දෙහෙන කන්දෙන් සිරිපා කරුණා කලෙමු.

මේ පාර හපුගස්තැන්න තේවත්තෙන් ආරම්භ වෙලා ඉවරවෙන්නේ රත්නපුර මාර්ගයේ ඇහැල කණුවට පොඩ්ඩක් පහලින්.
ඒ වෙනකම්ම තනිකර කැලේ මැදින් තමයි යන්න තියෙන්නේ.
ලාවට වගේ අඩි පාරක් තියෙන්නේ. පාර දන්න කෙනෙක් නැතුව යන එකනම් ටිකක් විතර අවදානම්.
අනික යනවනම් 6,7 දෙනෙක් වත් ඉන්න ඔන. මොකද කැලේ මැද්දේ දිවියො එහෙම ඉන්නවා කියනවා. අපිනම් දැක්කේ නෑ.
හැබැයි දිවියන්නේ මලපහ නම් තියෙනවා.
යනකොට අනිවාරයෙන්ම නවතින්න ටෙන්ට් එකකුයි, කූඩැල්ලන්ට ලීච් සොක්සුයි අරන් යන්න අමතක කරන්න එපා.
ලීච් සොක්ස් නැතිව ගියොත් උන්ව අරන් දානවා ඇරෙන්න වැඩක් කරන්න වෙන්නේ නෑ.

ගමන පටන් ගන්න වෙන්නේ හපුගස්තැන්න වත්තෙන්. අපිනම් කැබ් එකේ උඩටම ගියා. නැත්නම් 3කි.මි විතර පයින් යන්න වෙනවා.

මේ තියෙන්නේ තේ වත්ත.

මේ තියෙන්නේ සිරිපා රක්ෂිතයේ මායිම. මේක පහුකරලා ටික දුරක් යනකොට රත් ගග අහුවෙනවා.

​

මේක පහුකරන කොට පොඩි මඩුවක් හම්බ වෙනවා. සමහරු සෝමරත්න අම්බලම කියලා කියනවා. ඇත්තටම මේක තේ දලු දාන්න හදපු මඩුවක්.

ඊට පස්සේ ඉතින් කැලේ. පොඩ්ඩක් වත් රස්නේ නෑ..




පැය බාගයක් විතර යනකොට වේවැල්වත්ත දොල හම්ඛෙනවා.




ඊට පස්සේ ටිකක් විතර කන්ද







කන්ද මැද හරියට වෙන්න වෙල්ලක්කාර ගල්ගේ තියෙනවා. ගල්ගේ කිව්වට නිකන් ගලක්.
මේ හරියෙ තමයි දිවියන් ඉන්නේ. ඒනිසා කට්ටිය එකට යන එක තමා හොද


ටික දුරක් යනකොට තවත් ලෙනක් හම්බ වෙනවා. ඒකනම් ටිකක් විතර ලොකුයි.



මෙතනින් එහාට ටිකක් විතර ලොකු කන්දක්. රත්කන්ද කියලා කියන්නේ.







කන්ද නැග්ගට පස්සේ තමයි බෑන සමනල නිම්නය හම්ඛෙන්නේ. මේ හරියෙ වලස්සු ඉන්නවා කියනවා. කොහොමත් පරිස්සම් වෙන එක හොදයි.







ටික දුරක් යනකොට බාතිය දොල හම්ඛෙනවා.


මේ හරියනම් එච්චර අමාරු නෑ.





තව ටික දුරක් යනකොට මාන කැලේ හම්ඛෙනවා. අපි යනකොටනම් එච්චර කැලේ වැවිලා නෑ. අපරාදෙ අපි කැලේ කපන්න ගමේ දෙන්නෙක්ව අරගෙන ගියා.




මාන කැලේ පහුකරලා පහලට බහිනකොට පලවෙනි පාරට අපි සමනල කන්ද දැක්කා. ඒ වෙනකොට වෙලාව 3ට විතර ඇති.







3.30 වෙනකොට අපි බත්තුලු ඔය ගාවට ආවා. සමහරු මැණික් ගග කියනවා. තවත් අය මහවැලි ගග කියනවා.ඇත්තටම ඒක බත්තුලු ඔය.අපි එදා එතන ඉන්න තීරණය කලා. මොකද අපි කෑම්පින් කරන්න බලාගෙන ගියේ. රෑට කැලේ මැද්දෙන් යන එක ටිකක් භයානක නිසා.




මෙතන නම් මාරම ලස්සනයි. පොඩි දිය ඇල්ලකුත් තියෙනවා.










මාත් ඉතින් වැඩ්ඩා වගේ බැස්සා පහලට.






වතුර නිල් කැටේට.





කකුලුවෝ







ටෙන්ට් ටික






පාන්දර 6.30 වෙනකොට ආයෙමත් ගමන පටන් ගත්තා


















මහගිරි දඹය කොටස





අවසානය. රත්නපුර මාර්ගයට පැමිණීම

දන්නවා බං.
මාස ගනනකින් වැස්ස නෑ කිව්වා. ගමේ උන් දෙන්නෙක්ව එක්කගෙන ගියා.
කෑම්පින් කරන්න පොට් එකක් තියෙනවා ඔතනට ටිකක් උඩින්.
වැස්ස නැති නිසා තමයි ඔතන ගැහුවේ. අනික මැලේ ගහන්නත් ලේසී එතන.​