගියා දඹකොළ පටුන විහාරය බලන්න..

ටිකක් දුර යන්න ඕන.. මේ විහාරය වැදගත් වෙන්නේ සංඟමිත්තා තෙරණියෝ ශ්‍රී මහා බෝධිය ලංකාවට වැඩමවලා තියෙන්නේ දඹකොලපටුන නිසා.. මේක වර්ථමානයේ බලා කියාගන්නේ ශ්‍රීලංකා නාවික හමුදාවෙන්.. එතනම නාවික හමුදාවෙන් පවත්වාගෙන යන හෝටලයකුත් තියෙනවා..

ඉතිං අපි දඹකොල පටුනත් වැඳලා ආපහු ආවා කීරමලේ පොකුණ බලන්න.. මේක මූදට ආසන්නවම තියෙන පොකුණක්.. ඒත් මේකෙ වතුර ලුණු රහ නැහැ කියලා කියනවා.. (මම රහ බලන්න නම් ගියේ නැහැ..) අපි යන දවසේ මේක අලුත්වැඩියා කටයුතු වගේකට වහලා.. නාන්න දෙන්නේ නැහැ..

කීරමලේ පොකුණත් බලලා ආපහු එද්දි අපි දැක්කා කන්කසන්තුරේ සිමෙන්ති කම්හල.. දැන් නම් ඒක වැඩ කරන තත්වයේ නැහැ..

ඊට පස්සේ අපි එන්න ආවා පතුලක් නැති ලිඳ බලන්න.. ඒ එද්දි එලවලු පාත්ති ගොඩාක් දැක්කා.. ඇත්තටම නැති දෙයක් නැති තරම්... පුදුමාකාර සරුවට හැම දෙයක්ම හැදෙනවා මේ පොලවේ..

මේ තමයි පතුලක් නැති ලිඳ.. වතුර කළුම කළු පාටයි..

ඔන්න ඉතිං පතුලක් නැති ලිඳත් බැලුවා.. බලලා ඉවර වෙලා කෙලින්ම ආවා නල්ලූර් කෝවිලට..
අපි එන වෙලාවේ කෝවිලේ විවාහ මංගල්ලයක්..

ඒකත් බලාගෙනම අපි කෝවිල බලන්න ගියා..

ඊට පස්සේ අපි දවල්ට කෑවා.. දවල්ට කනකොට ගොඩක් හවස් උනා.. බඩගින්නක් තිබ්බෙත් නැහැ.. ටවුන් එකේ තිබ්බ US Restaurant එකෙන් තමයි දවල්ට කෑවේ...

එතනින් අපි ආවා යාපනේ දුම්රිය ස්ථානයට.. නිකම් ආවේ බලන්නත් එක්ක.. හරිම ලස්සනට පිරිසිදුව තියෙනවා...

ඊට පස්සේ රියෝ අයිස් ක්‍රීම් එකට ගිහිල්ලා අයිස් ක්‍රීම් කෑවා.. මම කොලඹවත් දැකලා නැහැ මෙච්චර ලොකු අයිස්ක්‍රීම් කඩයක්..
කොල්ලුපිටියේ කානිවල් එක මොකද්ද කියලා හිතෙනවා..
යාපනේ යනවා නම් අනිවා රියෝ එකට ගිහිල්ලා අයිස් ක්‍රීම් කන්න...

ඊට පස්සේ අපි ඇවිල්ලා බස් එකට නැගලා ෆුල් නින්දක් දැම්මා...
මීගමුව හරියෙදි කොන්දොස්තර මහත්තයා ඇහැරවද්දි තමයි දන්නේ..
කටුනායකින් බහිද්දි පාන්දර 3.15 විතර උනා..

ඔන්න ඉතිං ගමන...
උදව් කරපු ඔක්කොටම බොහොම පිං..

යාපනේ යන්න ඉන්න අයට මේක උදව්වක් වේවි කියලා හිතනවා...













​

Click to expand...

creed1 said:

ගාන කොහොමද?

Click to expand...

mudrana said:

බොහොම සාදාරනයි. මම හියේ නල්ලුර් උත්සවේ තියන කාලේ. එතකොට නම් ඩබල් එකක් 4500/- විතර උනා. දවස් 4ක් හිටපු හින්ද 3500/- ගානේ දුන්න. ඔෆ් සීසන් එකට 3000/- කට වගේ ගන්න පුළුවන්. හැබැයි කාමරේ විතරයි. උදේට බෙඩ් ටී එකක් හම්බවෙනවා.

රෙස්ටෝරන්ට් එකක් තියනවා එතනින් කෑම ගන්න පුළුවන්.

කාමර උනත් පිරිසිදුයි. විශේසෙන් ටොයිලට් එක හොඳ කලින්

Click to expand...

Appuham"e" said:

nawathinna hodaie green grass eka,, town eke mai thiyenne
http://jaffnagreengrass.com/

Click to expand...