[hemalsilva]

[hemalsilva]

[hemalsilva]

[hemalsilva]

දෙවෙනි ලෝක යුද්ධය කාලේදි හිට්ලර් ගේ ඉංජිනේරුවන් විසින් නිර්මාණය කරන ලද අමුතු වර්ගයේ ගුවන් යානා සහ රොකට් තාකෂණය පිලිබද සකස් කෙරෙණු වාර්තාමය වැඩසටහනක්

[kumu123]

Thanks for updating

[Kubiya2012]

me post ekata man dapu reply eka add wela nehe ai a

[Kubiya2012]

මුලින්ම මේ සංවාදය ආරම්භ කල යසස් සොහොයුරාට මාගේ ස්තූතිය හිමිවනවා එවගේම මෙම සංවාදය සාර්ථකව පවත්වාගෙන යාමට දායකත්වය ලබාදුන් සියලූම සහෝදර සහෝදරියන්ට මාගේ ප‍්‍රණාමය

මම මීට පෙර මෙයට මාගේ ප‍්‍රතිචාරය යොමු කලත් එය ප‍්‍රකාශයට පත්වුනේ නෑ ඒ ඇයි කියලා මම දන්නේ නෑ මෙය පල වේවි කියා මම සිතනවා

මෙම සංවාදය ආරම්භ කල යසස් සොහොයුරා වගේම දායකත්වය ලබාදුන් අනෙකුත් අයගේ මතයේ වුනේ මෙම සංවාදයට අඛණ්ඩව පවත්වාගෙන යාමට නමුත් හදිසයේම මෙම සංවාදය අක‍්‍රීය වෙනවා මෙයට දායකත්වය ලබාදුන් අය එකවර නිහඩවෙනවා අපේ සෑබැ ඉතිහාසය අපෙන් යටපත් වුනා වගේ මෙම සංවාදය හා සංවාදයේ සිටි අය යටපත් වෙනවා

එසේ සිදුවුනේ අහම්බයක්ද ? එසේ නැතහොත් මේ පිටුපස වෙනත් බලවේගයක් පවතිනවාද කියා මගේ සිතේ සැකයක් පවතිනවා

ඒ කෙසේ වුවත් මේ සංවාදයට දායකත්වය ලබාදුන් සහෝදර සහෝදරින් නැවත එකරාශි කරගෙන නව ජවයකින් අපි පෙරට යමු කියා මම යෝජනා කරනවා නවකයන් වශයෙන් මෙයට අපගේ උපරිම දායකත්වය ලබාදෙමින් අපේ සැබැ ඉතිහාසය සොයාගෙන යන මේ ගමනට අප සියලූ දෙනාම එකතු වෙමු

ස්තූතියි

[Kubiya2012]

මම දන්නා විදිහට මහාවංශය ලියපු මහනාම හිමියන් පැමිණියේ දකුණු ඉන්දියාවෙන් වෙනත් රටක ඉතිහාසයක් ලියන්න ඇයි මහනාම හිමියන් ලංකාවට පැමිණියේ එය පිටුපස යම් දේශපාලනික අරමුණක් තිබුනද ?

තවත් කරුණක් මම මෙය අසා තිබෙන දෙයක් මෙහි සත්‍යතාවය පිළිබඳව නිවැරදිව දන්නා කෙනෙක් ඉන්නවා නම් සඳහන් කරන්න මහවිහාරයේ පුර්ණ අනුග‍්‍රහය මත මහනාම හිමියන් මහාවංශය ලියා අවසන් කරන අවස්ථාව පැමිණෙන විට මහවිහාරය වෙත ප‍්‍රබල තර්ජනයක් මතුවෙනවා හෙළ භාෂාවෙන් ලියන ලද ඇතුන් 7 බරකට සමාන පුස්කොළ ගබඩාකර තිබු මහ විහාරය එම පුස්කොළපත් සමඟම ගිනිබත් වෙලා අළු බවට පත් වෙනවා

මම අසා තිබෙන පරිදි මේ අවස්ථාවේදි මහනාම හිමියන්ට අභයගිරියේදී ආරක්ෂාව ලැබෙනවා අභයගිරිය තුලදි තමයි මහනාම හිමියන් මහාවංශයේ අවසාන පරිජේද සම්පුර්ණ කරන්නේ මෙහිදි සිදුවන්නේ හෙළ භාෂාවෙන් ලියා තිබු අපගේ ඉතිහාසය පිළිබඳ පුස්තකයන් විනාශ වී අවසානයේ අපගේ ඉතිහාසය පිළිබඳ මුලාශ‍්‍ර ග‍්‍රන්ථය බවට මහවංශය පත්වීම

මහවිහාරයේ අනුග‍්‍රහයෙන් මහාවංශය ලියන්නට පැමිණි මහනාම හිමියන්ට පසුව අභගිරියේ රැකවරණය ලැබුනේ කෙසේද? ඉන්දීය දේශපාලනික වුවමනාව මත මහවිහාරය හා අභයගිරිය අතර ගැටුමක් වර්ධනය කර මහවිහාරය විනාශ කලා වෙන්න බැරිද ? පසුව අභයගිරියෙන් මහනාම හිමියන්ට රැකවරණය ලැබුනේ ඒ නිසා වෙන්න බැරිද ?

තවද දේශපාලනික වුවමනාවන් වෙනුවෙන් මහනාම හිමියන් පෙනි සිටියාද කියන බලවත් සැකය මතුවන්නේ විජයගෙන් අප පැවතගෙන ඒම හා බුදු හාමුදුරුවන්ට විජයගේ ඇති ඥාතීත්වය දක්වමින් මහාවංශය ආරම්භ කිරිම ඉන්දියාව ඉහළට ඔසවා තබන්නට සිදු කරන ලද්දක් ද? කෙසේ වුවත් මහාවංශයේ සියලූම තොරතුරු අසත්‍ය වන්නේ නෑ එය ඉතාමත් වැදගත් ලේඛණයක් නමුත් එහි බොහෝ ගැටලූ සහගත තැන් මතුවනවා

වර්තමානයෙත් අපට විශේෂයෙන් දකුණු ඉන්දියාවෙන් විශාල දේශපාලනික බලපෑම් මතුවනවා අතීතයෙත් අපට එවැනි බලපෑම් මතුවී තිබෙනවා මහනාම හිමියන්ගේ මහාවංශයේ ප‍්‍රවේශය තුල මෙකී දේශපාලනීක අරමුණු තිබුනා වෙන්න බැරිද ?

[santush13]

After 5 months there is no any post

If I have time, I will come here and check the new post, But thing is there is no new info on thread now, But its OK BZ we know to find new info its hard, I need to tell malaka & yasas and other all please when you come here post at least one letter.

Every body on this thread if you could please listen RAVANA on V FM sunday 7pm on that they discuss about helayugaya

as i remember 107.0 FM

[hemalsilva]

රාවණා ඇල්ල අසල පොළොව යට ජල තටාකයක්

”ඔය ගලට කකුල තියන්න එපා’’, ‘‘ගල බුරුල්වෙලා තියෙන්නේ. මෙතනින් අල්ලගන්න. එහා පැත්ත බලන්න එපා, අඩි තුන්සීයක් විතර වළක් පේනවා’’ අන්ධකාරය කපාගෙන ගුහාව පුරා දෝංකාරය දෙන්නේ මෙත්තානන්දගේ කටහඩයි. එහි දැඩි ආවේගශීලි බවක් දැනුනේ තරුණ පිරිස ගේ නොසැලකිලි බව නිසාවෙන් ගල්කිහිපයක් පහතට වැටීමෙනි. අප පොළොව මට්ටමේ සිට පහතට අවම වශයෙන් කිලෝමීටර් එකක්වත් පැමිණ ඇත.

රාවණා ඇල්ලට මෑත කාලයේ ප‍්‍රසිද්ධියක් ලැබුණේ උමාඔය ව්‍යාපෘති භූමියේ දක්නට ලැබුණු අබිරහස් උමං කටක් නිසාය. අයෙක් එය රාවණා ගුහාව යයි අනුමාන කරති. තවත් අයෙක් පවසන්නේ එහි තුළ නිධන් හා දඩුමොණර යන්ත‍්‍රය ඇති බවකි. උමා ඔය යෝජනාක‍්‍රමයේ ව්‍යාපෘති අධ්‍යක්ෂක අතුකෝරල මහතා පවසන්නේ ව්‍යාපෘති භූමියේ එසේ උමගක් හමුවී නොමැති බවයි. කෙසේවෙතත් දැඩි ආරක්ෂාවක් යටතේ වර්තමානයේ එම ප‍්‍රදේශය ජනමාධ්‍යයට තහනම් කලාපයකි. තත්ත්වය එසේතිබියදී ඇල්ල ප‍්‍රාදේශීය ලේකම් කොට්ඨාසයේ කරදගොල්ල ගම්මානයේ තරුණයන් දෙදෙනකුට කැලෑබදකින් හමුවන්නේ තවත් උමං කටකි. කලාන්තරයක් මුළුල්ලේ සමාජයට වහන්වී පැවතුනු මෙම උමගය තුළ ඇතැයි කියන ජලතටාකය සොයා පසුගිය දිනක අනතුරුදායක ගමනකට අපි මුල පිරුවෙමු.

අප පිරිස 25කි, ගමනේ නඬේගුරා කරදගොල්ලේ මෙත්තානන්දය. ඔහුගේ තීරණය අවසන් තීරණ වන්නේ වතාවක් දෙකක් ඔහු තනිව මෙම උමං කටට බැස තිබූ නිසාය.

ප‍්‍රදේශයට මසක කාලයක් තිස්සේ ඇද හැළුනු වැස්ස තුරන්වූවා පමණි, රාවනා දිය ඇල්ලේ සිට කිලෝමීටරයක් තරම් දුරින් පිහිටි මෙම උමගය තුළට පිවිස එහි ඇතැයි සැලකෙන ජල තටාකාංගණය නැරඹීමේ කුුතුහලයක් මා තුළ පතිතවිය. එය සැබැවින්ම දැඩි අනතුරුදායක ගමනකි. එය කංසා වගා කරුවන් මුණගැසීමට ගිය ගමනටත් වඩා අනතුරුදායකය. එහෙත් මෙය රටට හෙළිකළ යුතුයි. එහි ප‍්‍රථිඵලයක් වශයෙන් මෙම වනවිට අප උමග තුළට කිලෝමීටර් එකකට අධික දුරක් පැමිණ ඇත.

උමගය තුළට යාමට අවශ්‍ය ආලෝකය අප සපයා ගත්තේ බෝතල් කිහිපයකට ලාම්පුතෙල් පුරවා පොල්මුඩු ගසා සාදාගත් පන්දම් කිහිපයකිනි. ඊට අමතරව මා මිත‍්‍ර කපිල ගෙනවිත් තිබූ අධි ආලෝක විදුලි පන්දම් අපට බෙහෙවින් ප‍්‍රයෝජනවත් විය. උමං කට ගල් දේබොක්කාවකින් සෑදී ඇති අතර එහි තුළට මීටර් 20ක් පමණ ගමන් කළවිට පහතට බැසියයුතු තැන් කිහිපයක් හමුවෙයි. ඇතැම් තැන් බෙහෙවින්ම අනතුරුදායකය.

කඹ යොදා සීරුවෙන් කුඩා විවරයෙන් අපි පහළට බැස ගතිමු. පැය තුනකට ආසන්න ගමනකින් පසු සිය දෙනෙකුට පමණ පහසුවෙන් නැවතී සිටිය හැකි ආකාරයේ විශාල කුටියක් අපට හමුවිය. පොළොවේ සිට එහි පියස්ස මීටර් 20 ක් තරම් උසකින් යුක්තය. අප එහිතුළට වී මඳක් ගිමන් හැරියෙමු. වෙනත් උමං තුළට ගමන් කරන විට වාතාශ‍්‍රය අඩුවුවත් මෙම උමගය තුළ වාතාශ‍්‍රයේ වෙනසක් නොවීම විශේෂ බව කිව යුතුයි.

‘‘දැං හරි අප යං’’ මෙත්තානන්ද පවසයි. ‘‘එක එක්කෙනා එන්න’’ යයි පවසා, ගල් බිත්තියේ වූ සිදුරකින් රිංගු ඔහුගේ විධානයෙන් අපි එකිනෙකා ගමන් කළෙමු. කුහරය අඩි දෙකකි, නළයක්මෙන් පහතට විහිදී ඇත. මුලින්ම කකුල් දෙක කුහරයට ඇතුළුකොට උඩුබැලි අතට ගමන් කිරීමට සිදුවිය. එය බෙහෙවින් දුෂ්කර කටයුත්තකි. මුහුණත් ගල් රැුන්දත් අතර පරතරය අඟල් හයකි. තට්ටම් ප‍්‍රදේශය උපයෝගිකොටගෙන අඩි විසි පහක් ගමන් කිරීම ශරීරයට දැඩි වේදනාවක් ගෙන දෙන්නක් විය.

එම ගමනින් පසු පහසුවෙන් සිටගෙන ගමන් කිරීමට හැකිවන පරිදි උමග නිම වී ඇති තැනින් පහතට තවත් කිලෝමීටර් කිහිපයක් අවදානම් ගමනකින් පසු එක්තරා ස්ථානයක නැවතුනු මෙත්තානන්ද ගලක් පහතට දැමීය. ගල වැටුණේ වතුර වළකට බව අපට අවබෝධ විය.

එදෙසට විදුලි පන්දම් අලෝකය යොමුකළ අපට දිස්වූයේ දර්ශනීය ජල තටාකයකි. විදුලි පන්දම් ආලෝකයට එම ජලය නිල්පාටට දිස්වන්නට විය. සියලූදෙනා කළේ විල අසලට බැස අතපය සේදීමයි ජලය දැඩි සීතලය.

මෙත්තානන්ද සිය කටහඬ අවදිකරයි. ‘‘අපි පුංචිකාලේ තාත්තලා සීයලා කියා තියෙනවා කැලේ ඇති උමං ගැන, ඒවාට ගලක් දැම්මම ටිකවේලාවකින් තමයි ශබ්දය එන්නේ කියලත් කියා තියෙනවා. නමුත් තියෙන තැන් කාටවත් ඔවුන් පෙන්වූයේ නෑ. නමුත් මට මේ උමගක් තුළට යන්නට සිතුණා. පසුගිය දිනක තවත් මල්ලී කෙනෙක් එක්ක මං උමග තුළට පිවිසුනා. පාර සොයාගෙන තමයි ගියේ. පැය ගණනාවක් ගමන් කිරීමෙන් පසු තමයි දැක්කේ වතුරවළක්, ළඟටම ගියාම පුදුම හිතුනා. එය ජලයෙන් පිරුණු විශාල පොකුණක්, එයට එහායින් තවත් විශාල කාමරයක් තියෙනවා. 500කට 600 කට ඉන්න පුලූවන්. මේ ආකාරයට උමග තුළට ගමන් කරන්න පුලූවන්. නොදන්න කෙනෙක් ගියොත් ආපසු එනවා බොරු, ඇතැම් වළවල්වලට ගලක් දැම්මාම විනාඩි කිහිපයකට පස්සේ තමයි ශබ්දය ඇසෙන්නේ. එතරම් ගැඹුරුයි’’ යයි මෙත්තානන්ද පවසයි.

උමගය සැබවින්ම විශ්මය ජනකය. ජලතටාංකාංගණය වෙත යාමට අවම වශයෙන් කිලෝමීටර් දෙකක් කන්ද තුළට යා යුතුය. එය බෙහෙවින් අවදානම් ගමනකි. යම් හෙයකින් උමගය තුළ පාර වැරදුණොත් නැවත ආපසු සොයාගැනීම හීනයක් බදුය. නිසල දියෙන් දිය දෝතක් පානය කළ මා ප‍්‍රශ්න කන්දරාවක් මෙනෙහි කරමින් ආපසු ගමන් ඇරඹිමි.

බදුල්ල දිස්ත‍්‍රික්කයේ ප‍්‍රථම ආන්දෝලනාත්මක උමග හමුවූයේ 1997 වර්ෂයේදීය. එය පිහිටා තිබුණේ ඉදල්ගස්හින්න දුම්රිය ස්ථානයට යටින්ය. එදා ගමනේ නඬේගුරා වූයේ මා හිතවත් පාලිත ආරියවංශයන්ය. ඇල්ල යනු ඌවේ ප‍්‍රධාන විදෙස් සංචාරක කේන්ද්‍රස්ථානය වශයෙන් පිළිගනී. මෙම උමං තුළ පුරාවිද්‍යා වටිනාකමක් ඇද්දැයි සොයා බැලීම අදාළ බළධාරීන්ගේ යුතුකමකි. එය උමංකට දෙස බලා නොව එහි අභ්‍යන්තරයට ගමන් කරමින් පරීක්ෂාකර බැලීම මගින්ය. රජය සංචාරක කර්මාන්තය නගා සිටුවීමට දැඩි වෙහෙසක් දරන සමයේ මෙම උමං කිහිපය අනාගතයේ යම් දිනක විදෙස් සංචාරකයන්ට විවෘත වුවහොත් ප‍්‍රදේශයට සංචාරකයන් තව තවත් ගෙන්වා ගැනීමට එය වඩා මහෝපකාරීවනු ඇත.

ලංකාදීප