ඇර සොයිසා (1984)

අල්ලපු ගෙදර චිත්‍රපටය හැදෙන්නෙ අල්ලපු රටේ හැදුන ද්‍රවිඩ චිත්‍රපටයක් ආශ්‍රය කරගෙනයි. ඒ තමයි “අඩුත වීටු පෙන්” කියන දෙමළ චිත්‍රපටය. එහෙම උනා කියල සිංහල සිනමාව ඇතුලෙ අල්ලපු ගෙදරට තියෙන තැන කිසිසේත්ම බාල්දු වෙන්නෙ නෑ. ජෝ අබේවික්‍රම කියන ශ්‍රේෂ්ඨ රංගන ශිල්පියගෙ රංගන ප්‍රතිභාවෙන් ඔප වැටෙන මේ චිත්‍රපටය ඒ කාලෙ ප්‍රේක්ෂකයන්ව සිනහ සාගරයක ගිල්වන්න සමත් වෙනව. මුල් දෙමල චිත්‍රපටයටත් වඩා උසස් මට්ටමක මේ චිත්‍රපටය තියන බව තමයි විචාරකයන් පවා සඳහන් කරන්නෙ.

තමන්ගේ අල්ලපු ගෙදර වෙසෙන සංගීතයට ලැදි රූමත් යුවතියකගේ හිත ගන්න තරුණයෙක් ගන්න උත්සාහය තමයි මේ චිත්‍රපටයෙන් අපට දකින්න ලැබෙන්නේ. ඒ සඳහා වෙන අයගේද උදවු ඇතිව තමන්ට ගායන හැකියවක් ඇති බවට ප්‍රදර්ශනය කරමින් දාන නොයෙක් උප්පරවැට්ටි මේ චිත්‍රපටය පුරාවට අපිට දකින්න ලැබෙනවා.

ඒ කාලෙ අල්ලපු ගෙදර නරඹපු අය අදටත් කියන කතාවක් තමයි අල්ලපු ගෙදර තරම් විකට රසයෙන් යුතු චිත්‍රපටයක් ආපහු සිංහල සිනමාව ඇතුලෙ බිහිවුනේ නෑ කියන එක. අල්ලපු ගෙදර චිත්‍රපටයේ අධ්‍යක්ෂකවරයා වන්නේ දකුණු ඉන්දියානු අධ්‍යක්ෂක එම්. මස්තාන්. ජෝ අබේවික්‍රමයන්ට අමතරව මෙහි ක්ලැරිස් ද සිල්වා ප්‍රධාන නිළි චරිතය රඟදක්වනවා. අදටත් ඉතාමත්ම ජනප්‍රිය ගීත රාශියකින්ද මේ චිත්‍රපටය සමන්විත වනවා.

Click to expand...

Drama / Black & White / 35mm
Released Date : 1965-09-17
Main Actor :Joe Abeywickrama
Main Actress :Clarice De Silva
Director : M. Masthan
Producer :K.Gunarthnam

Click to expand...