සුන්දර බෝඹූරු ඇල්ල

සුන්දර බෝඹූරු ඇල්ල​

2018 ජූනි මාසෙ ලැබුන නිවාඩු ටික එක්ක ප්ලෑන් කරන් මම සුපුරුදු පරිදි ට්‍රිපක් යන්න ලෑස්ති වුනා.. මේ පාර අපි ආරුක්කු නවය පාලම, පුංචි සිරීපාදෙ, බෝඹූරු ඇල්ල කියන තැන් ටික බලන්න යන්න තමයි ලෑස්ති වුනේ. කොහොම හරි ඒ ගමන ඒ හිතුව විදිහටම සාර්ථකව කරගන්න පුලුවන් උනා. මේ විස්තරේ දාන්නේ ඒ අපි නරඹන්න ගිය සුන්දරම තැනක් වෙන බෝඹූරැ ඇල්ල ගැනයි..

(ඉමේජ් වල සයිස් ලොකු වැඩියි...වැඩිය ගණන් ගන්නෙපා)

ඌව-පරණගම ප්‍රාදේශීය ලේකම් කොට්ඨාශයේ සීතා එළිය කන්දපොලා වන රක්ෂිතයේ පිහිටි
සුන්දර දිය ඇල්ලක් වන බෝඹුර ඇල්ල, පේරවේල්ල ඇල්ල යනුවෙන්ද හැඳින්වේ. මෙය නුවරඑළිය සහ බදුල්ල දිස්ත්රික්කවල ආසන්න වශයෙන් කිලෝමීටර් 15 ක් පමණ දුරින් වැලිමඩ නගරයට ආසන්නව පිහිටා ඇත. බෝඹූරු ඇල්ල ලංකාවේ පළලින් විශාලතම දිය ඇල්ලකි. මෙය මුහුදු මට්ටමේ සිට මීටර් 1500 සහ 2000 ක් අතර පිහිටා ඇත.



https://www.google.lk/maps/dir/Bomburuella+Waterfall/Welimada/@6.9251433,80.8352301,13z/data=!4m14!4m13!1m5!1m1!1s0x3ae47f6ce01e48c5:0x1c720b8e664b05fa!2m2!1d80.8307853!2d6.9473693!1m5!1m1!1s0x3ae47be640e7a3f3:0xf86a0d5993aefe9d!2m2!1d80.9079245!2d6.9019072!3e0

වැලිමඩ දෙසින් පැමිණෙන කෙනෙකුට වැලිමඩ - පුස්සැල්ලාව මාර්ගය ඔස්සේද, නුවරඑලිය දෙසින් පැමිණෙන අයෙකුට හග්ගල මල් වත්ත පහුකරල ටික දුරක් එද්දි මුණ ගැහෙන ගලහගම හන්දියෙන් වම්පැත්තෙ පහළට තියෙන රේන්දපොල ගලහගම පාරෙන් කි.මී.7 ක් විතර ගියාම මේ සුන්දර බෝඹුරු ඇල්ල බලන්න යන ඒ සුන්දර ගම්මානෙට යන්න පුලුවන්.












එතනින් එහාට ඇවිදගෙන යන්න තියෙන නිසා අපේ වාහන නවත්තල අපිට ගමන ආරම්භ කරන්න පුලුවන්. බෝඹුරු ඇල්ලට ඒ ප්ලේස් එකේ ඉදන් කි.මී. බාගයයි කියල ගහල තිබ්බට කි.මී 1-2 අතර දුරක් අපිට ඇවිදන් යන්න වෙනවා ගම්මානෙ මැදින්..











උඩින් දිය ඇල්ලේ ගලා හැලෙන වතුර පාරට වම් පැත්තෙන් අපිට ටික දුරක් යන්න පුලුවන් ඒ සුන්දරත්වය අත්විදිමින්.







ඊට පස්සෙ ඇල්ලෙ මුදුනට යන්න ටිකකට කලින් අපිට ඒ වතුර පාර හරහා අනිත් පැත්තට ක්‍රොස් වෙන්න පොඩි කොන්ක්‍රීට් බැම්මක් තියෙනවා. හැබැයි ඒක හරහා යන්නන් වාසනාවත් තියෙන්න ඕනි. වතුර වැඩි කාලෙට ඒක හරහා යන්න බැහැ. එහෙම වුනොත් ආපු විදිහටම වතුර පාරට වම් පැත්තෙන් තව ටිකක් උඩට ගිහින් ඇල්ලෙ වම් පැත්තෙන් ඇල්ලෙ සුන්දරත්වය බලල එන්න වෙනවා. ඒත් ඇල්ලෙ නියම සුන්දරත්වය බලාගන්නන් අර බැම්ම හරහා දකුණු පැත්තට යන්නම වෙනවා. අපි ගිය දවස් වල ඒ බැම්මෙ ටිකක් විතර වතුර පිරිලා. අපේ වාසනාවට අපිට පුලුවන් උනා එහා පැත්තට යන්න..







ඒ පැත්තට ගියාම තමයි හිතාගන්න බැරි ලංකාවේ මෙච්චර ලස්සන තැන් තියෙනවද කියල.. පට්ට ලස්සනයි. දිය ඇල්ල එක්කම ඒ දිය ඇල්ලට දකුනු පැත්තෙන් දියෙන තණකොල පිට්ටනිය වගේ ප්‍රෙද්ශය නන් අපූරුවට ගැලපෙනවා. තනිකරම දිව්‍යෙලා්කයක් වගේ.. ලංකාවෙ ඉපදිලා මේ වගේ තැනක් බලන්න නොගිහින් ඉන්නව කියන්නෙ වැඩක් නැහැ. යන්නම ඕනි තැනක්.








































































ඉතින් උඹලත් නිවාඩුවක් තියෙන වෙලාවක ගිහින් බලලම එන්න වටින තැනක්..
තැනින් තැන ප්ලාස්ටික බෝතල්, අරක්කු බෝතල් කුණු එහෙම එකතු වෙන්න පටන් අරන්..ඒත් තාම මෙතන එච්චරම නාස්ති වෙලා නැහැ. දැන්ම ගියොත් ඒ සුන්දරත්වය බලාගන්න පුලුවන්. නැත්නන් තව ටික කාලෙකින් ගන්නම දෙයක් නැති වෙයි..

එහෙනන් ආයිත් ලස්සන සංචාරයකින් සෙට් වෙමු..
​