පින්වත් ex-muslim Ahmed,
මම සතුටු වෙනවා සුදස්සන හිමි ඔය කාරණාව කීම සම්බන්දව. මම කාලයක් තිස්සේ හිත හිතා හිටියේ සංඝ අසමඟියක් ඇති වී ඇත, එය දුරැලීමට කටයුතු කළ යුතුය යන්න භික්ෂූන් වහන්සේලාගෙන්ම නොකියැවෙන තරමට භික්ෂූන් වහන්සේලා පිරිහිලාද කියලා. සමඟිය ඇති කර ගැනීම අපහසු කාරණාවක්. නමුත් අඩු තරමින් ඒ ගැන යොමු වීමක් හරි එහෙමත් බැරිනම් මෙය ගැටළුවක්ය, මෙය විසදිය යුතුය ආදී ලෙස ඒ ගැන වැඩි වැඩියෙන් කතා බහ කිරීමක් වත් කලින් අහන්න දකින්න ලැබුණේ නැහැ. එය හරිම අභාග්යයක්. මංමුළා වූ අය සංඝ සමඟියේ මහත් වටිනාකම ගැන, මහත් ප්රයෝජනය ගැන නොදන්නවා විය හැකියී. සුදස්සන හිමි ඔය විදිහට ඔය කාරණාව ගැන කීමෙන් එහිමියන් සංඝ සමඟියේ වටිනාකම තේරුම් ගත් අයෙකුගේ ගණයට යනවා. සුදස්සන හිමි ප්රඥාවන්ත භික්ෂූන් වහන්සේ නමක් වගේ. භික්ෂූන් වහන්සේලා අතර මෙබඳු භික්ෂූන් වහන්සේලා අලංකාරයි.
සංඝ සමඟිය ඇති කරගන්න නම් ගිහි පාර්ශවයෙනුත් ඊට අනුරූපී තල්ලු කිරීමක් කරන්න ඕනෑ. භික්ෂූන් වහන්සේලා බොරු කීවත් කමක් නැහැ, ඕනෑ දේකට සාධු සාධු කිය කියා හිටියොත් මුළාවූ භික්ෂූන් වහන්සේලා ඉන් ගොඩ ඒමක් කරන්න උත්සාහ ගන්නේ නැහැ. ඒ භික්ෂූන් වහන්සේලා ගිහියන් දෙන ප්රත්යයන්ගෙන් යැපෙමින් ඉන්නා ආකාරයටම සිටීමේ ගැටළුවක් නැහැ නොවැ, කාලා බීලා මොනවා හරි කියවලා මෙහෙම ඉන්න එකට වඩා වෙනස් දෙයකට කුමට වෙහෙසෙන්නදැයි සිතමින් කල් මරණවා. භික්ෂූන් වහන්සේලා එසේ සිතීමෙන් මුදවා සංඝ සමඟිය ඇති කරගන්න නම් ගිහි පාර්ශවයෙනුත් ඊට අනුරූපී තල්ලු කිරීමක් කරන්න ඕනෑ.
මම භික්ෂූන් වහන්සේලා කරන කියන දේ වල අඩු පාඩු ගැන පවසන්නේ එයින් අධර්මය සහ අවිනය යනු මොනවාද, ධර්මය සහ විනය යනු මොනවාද යන්න සමාජ ගත වන නිසා. එය කාලයක් දිගටම කළොත් වැඩි වැඩියෙන් ධර්මය සහ විනය ඉස්මතු වී අධර්මය සහ අවිනය යටපත් වේවි. එය සංඝ සමඟිය ඇති කර ගැනීමටත් පිටුවහලක් වෙවි, සාසනයේ චිරස්තිථියට හේතුවකුත් වේවි. යම් යම් අය මට අපහාස උපහාස කළා කියලා මං මොනවා කරන්නද? එබඳු අය කැමති දෙයක් කියා ගත්තාවෙ. බුදුරජානන් වහන්සේ ඔවැනි දෑ ගැනත් අනුසාසනා කර තිබෙනවා. ඒ අනුසාසනා දුටු මම මහා ගර්ජනා ආවත් නොකැළඹීම මම කර ගෙන ආ වැඩේ කරගෙන යනවා. කුටු කුටු සද්ද ගැන කියන්ඩත් දෙයක් යෑ?
Skylark
