වාහනේ කහ ලයිට් සුදු කරමු, කැත අරිමු

මේ ත්‍රෙඩ් එක දාන්න හිතුනේ ඊයේ වාහන හින්ද කාපු කටු ත්‍රෙඩ් එකෙත්දි අපි මේ ගැන කතා කරපු නිසා. මම කාලෙකට කලින් ලයිට් එකක් සුද්ද කරද්දී ෆොටෝ ටිකක් අරං තිබුනා. ඉතිං මම හිතුවා කටු ත්‍රෙඩ් එකේ ඉන්න අයගේ හිත සුව පිණිස මේ ටික දාන්න ඕනෙ කියලා. එහෙම හිතලා රූප ටික අප්ලෝඩ් කරාටත් පස්සේ තමයි හිතුනේ වාහන පාවිච්චි කරන වැඩි පිරිසකට දකින්නත් එක්ක මේ ගැන වෙනමම දැම්මනම් හොදයි කියලා. මොකද ගොඩදවසකින් ත්‍රෙඩ් එකක් දාන්නත් බැරි වුනානේ.

ප්ලාස්ටික් ලයිට් කාළයක් පාවිච්චි කරද්දි අපාටක් ගහනවා කියලා වාහන පාවිච්චි කරන හැමෝම දන්නවනේ. අපාට ගහන්නේ නැතුව තියාගන්න නම් කරන වැඩේ තමයි අර උඩිං ස්ටිකර් එකක් අලවන එක. නමුත් ඉතිං හැමෝම ඔහොම කරන්නේ නෑනේ. ඉතිං ලයිට් කහ පාට වුනාම මුලු වාහනේම ලස්සන එතතින් නැති වෙලා යනවා. කහ වීම විතරක් නෙවෙයි ලයිට්වල මතුපිට දිස්නය නැති වුනහමත් කැතයි. අද කියන්න යන්නේ ඔය ගැටලු විසද ගන්න විදිහ තමයි.

ඔය වැඩේට ඕනි වෙන්නේ පිත්තල බඩු පොලිෂ් කරන්න ගන්න බ්‍රාසෝ පොඩි බෝතලයක් සහ 2000 සෑන්ඩ් පේපර් එකක්. මේ දෙකටම යන්නේ ඉතාම අඩු මුදලක් කියලා අමුතුවෙන් කියන්න ඕනෙ නෑනේ. ඕනිම හාඩ්වෙයා එකකින් ගන්න පුලුවන්.


දැන් වැඩේ පටන්ගන්නයි තියන්නේ. වතුර බාල්දියක් අරගෙන පුටුවක් තියලා ලයිට් එක ලගින් ඉදගන්න.

දැන් සෑන්ඩ් පේපර් එකෙන් කෑල්ලක් ඉරාගෙන වතුරේ ඔබ ඔබ ලයිට් එක මත අතුල්ලන්න. ඔයාලට පෙනෙයි කහපාට ගතිය කැපිලා යන විදිහ. මේ වගේ මුලු ලයිට් එකේම කහපාට ගතිය යනකල් අතුල්ලන්න.

ඔය තියන්නේ ටොමා ඒවගේ ලයිට් එකක් සෑන්ඩ් පේපර් එකෙන් කපපු දුර්ලභ නැති අවස්ථාවක්.


දැන් ලයිට් එක වතුර ටිකක් දාලා හෝදලා පිහදාන්න. මේ තියන්නේ එතකොට පේන විදිහ

කාලා වරෙංකෝ.. කෝ ලයිට් එකේ දිස්නේ.

අන්න ඒදිස්නේ ගන්න තමයි බ්‍රාසෝ පාවිච්චි කරන්නේ. දැන් බ්‍රාසෝ බෝතලේ හොදට හොල්ලලා මූඩිය අරින්න.
දැන් ඒකේ ප්‍රසන්න සුවද මොහොතක් අත්විදින්න.


ඇති ඇති සුවද බැලුවා ඇති.

දැන් ගන්න රෙදිකෑල්ලක්. අරං මුලු ලයිට් එකේම බ්‍රාසෝ ගාන්න. (ලයිට් එක වේලිලා තියෙන්න ඕනේ බොලව්.) නිකං මල්පෙත්තක් අතගානවා වගේ ගාන්නේ නැතුව ටිකක් තදේට රව්මට රව්මට අතුල්ලන්න. (වැඩිය තද කරන්න අවශ්‍ය නැ.)
ඊටපස්සේ ඒටික වේලෙන්න ඇරලා. වෙන රෙදි කෑල්ලකින් අත තද කරලා පිහදාන්න. දැන් බලන්නකෝ ලයිට් එක.

වැඩේ ඔච්චරයි. සරළයි පහසුයි.

ලයිට් එක කහ ගැහිල නැත්තං. දිස්නෙ විතරනම් නැති වෙලා තියන්නේ 2000 කොලෙන් කපන්න යන්න ඕනෙ නෑ. කෙලින්ම බ්‍රාසෝ දාලා පොලිෂ් කර ගත්තම ඇති.

සැලකිය යුතුයි - මා අත්හදා බලා ඇත්තේ ජපන් වාහන වල ලයිට් වලට පමණක් බව සලකන්න.


​