සිරිපා හිමයේ ගෙවුණු දෙදවසක්
සිරිපා හිමයේ ගෙවුණු දෙදවසක්.....
කොහොමද අපේ එළකිරියේ කට්ටියට. ටික දවසකින් සංචාරක නූලක් ලියන්න බැරි වුන නිසා අද හිතුව මම ගියපු තවත් ලස්සන ගමනක් ගැන විස්තර ඔයාලට කියන්න.
අපේ රිච්ලයිෆ් සහෝගේ '' සිරිපාදේ සමනල කන්ද පෙනේ '' ත්රෙඩ් එකත් එක්ක මම අද කියන කතාවේ පොඩි සම්බන්ධයකුත් තියේ.
අපේ අවාරේ සිරිපාද ගමන.
මුලින් මම මෙහෙම පොඩි ආරම්භයක් ගන්නම්. සිරිපාදය කියන්නේ ශ්රීලාංකික අපිට දෙවිදිහකට වැදගත් පුජනිය ස්ථානයක්.
ආගමික හා මිනිසුන්ගේ නොමඳ ආදරයට පාත්ර වුනු තැනක් සහ ජෛව විවිධත්වය අතින් ලංකාවේ තියෙන ඇති සුවිශේෂීම පරිසර පද්ධතියක්.
තවමත් සමනල අඩවියෙන් පර්යේෂණ මට්ටමේ සහ හඳුනා නොගත් ජීවී විශේෂ තියෙනවා.
ආගමික අරමුණකින් යම් කෙනෙක් සිරිපාදය යන්න අදහස් කරගෙන ඉන්නවා නම් සිරිපාද වාරයේ තමා යන්න ඕනේ. මොකද සිරිපතුල විවෘත කරන්නේ වාරෙට විතරයි.
නමුත් අපි මේ ගමන ගියේ ආගමික අරමුණකින් නම් නෙවේ.මේ මගේ දෙවෙනි සිරිපාද ගමන.
නමුත් මේ කියන ගමන හරිම ලස්සන වගේම බොහොම වාසනාවන්ත ගමනක් වුනා.
විශේෂයෙන් සමනල අඩවියේ සුන්දරත්වය දකින්න අරමුණෙන් තමා අපි සිරිපාදේ නැග්ගේ. අපි මේ ගමන ගියේ 2015 නොවැම්බර්.
මේ ගමන සැලසුම් කරන්න කලින්, දවසක් මම එළකිරියේ ත්රෙඩ් අතරේ සැරිසරද්දී ( අමුත්තෙක් විදිහට) රත්නපුර පාරෙන් සිරිපාදේ ගියපු ගමනක් ගැන ත්රෙඩ් එකක් කියවල ඒක බුක්මාර්ක් කර ගත්තා.
පස්සේ අපි අවාරේ සිරිපා ගමන සැලසුම් කරද්දී අපිත් තීරණය කළා රත්නපුරා පාරෙන් උඩට නගින්න. ඒ තීරණේ ගත්තේ අර ත්රෙඩ් එක කියෙව්වට පස්සේ.
අන්න ඒ ත්රෙඩ් එක තමා රිච්ලයිෆ් ගේ '' සිරිපාදේ සමනල කන්ද පෙනේ '' නූල. (ස්තුතියි මචන් ).
මගේ ගමේ හොඳම මිත්රයත් උගේ මල්ලිත්, තව මගේ ඔෆිස් එකේ යාලුවෙක් සහ මම ඔක්කොම අපි 04 දෙනයි.
අවශ්ය බඩුමුට්ටු ( කඳවුරු බැඳීමක් වත්,විනෝද ගමනක් වත් නොවන නිසා අපි උයන්න පහසු වෙන්න භූමිතෙල් ලිපක් එකතු කර ගත්ත ) පොදි ගහගෙන සිකුරාදාවක රෑ කොළඹින් රත්නපුරේට එද්දී පාන්දර වුනා.
රත්නපුරෙන් සිරිපාගමට ඇවිදින් එතනින් තමා අපි ගමන පටන් ගත්තේ.
අපි ගමන පටන් ගනිද්දී බොහොම පැහැබරව තිබුණු කාලගුණය උඩට යද්දී පොඩ්ඩක් වැහිබර, තුනී මීදුම් ගතියක් පෙන්නුම් කළා වුනත් මුළු දවස් දෙකම
බොහොම යහපත් කාලගුණයක් තිබුනේ.ඉතින් ගමන පුරා ගනිපු පොටෝ ටිකක් ඔයාලට පෙන්නන්නම්.
රත්නපුරෙන් ශ්රී පලාබද්දල සිරිපාගමට
සිරිපාගමින් ගමන පටන් ගන්නට පෙර
මේ තමා කුණුදිය පර්වතය. ජනප්රවාදයක් තියෙනවා බුදුන් වහන්සේ සිරිපතුල තියන්න මුලින් වැඩියේ කුණුදිය පව්වටලු, නමුත් මුදුනේ මැරුණු ගැරඬි කුණකින් ඕජස් වැහෙනවා දුටු නිසා ඒ අදහස අත් හැරලා සිරිපාදයට වැඩියාලු.
සිරිපාගම සමන් දේවාලය
පඩි දිගේ උඩට ගමන. රත්නපුර පාර දිගටම පඩි. මුළු දුර ආසන්න වශයෙන් කිලෝමීටර් 8 හෝ 9 අතර.
කොකටිය කන්ද නැවතුම
රත්නපුර මුළු පාරම පඩි සකස් කරලා තියෙන්නේ ශ්රී. යුධ හමුදාවේ ඉංජිනේරු බලකාය විසින්. ඒ මහත්තුරුන්ට පිං අත් වෙන්න ඕනේ ඒ මහා දුෂ්කර වෑයමට.
අපේ ඊළඟ නැවතුම උනේ ලිහිනිහෙල අම්බලම. ඔය පොටෝ එකේ ඉස්සරහ තියෙන්නේ ලිහිණි හෙළ.ඔතන හෙන ප්රපාතේ. අපිත් ඉතින් ''ලිහිණි අක්කේ අපි ගිහින් එනෝ '' කියල කෑගහල දෝන්කාරේත් අහල ආපහු උඩට යන්න පිටත් වුනා.
වලිකුකුළා. අපේ රටේ ජාතික පක්ෂියා.
ඊට පස්සේ අපේ නැවතුම වුනේ කටුකිතුල වංගුව
මේ ඉන්නේ වලිකුකුලගේ ගෑනු සතා. මෙයාල කිහිප දෙනෙක්ම අපේ පස්සෙන් ටික දුරක් ආව.
අවාරෙත් අන්තිම කාලවකවානුව නිසා තරමක් දුරට යටි රෝපණය වැවිල තිබුන.
සෙවනැලි ඡායාරුප / nature silhouette art
ඔය විදිහට තරමක් සෙමින් අපි ටික ටික උඩට නැග්ගා. මොකද අපි සැරින් සැරේ නැවතී නැවතී අවධානයෙන් වගේම සුන්දරත්වය විඳිමින් ඇවිද්දේ.
ඔහොම දවල් වෙද්දී අපි කළුගඟ ආරම්භක තැනට සේන්දු වුනා.
අර කවියක් එහෙමත් තියෙන්නේ,
මහවැලි, කැළණි, කළු වලවේ යන ගංගා
සමනොළ ගිරි මුදුනින් පැන නැංගා.
එහෙම කිව්වට කළු ගඟ විතරයි සිරිපාද කඳු මුදුනෙන් ආරම්භ වෙන්නේ.මහවැලි ගඟ සහ වලවේ ගඟ හෝර්ටන් තැන්නෙන් ( වලවේ ගඟ බෙලිහුල්ඔය හා සමනල වැවෙන් පෝෂණයේ වෙනවා ) කැළණි ගඟ මාඋස්සාකැලේ සහ කාසල්රී ජලාශ වලින් ආරම්භ වෙන්නේ. නමුත් ඉතින් ඒ ජලාශ පෝෂණය වෙන්නෙත් සමනල අඩවිය සහ හෝර්ටන් තැන්නෙ ජල පෝෂක වලින්.
කළුගඟ සටහන් කරපු සිමෙන්ති පුවරුව.
කොහොම කලත් දෙයක් ගවේෂණය කරන්න තියෙන ආසාව නිසාම අපි මේ පුවරුව ලඟින් කැලේ කඩාගෙන දිය පාර දිගේ උඩටම ගියා.
එක නම් ටිකක් අමාරු ගමනක් වුනා, මොකද සෑහෙන ඝනවරේට යටි රෝපණය වගේම බට පඳුරු නිසා. ඔහොම විනාඩි දහයක් පහලවක් විතර යද්දී නිශ්චිත දිය පාර වෙනුවට තැන තැන දිය සීරාව එක්ක මඩ තමා දකින්න ලැබුනේ.
දිය පාර ඔස්සේ උඩට. මෙතන ඉඳල ගහපු පොටෝ ඔක්කොම වගේ හෙලවිලා.
ඔහොම ගිහින් ගිහින් අවසානයේ අපි නැවතුනේ මෙන්න මෙතන. මේ ගලට යටින් තමා වතුර පාර නිශ්චිත විදිහට ගලාගෙන එන්න පටන් ගන්නේ.
මෙතනින් උඩ දිගටම දිය සීරාව මිසක් නියමිත ජල ප්රවාහයක් දකින්න ලැබුනේ නෑ. එක නිසා මම විශ්වාස කරනවා කළු ගඟේ දිය උල්පත මේ කිට්ටුවම තමා ඇත්තේ කියල. මේක දකින්න ලැබුණු එකට මම අදටත් පුදුම විදිහට සතුටු වෙනවා. ගමන පුරාවටම ගහපු වැදගත්ම පොටෝ එක.
කළු ගඟේ ආරම්භක දියවර
තරමක් අපැහැදිලි වුනත් මම මේ පොටෝ එක දානවා, මොකද මේක මට ගොඩක් වටිනා නිසා
official kaluganga selfie
එතනින් පස්සේ අපි තරමක් වේගයෙන් උඩට පිය නැගුවා. මොකද රෑ වෙන්න කලින් උඩමළුවට සේන්දු වෙන්න ඕනේ නිසා.
දිය බෙත්ම
කෝඩුකාරයෝ නොවුනත් අපි ගෙත්තමක් කරලම පිටත් වුනා
ගෙත්තම්පානෙන් පිටත් වෙන්න හදද්දී පොඩ්ඩක් වැස්සා. ඒත මිනිත්තු පහක් දහයකින් එහෙමම තුරල් වෙලා ගියා.
ධර්මරාජ ගලේ පඩි ගනිමින්. මේක කවදාවත් හරියට ගනින්න බැලූ.වරදිනවලු. අපි නම් ඉතින් ඕක ගනින්න ගියේ නෑ ඔය කිව්වට
මීදුම
මේ පර්වතය නම් මොකක්ද දන්නේ නෑ ??
ගමනේ පලවෙනි වතාවට සිරිපාද මුදුන දකින්න ලැබුන
ඔහොම දිගටම නගින කොට සීත ගඟුලටත් කිට්ටු වුනා.ඇඟ හිරිවැටෙන සීතලේ වුනත් අපි දෙහි ඔලුවේ ගාලා සීත ගඟුලේ නාලා අම්බලමෙන් ටිකක් නැවතිලා දවල්ට පාන් එක්ක මාමයිට් ටිකක් කාලා තමා ගමනේ ඉතුරු ටික පිටත් වුනේ.
සීතල වුනත් හොඳට නාගත්තා
හැරමිටිපානට ගොඩ වුනා.
හැරමිටිපාන අම්බලම.
ගල්වංගෙඩිය අම්බලම හා තොරණ
හැරමිටිපානෙන් පස්සේ අපි දිගටම ඇවිදින් ඊට පස්සේ නතර වුනේ මෑල්ලමල කඳුරේ. මේ වෙනකන් ගමන පුරාවටම අපිට මනුස්සයෙක් දකින්න ලැබුනේ එතැනදී. වාරය කිට්ටු නිසා කඩ හිමියෙක් එයාගේ කඩේ නිර්මාණය කරන්න අවශ්ය බඩුමුට්ටු අරගෙන හැටන් පැත්තෙන් ඇවිත් මෙතනට බැහැල විවේක ගන්නවා.
මෑල්ලමල කඳුර
රත්නපුර පාරෙන් සිරිපා කරුණා කරන කෙනෙකුට මහගිරිදඹේ ට කලින් අවසන් වරට හම්බුවෙන අම්බලම.
වලාකුලුවලට එපිටින් පේන්නේ කුණුදිය පව්වේ මුදුන
කුණුදිය පව්ව
වමේ ඉඳල පිලිවෙලින් බෑන සමනල, ධර්මරාජගල සහ කුණුදිය පව්ව
ඇහැළ කණුවට සේන්දු වුනා. මෙතන ඉඳල තමා මහගිරිදඹේ ආරම්භ වෙන්නේ
වලාකුලුවලට එපිටින් ඉර බැහැගෙන දර්ශනය සිරිපා කන්දේ ඉඳල. ජීවිතේ දැකපු ලස්සනම දර්ශනයක්.
මේ ලස්සන කවදාවත් අමතක වෙන්නේ නම් නෑ
මහගිරිදඹේට රාස්සිගේ අව්ව වැටෙන හොරාවේම වගේ අපි උඩ මළුවට සේන්දු වුනා. ඒ ඇවිදින් මළුවේ වැඩ වාසය කරන ස්වාමින්වහන්සේ දැනුවත් කරලා අවසර එහෙම ගත්තා. උන්වහන්සේ අපිට එදා රෑ නවතින්න ශාලාව එහෙම ලැස්ති කරලා රෑට කෑමට අවශ්ය ව්යංජන පවාදුන්නා.උන්වහන්සේට බොහොමත්ම පිං.අපි වගේම නමුත් ආගමික අරමුණෙන් එදා සිරිපාදය කරුණා කරපු තවත් නඩයක් අපිට කලින් මළුවට ඇවිදින් තිබුන.හැටන් පාරෙන්.
ඉතින් එදා බොහොම වෙහෙසකර දවසක නිමාව මෙසේ සටහන් වුනා.බිමට පැදුර එහෙම දාගෙන අපි ඉක්මනට නින්දට වැටුනා, මොකද උදෑසනින්ම ඉර සේවය දකින්න ලොකු බලාපොරොත්තුවක් හිතේ තිබුන.
ඔය ඈතින් පෙන්නේ කොළඹ නගරයේ ලයිට් ලු. හාමුදුරු නම තමා අපටත් කිව්වේ.
සිරිපා හිමයේ ගෙවුණු දෙදවසක්.....
කොහොමද අපේ එළකිරියේ කට්ටියට. ටික දවසකින් සංචාරක නූලක් ලියන්න බැරි වුන නිසා අද හිතුව මම ගියපු තවත් ලස්සන ගමනක් ගැන විස්තර ඔයාලට කියන්න.
අපේ රිච්ලයිෆ් සහෝගේ '' සිරිපාදේ සමනල කන්ද පෙනේ '' ත්රෙඩ් එකත් එක්ක මම අද කියන කතාවේ පොඩි සම්බන්ධයකුත් තියේ.
අපේ අවාරේ සිරිපාද ගමන.
මුලින් මම මෙහෙම පොඩි ආරම්භයක් ගන්නම්. සිරිපාදය කියන්නේ ශ්රීලාංකික අපිට දෙවිදිහකට වැදගත් පුජනිය ස්ථානයක්.
ආගමික හා මිනිසුන්ගේ නොමඳ ආදරයට පාත්ර වුනු තැනක් සහ ජෛව විවිධත්වය අතින් ලංකාවේ තියෙන ඇති සුවිශේෂීම පරිසර පද්ධතියක්.
තවමත් සමනල අඩවියෙන් පර්යේෂණ මට්ටමේ සහ හඳුනා නොගත් ජීවී විශේෂ තියෙනවා.
ආගමික අරමුණකින් යම් කෙනෙක් සිරිපාදය යන්න අදහස් කරගෙන ඉන්නවා නම් සිරිපාද වාරයේ තමා යන්න ඕනේ. මොකද සිරිපතුල විවෘත කරන්නේ වාරෙට විතරයි.
නමුත් අපි මේ ගමන ගියේ ආගමික අරමුණකින් නම් නෙවේ.මේ මගේ දෙවෙනි සිරිපාද ගමන.
නමුත් මේ කියන ගමන හරිම ලස්සන වගේම බොහොම වාසනාවන්ත ගමනක් වුනා.
විශේෂයෙන් සමනල අඩවියේ සුන්දරත්වය දකින්න අරමුණෙන් තමා අපි සිරිපාදේ නැග්ගේ. අපි මේ ගමන ගියේ 2015 නොවැම්බර්.
මේ ගමන සැලසුම් කරන්න කලින්, දවසක් මම එළකිරියේ ත්රෙඩ් අතරේ සැරිසරද්දී ( අමුත්තෙක් විදිහට) රත්නපුර පාරෙන් සිරිපාදේ ගියපු ගමනක් ගැන ත්රෙඩ් එකක් කියවල ඒක බුක්මාර්ක් කර ගත්තා.
පස්සේ අපි අවාරේ සිරිපා ගමන සැලසුම් කරද්දී අපිත් තීරණය කළා රත්නපුරා පාරෙන් උඩට නගින්න. ඒ තීරණේ ගත්තේ අර ත්රෙඩ් එක කියෙව්වට පස්සේ.
අන්න ඒ ත්රෙඩ් එක තමා රිච්ලයිෆ් ගේ '' සිරිපාදේ සමනල කන්ද පෙනේ '' නූල. (ස්තුතියි මචන් ).
මගේ ගමේ හොඳම මිත්රයත් උගේ මල්ලිත්, තව මගේ ඔෆිස් එකේ යාලුවෙක් සහ මම ඔක්කොම අපි 04 දෙනයි.
අවශ්ය බඩුමුට්ටු ( කඳවුරු බැඳීමක් වත්,විනෝද ගමනක් වත් නොවන නිසා අපි උයන්න පහසු වෙන්න භූමිතෙල් ලිපක් එකතු කර ගත්ත ) පොදි ගහගෙන සිකුරාදාවක රෑ කොළඹින් රත්නපුරේට එද්දී පාන්දර වුනා.
රත්නපුරෙන් සිරිපාගමට ඇවිදින් එතනින් තමා අපි ගමන පටන් ගත්තේ.
අපි ගමන පටන් ගනිද්දී බොහොම පැහැබරව තිබුණු කාලගුණය උඩට යද්දී පොඩ්ඩක් වැහිබර, තුනී මීදුම් ගතියක් පෙන්නුම් කළා වුනත් මුළු දවස් දෙකම
බොහොම යහපත් කාලගුණයක් තිබුනේ.ඉතින් ගමන පුරා ගනිපු පොටෝ ටිකක් ඔයාලට පෙන්නන්නම්.
රත්නපුරෙන් ශ්රී පලාබද්දල සිරිපාගමට
සිරිපාගමින් ගමන පටන් ගන්නට පෙර
මේ තමා කුණුදිය පර්වතය. ජනප්රවාදයක් තියෙනවා බුදුන් වහන්සේ සිරිපතුල තියන්න මුලින් වැඩියේ කුණුදිය පව්වටලු, නමුත් මුදුනේ මැරුණු ගැරඬි කුණකින් ඕජස් වැහෙනවා දුටු නිසා ඒ අදහස අත් හැරලා සිරිපාදයට වැඩියාලු.
සිරිපාගම සමන් දේවාලය
පඩි දිගේ උඩට ගමන. රත්නපුර පාර දිගටම පඩි. මුළු දුර ආසන්න වශයෙන් කිලෝමීටර් 8 හෝ 9 අතර.
කොකටිය කන්ද නැවතුම
රත්නපුර මුළු පාරම පඩි සකස් කරලා තියෙන්නේ ශ්රී. යුධ හමුදාවේ ඉංජිනේරු බලකාය විසින්. ඒ මහත්තුරුන්ට පිං අත් වෙන්න ඕනේ ඒ මහා දුෂ්කර වෑයමට.
අපේ ඊළඟ නැවතුම උනේ ලිහිනිහෙල අම්බලම. ඔය පොටෝ එකේ ඉස්සරහ තියෙන්නේ ලිහිණි හෙළ.ඔතන හෙන ප්රපාතේ. අපිත් ඉතින් ''ලිහිණි අක්කේ අපි ගිහින් එනෝ '' කියල කෑගහල දෝන්කාරේත් අහල ආපහු උඩට යන්න පිටත් වුනා.
වලිකුකුළා. අපේ රටේ ජාතික පක්ෂියා.
ඊට පස්සේ අපේ නැවතුම වුනේ කටුකිතුල වංගුව
මේ ඉන්නේ වලිකුකුලගේ ගෑනු සතා. මෙයාල කිහිප දෙනෙක්ම අපේ පස්සෙන් ටික දුරක් ආව.
අවාරෙත් අන්තිම කාලවකවානුව නිසා තරමක් දුරට යටි රෝපණය වැවිල තිබුන.
සෙවනැලි ඡායාරුප / nature silhouette art
ඔය විදිහට තරමක් සෙමින් අපි ටික ටික උඩට නැග්ගා. මොකද අපි සැරින් සැරේ නැවතී නැවතී අවධානයෙන් වගේම සුන්දරත්වය විඳිමින් ඇවිද්දේ.
ඔහොම දවල් වෙද්දී අපි කළුගඟ ආරම්භක තැනට සේන්දු වුනා.
අර කවියක් එහෙමත් තියෙන්නේ,
මහවැලි, කැළණි, කළු වලවේ යන ගංගා
සමනොළ ගිරි මුදුනින් පැන නැංගා.
එහෙම කිව්වට කළු ගඟ විතරයි සිරිපාද කඳු මුදුනෙන් ආරම්භ වෙන්නේ.මහවැලි ගඟ සහ වලවේ ගඟ හෝර්ටන් තැන්නෙන් ( වලවේ ගඟ බෙලිහුල්ඔය හා සමනල වැවෙන් පෝෂණයේ වෙනවා ) කැළණි ගඟ මාඋස්සාකැලේ සහ කාසල්රී ජලාශ වලින් ආරම්භ වෙන්නේ. නමුත් ඉතින් ඒ ජලාශ පෝෂණය වෙන්නෙත් සමනල අඩවිය සහ හෝර්ටන් තැන්නෙ ජල පෝෂක වලින්.
කළුගඟ සටහන් කරපු සිමෙන්ති පුවරුව.
කොහොම කලත් දෙයක් ගවේෂණය කරන්න තියෙන ආසාව නිසාම අපි මේ පුවරුව ලඟින් කැලේ කඩාගෙන දිය පාර දිගේ උඩටම ගියා.
එක නම් ටිකක් අමාරු ගමනක් වුනා, මොකද සෑහෙන ඝනවරේට යටි රෝපණය වගේම බට පඳුරු නිසා. ඔහොම විනාඩි දහයක් පහලවක් විතර යද්දී නිශ්චිත දිය පාර වෙනුවට තැන තැන දිය සීරාව එක්ක මඩ තමා දකින්න ලැබුනේ.
දිය පාර ඔස්සේ උඩට. මෙතන ඉඳල ගහපු පොටෝ ඔක්කොම වගේ හෙලවිලා.
ඔහොම ගිහින් ගිහින් අවසානයේ අපි නැවතුනේ මෙන්න මෙතන. මේ ගලට යටින් තමා වතුර පාර නිශ්චිත විදිහට ගලාගෙන එන්න පටන් ගන්නේ.
මෙතනින් උඩ දිගටම දිය සීරාව මිසක් නියමිත ජල ප්රවාහයක් දකින්න ලැබුනේ නෑ. එක නිසා මම විශ්වාස කරනවා කළු ගඟේ දිය උල්පත මේ කිට්ටුවම තමා ඇත්තේ කියල. මේක දකින්න ලැබුණු එකට මම අදටත් පුදුම විදිහට සතුටු වෙනවා. ගමන පුරාවටම ගහපු වැදගත්ම පොටෝ එක.
කළු ගඟේ ආරම්භක දියවර
තරමක් අපැහැදිලි වුනත් මම මේ පොටෝ එක දානවා, මොකද මේක මට ගොඩක් වටිනා නිසා
official kaluganga selfie
එතනින් පස්සේ අපි තරමක් වේගයෙන් උඩට පිය නැගුවා. මොකද රෑ වෙන්න කලින් උඩමළුවට සේන්දු වෙන්න ඕනේ නිසා.
දිය බෙත්ම
කෝඩුකාරයෝ නොවුනත් අපි ගෙත්තමක් කරලම පිටත් වුනා
ගෙත්තම්පානෙන් පිටත් වෙන්න හදද්දී පොඩ්ඩක් වැස්සා. ඒත මිනිත්තු පහක් දහයකින් එහෙමම තුරල් වෙලා ගියා.
ධර්මරාජ ගලේ පඩි ගනිමින්. මේක කවදාවත් හරියට ගනින්න බැලූ.වරදිනවලු. අපි නම් ඉතින් ඕක ගනින්න ගියේ නෑ ඔය කිව්වට
මීදුම
මේ පර්වතය නම් මොකක්ද දන්නේ නෑ ??
ගමනේ පලවෙනි වතාවට සිරිපාද මුදුන දකින්න ලැබුන
ඔහොම දිගටම නගින කොට සීත ගඟුලටත් කිට්ටු වුනා.ඇඟ හිරිවැටෙන සීතලේ වුනත් අපි දෙහි ඔලුවේ ගාලා සීත ගඟුලේ නාලා අම්බලමෙන් ටිකක් නැවතිලා දවල්ට පාන් එක්ක මාමයිට් ටිකක් කාලා තමා ගමනේ ඉතුරු ටික පිටත් වුනේ.
සීතල වුනත් හොඳට නාගත්තා
හැරමිටිපානට ගොඩ වුනා.
හැරමිටිපාන අම්බලම.
ගල්වංගෙඩිය අම්බලම හා තොරණ
හැරමිටිපානෙන් පස්සේ අපි දිගටම ඇවිදින් ඊට පස්සේ නතර වුනේ මෑල්ලමල කඳුරේ. මේ වෙනකන් ගමන පුරාවටම අපිට මනුස්සයෙක් දකින්න ලැබුනේ එතැනදී. වාරය කිට්ටු නිසා කඩ හිමියෙක් එයාගේ කඩේ නිර්මාණය කරන්න අවශ්ය බඩුමුට්ටු අරගෙන හැටන් පැත්තෙන් ඇවිත් මෙතනට බැහැල විවේක ගන්නවා.
මෑල්ලමල කඳුර
රත්නපුර පාරෙන් සිරිපා කරුණා කරන කෙනෙකුට මහගිරිදඹේ ට කලින් අවසන් වරට හම්බුවෙන අම්බලම.
වලාකුලුවලට එපිටින් පේන්නේ කුණුදිය පව්වේ මුදුන
කුණුදිය පව්ව
වමේ ඉඳල පිලිවෙලින් බෑන සමනල, ධර්මරාජගල සහ කුණුදිය පව්ව
ඇහැළ කණුවට සේන්දු වුනා. මෙතන ඉඳල තමා මහගිරිදඹේ ආරම්භ වෙන්නේ
වලාකුලුවලට එපිටින් ඉර බැහැගෙන දර්ශනය සිරිපා කන්දේ ඉඳල. ජීවිතේ දැකපු ලස්සනම දර්ශනයක්.
මේ ලස්සන කවදාවත් අමතක වෙන්නේ නම් නෑ
මහගිරිදඹේට රාස්සිගේ අව්ව වැටෙන හොරාවේම වගේ අපි උඩ මළුවට සේන්දු වුනා. ඒ ඇවිදින් මළුවේ වැඩ වාසය කරන ස්වාමින්වහන්සේ දැනුවත් කරලා අවසර එහෙම ගත්තා. උන්වහන්සේ අපිට එදා රෑ නවතින්න ශාලාව එහෙම ලැස්ති කරලා රෑට කෑමට අවශ්ය ව්යංජන පවාදුන්නා.උන්වහන්සේට බොහොමත්ම පිං.අපි වගේම නමුත් ආගමික අරමුණෙන් එදා සිරිපාදය කරුණා කරපු තවත් නඩයක් අපිට කලින් මළුවට ඇවිදින් තිබුන.හැටන් පාරෙන්.
ඉතින් එදා බොහොම වෙහෙසකර දවසක නිමාව මෙසේ සටහන් වුනා.බිමට පැදුර එහෙම දාගෙන අපි ඉක්මනට නින්දට වැටුනා, මොකද උදෑසනින්ම ඉර සේවය දකින්න ලොකු බලාපොරොත්තුවක් හිතේ තිබුන.
ඔය ඈතින් පෙන්නේ කොළඹ නගරයේ ලයිට් ලු. හාමුදුරු නම තමා අපටත් කිව්වේ.
